þe which þey holden of my ffee In litull Tywe, þat þey holde ande haue þem, quietly holy ffrely and pesibly, paying ȝerely to me and to my Eyres or to myne assynes iiij. d. at Estur for all thynges þe which, for þe lond, or of þe londe, may Be axid or schall mowe to Be axid for Euer, þe which iiij. d. I schall aȝene paye In the same daye and terme for A place vppon þe which A Culuerhowse is i-fundid [in [Added from the Latin.] my court]. And I John of Broc and my heyres or myne assines þe forsaide londes and rentes, with all þere pertinences, agaynste all cristen men and Jues schall warantiȝe Aquite and Defende and that this graunte et cetera.
[XXX. Of Great Tew]
[195.]
Reference to no. 186.
A SENTENCE diffinitife Agaynste William, person of þe church of more tywe, i-ȝefe By thabbot of gloucetur prior of lantonye and þe Archedecon of gloucetur of þe smale tithis In litull Tywe, above In the titull of 'litull Tywe.'
[196.]
Reference to no. 188.
A CHARTER agaynste John of Pratell of A commune, i-ȝefe In þe ȝere of þe Reyne of þe Kyng Henry þe soone of Kynge John [lii], above In þe titull of 'litull Tywe.'
[XXXI. Of Dunstew]
[197.]
Reference to no. 21.
THABBOT of Oseney hath In Dunstywe, of þe ȝifte of Robert Doylly, and confirmacions of Kynges of Inglonde, and confirmacion and graunte of Bisshopes and of [folio 43a] þe chapiter of lincoln, ij. parties of tithes of scheves of þe Demayne of Hugh of Tywe, as hit is i-schewed In þe grete charter of þe feffyng of þe same þe which is Above In þe title 'Howe þe church of Saynte George whas i-ȝefe to the chanons of Oseney.'
[198.]
About 1200. Agreement between Oseney and Merton priory, about tithes of a yard|land in Great Tew, Oseney re|linquishing all claim on condi|tion of Mer|ton priory paying a yearly quit|rent of 1s.
BE hit i-knowe to all cristen menne to þe which þese present letters schall come, that, where A question whas i-maade, Bitwene Hugh [Hugh of Buckingham, abbot 1184-1205.] , Abbot of Oseneye, and þe Couent
