Deus misereatur. Psalm. 67.
Gweddi am lewych wynebpryd Duw, fel yr adwaener ei farnedigae∣thau. A dangos mai Duw sy'n llywod∣raethu pob peth.
Caner hon fel Psal. 51.
TRugaredd Duw i'n plith,
a rhoed ei fendith drosom,
A thywynned ei wynebpryd,
a'i nawdd, a'i iechyd arnom.
[verse 2] Fel y gwyper dy ffyrdd
drwy'r ddaiar gydwyrdd gnydoedd,
A'th iechydwriaeth di (o Dduw)
y'mysg pob rhyw genhedloedd.
[verse 3] Duw: moled pobloedd di,
rhoent fawl a bri drwy'r hollfyd.
[verse 4] A'r holl genhedloedd is wybren,
byddant lawen a hyfryd.
Cans ti a ferni'n iawn
y bobl drwy lawn wybodaeth,
Ac a roi'r holl genhedloedd ar
y ddaiar mewn llywodraeth.
[verse 5] Duw, moled pobloedd di,
rhoent fawl a bri trwy'r hollfyd.
[verse 6] Yna rhydd y tir ffrwyth i'n plith,
a Duw ei fendith hefyd.
[verse 7] A Duw, sef Duw ein tâd,
a rotho ei râd a thycciant,
A therfynau y ddaiar gron,
a phawb ar hon a'i hofnant.