Everyman :
A. C. Cawley

Scene 10

Good Dedes.
Here I lye, colde in the grounde.
     486
Thy synnes hath me sore bounde,
     487
That I can not stere.
     488
Eueryman.
O Good Dedes, I stande in fere!
     489
I must you pray of counseyll,
     490
For help now sholde come ryght well.
     491
Good Dedes.
Eueryman, I haue vnderstandynge
     492
That ye be somoned a-counte to make
     493
Before Myssyas, of Iherusalem kynge;
     494
And you do by me, that iournay with you wyll I take.
     495
Eueryman.
Therfore I come to you my moone to make.
     496
I praye you that ye wyll go with me.
     497
Good Dedes.
I wolde full fayne, but I can not stande, veryly.
     498
Ereryman.
Why, is there ony thynge on you fall?
     499
Goode Dedes.
Ye, syr, I may thanke you of all.
     500
If ye had parfytely chered me,
     501
Your boke of counte full redy had be.
     502
Loke, the bokes of your workes and dedes eke
     503
Ase how they lye vnder the fete,
     504
To your soules heuynes.
     505
Eueryman.
Our Lorde Iesus help me!
     506
For one letter here I can not se.
     507
Good Dedes.
There is a blynde rekenynge in tyme of dystres.
     508
Eueryman.
Good Dedes, I praye you helpe me in this nede,
     509
Or elles I am for euer dampned in dede;
     510
Therfore helpe me to make rekenynge
     511
Before the Redemer of all thynge,
     512
That Kynge is, and was, and euer shall.
     513
Good Dedes.
Eueryman, I am sory of your fall,
     514
And fayne wolde I help you, and I were able.
     515
Eueryman.
Good Dedes, your counseyll I pray you gyue me.
     516
Page  16
Good Dedes.
That shall I do veryly.
     517
Thoughe that on my fete I may not go,
     518
I haue a syster that shall with you also,
     519
Called Knowlege, whiche shall with you abyde,
     520
To helpe you to make that dredefull rekenynge.
     521