Scene 10
Good Dedes.
Here I lye, colde in the grounde.
Line 486
Thy synnes hath me sore bounde,
Line 487
That I can not stere.
Line 488
Eueryman.
O Good Dedes, I stande in fere!
Line 489
I must you pray of counseyll,
Line 490
For help now sholde come ryght well.
Line 491
Good Dedes.
Eueryman, I haue vnderstandynge
Line 492
That ye be somoned a-counte to make
Line 493
Before Myssyas, of Iherusalem kynge;
Line 494
And you do by me, that iournay with you wyll I take.
Line 495
Eueryman.
Therfore I come to you my moone to make.
Line 496
I praye you that ye wyll go with me.
Line 497
Good Dedes.
I wolde full fayne, but I can not stande, veryly.
Line 498
Ereryman.
Why, is there ony thynge on you fall?
Line 499
Goode Dedes.
Ye, syr, I may thanke you of all.
Line 500
If ye had parfytely chered me,
Line 501
Your boke of counte full redy had be.
Line 502
Loke, the bokes of your workes and dedes eke
Line 503
Ase how they lye vnder the fete,
Line 504
To your soules heuynes.
Line 505
Eueryman.
Our Lorde Iesus help me!
Line 506
For one letter here I can not se.
Line 507
Good Dedes.
There is a blynde rekenynge in tyme of dystres.
Line 508
Eueryman.
Good Dedes, I praye you helpe me in this nede,
Line 509
Or elles I am for euer dampned in dede;
Line 510
Therfore helpe me to make rekenynge
Line 511
Before the Redemer of all thynge,
Line 512
That Kynge is, and was, and euer shall.
Line 513
Good Dedes.
Eueryman, I am sory of your fall,
Line 514
And fayne wolde I help you, and I were able.
Line 515
Eueryman.
Good Dedes, your counseyll I pray you gyue me.
Line 516