Llyfr y Psalmau,: wedi eu cyfieithu, a'u cyfansoddi ar fefur cerdd, yn gymraeg. / Drwy waith Edmund Prys archdiacon Merionydd.

PSAL. XIX.

DAtgan y nefoedd fowredd Duw, yr vnrhyw gwna'r ffurfasen: [verse 2] Y dydd i ddydd, a'r nos i nos, sy'n dangos cwrs yr wybren [verse 3] Er nad oes ganthynt air nac iaith, da y dywaid gwaith Duw lywydd, Diau nad oes na môr na thir, na chlywir eu lleferydd.

[verse 4] Aeth eu sain hwy drwy yr holl fyd, a'i geiriau hyd eithafoedd. Yr haul teg a'i gwmpas sydd bell, a'i babell yn y nefoedd. [verse 5] O'r hon y cyfyd ef yn rhôd, fel priod o'i orweddfa, Iw gwrs cyrch drwy lawenydd mawr, fel cawr yn rhedeg gyrfa.

[verse 6] O eithaf hyd eithafoedd nef y mae ef a'i amgylchiad: Ac ni all dim (lle rhydd ei dro) ymguddio o'i oleuad. [verse 7] Dysg yr Arglwydd sydd berffaith ddawn a dry i'r iawn yr enaid, Felly rhydd ei wir dystiolaeth wy bodaeth i'r ffyddloniaid.

[verse 8] Deddfau Duw lôn ydynt vnion, llawenant galon ddiddrwg, A'i orchymyn sydd bur diau, a rydd olau i'r golwg. [verse 9] Ofn yr Arglwydd sydd lân, ac byth y pery'n ddilyth hyfrydd, Barnau'r Arglwydd ynt yn wîr llawn i gyd, a chysiawn hefyd.

[verse 10] Mwy deisyfedig ŷnt nac aur, ie na choethaur lawer, Melysach hefyd ŷnt na'r mêl, sef dagrau terfel tyner. [verse 11] Can's ynthynt dysgir fi, dy wâs, ar addas, a'r vnionder: A'r holl gamp sy o'i cadw nhwy, felly ceir go brwy lawer.

[verse 12] Er hynny i gyd, pwy a all iawn ddeall ei gamweddau? O gwna fi'n lân, (a bydd ddidddig) o'm holl guddiedig feiau. [verse 13] Duw attal feiau rhyfig, chwant, na thyfant ar fy' ngwarthaf; Yno byddaf wedi 'nglanhau o'm holl bechodau mwyaf.

[verse 14] O Arglwydd, fy mhrynwr a'm nerth, bydded yn brydferth gennyd Fy'madrodd, pan ddêl gar dy fron, a'm myfyr calon hefyd,