The English register of Oseney abbey / by Oxford, written about 1460. Ed., with an introduction and indexes, by Andrew Clark.

[194.]

About 1280. Confirma|tion to Oseney, by John of Brock, of his father's grants (as in nos. 187, 190-2), to be held by quit|rent of 4d., which he will pay back as rent for the site of a dove-house.

TO all cristen men to þe which this present writyng schall come, John of Broc, of litull Tywe, helth in owr lorde. Knowe ȝe all me to haue i-grauntid and with myne present charter confermed [Omit 'confermed.'] to haue i-confermed, for me and my heyres for Euer, to god and to þe church of Seynte marie of Oseney and to þe chanons þere seruyng god, þe ȝiftes and grauntes þe which to þem made By his charters Robert Broc my ffadur and all my predecessoures, of londes and rentes, with here per|tinences,

þe which þey holden of my ffee In litull Tywe, þat þey holde ande haue þem, quietly holy ffrely and pesibly, paying ȝerely to me and to my Eyres or to myne assynes iiij. d. at Estur for all thynges þe which, for þ^e lond, or of þe londe, may Be axid or schall mowe to Be axid for Euer, þe which iiij. d. I schall aȝene paye In the same daye and terme for A place vppon þe which A Culuerhowse is i-fundid [in [Added from the Latin.] my court]. And I John of Broc and my heyres or myne assines þe forsaide londes and rentes, with all þere pertinences, agaynste all cristen men and Jues schall warantiȝe Aquite and Defende and that this graunte et cetera.