Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Exurgat Deus. Psal. 68.

Dafydd yn dangos trugareddau Duw iw bobl, a bod Eglwys Duw yn rhagori ar bob peth bydol.

YMgyfoded vn Duw ein Ner, gwasgarer ei elynion, Vn drygddyn honynt nac arhoed, o'i flaen ffoed ei gaseion. [verse 2] Os chwalu mwg mewn gwynt sy hawdd, os tawdd cwyr wrth eiriasdan, Fel hynny o flaen Duw (yn wir) yr enwir a ddiflannan.

[verse 3] Ond llawenycher ger bron Duw y cyfion, iw orfoledd; A'i hyfrydwch hwyntwy a fydd yn llawenydd cyfannedd. [verse 4] Cenwch, a molwch enw Duw, sef hwn yw vwch y nefoedd Yn marchogaeth, megis ar farch, iw enw rhowch barch byth bythoedd.

[verse 5] A gorfoleddwch gar ei fron, Duw tirion, tâd ymddifaid, Ac i'r gweddwon mae'n farnwr da yn ei bryswylfa gannaid. [verse 6] Duw a wna rai mewn ty'n gytun, ei hun mae'n gollwng gefyn, Ac yn rhoi trigfan mewn tir crâs, i ddynion atcas cyndyn.

[verse 7] Pan aethost (Dduw) o flaen dy lu, dy daith a fu drwy ddrysni. [verse 8] Y ddaiar crynodd a flaen Duw, a'r nef rhoes amryw ddefni. Ac felly Sinai o flaen Duw, sef (vnduw Israel howddgar). [verse 9] Ar d'etifeddiaeth hidlaist law, i ddiflinaw y ddaiar.

[verse 10] Gwrteithiast hon, dy bobloedd di sydd ynthi yn preswylio: Oth râd darperaist Dduw i'r flawd, i gael digondawd yno. [verse 11] Yr Arglwydd Dduw a roddai'r gair, mawr mintai'r cantoressau: [verse 12] Cilient gedyrn: gweiniaid arhont, yr ysbail rhont yn rhannau.

[verse 13] Pes ymdroech mewn parddu a llwch, chwi a fyddwch fel y glommen, A'i phlu yn aur ac arian teg, yn hedeg is yr wybren. [verse 14] Hon, pan wasgarodd Duw yn chwyrn bob cedyrn o'i gaseion, Oedd mor ddisgleirwych, ac mor wenn, ac eira'ar ben bryn Salmon.

[verse 15] Mynydd Duw (sef Sion) y sydd fel Basan fynydd tirion: Mynydd Basan vchel ei grib cyffelib yw i Sion. [verse 16] Chwychwi fynyddoedd cribog pam y bwriwch lam mewn cyffro? Duw ar Seion ei serch a roes, lle myn ef eisoes drigo.

[verse 17] Rhif vgain mil o filoedd yw angylion Duw mewn cerbyd: Ynghyssegr Sinai y bu ei wlith, bydd Duw iw plith hwy hefyd [verse 18] I'r vchelder y derchefaist, a chaethgludaist gaethiwed, Cymraist, dodaist ddoniau, Duw Ion, i ddynion oedd ddiniwed.

[verse 19] Bendigaid fyth fo'r Arglwydd man am ddoniau ei ddaioni. A'i iechydwriaeth i ni'n llwyth o berffrwyth ei haelioni. [verse 20] Efe ei hun yw'n Duw ni i gyd, sef Duw ein iechyd helaeth, Drwy'r Arglwydd Dduw cawn yn ddi swrth ddiangc oddiwrth farwolaeth.

[verse 21] Duw yn ddiammau a dyrr ben, a thalcen ei elynion, A choppa walltog rhai a fo yn rhodio mewn drwg creulon. [verse 22] Dygaf fy mhobloedd (meddai ef) hyd adref fel o Basan, A dygaf hwynt iw hol drachefn, fel o'r mor donlefn allan.

[verse 23] Fel y gwlychech ditheu dy draed yn llif gwaed dy ddigassau, Ac y llyfo dy gwn heb gel y gwaed a ddel o'i briwiau. [verse 24] Gwelodd pawb (o Dduw) dy ystâd, yn dy fynediad sanctaidd, Mynediad fy Nuw frenin fry, fel hyn iw dy cysegraidd.

[verse 25] Y cantorion, aent hwy o'r blaen, cerddorion aen ol ynol, Yna'r gweryfon, beraidd gân,

ar tympan yn y canol. [verse 26] Clodforwch Dduw hynny sydd dda ym mhob cyn'lleidfa ddiwael, A chlodforwch yr Arglwydd Ion, chwi sydd o ffynnon Israel.

[verse 27] Dodd Beniamin y llywydd bach, doed beliach dugiaid Iuda, Doed Nepht••li, a Zabulon, a'i tywysogion yna. [verse 28] Dy Dduw a drefnodd i ti nerth, a'i law sydd brydferth geidwad, Duw cadarnhâ etto yn faith arnom ni waith dy gariad.

[verse 29] Er mwyn Caersalem adail deg, rhydd cedyrn anrheg yty. [verse 30] Difetha dyrfa y gwaywffyn, a'r rhai a fyn ryfely. Dewr fel feirw, mwyfus fel lloe, y rhei'ni a roe yr arian: Delont i'r iawn: tyn nerth a nwp' a gostwng hwy yn fuan.

[verse 31] Y pendefigion o'r Aipht draw a ddaw, ac Ethiopia, At Dduw yn brysur i roi rhodd, ac aberth gwirfodd yna. [verse 32] Holl byrnasoedd y ddaiar lawr, i Dduw mawr cenwch foliant, Cenwch, cenwch ei glod yn rhwydd, sef Arglwydd y gogoniant.

[verse 33] Hwn a farchogodd y nef fry, a hynny o'r dechreuad: Wele, daw nerthol sain ei lef o eitha'r nef i wastad. [verse 34] Rhoddwch gadernid i Dduw ner, sef vchder ei ragoriaeth, Y sydd ar Israel, a'i nerth vwch wybrau prydferth gywaeth.

[verse 35] Duw, o'th gysegr i'th ofnir di, Duw Israel dodi nerthoedd, A chadernid mawr wyd i'th blaid, bendigaid fych oes oesoedd.