Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Iudica me Domine. Psal. xxxv.

Dafydd yn gweddio am ddial ar wein∣ieithwyr Saul, y rhai a'i herlidient; a thros ei gyfeillion ef. Ac yn addaw moli Duw yn dragywydd.

PLeidia (o Arglwydd) yn fy hawl, â'r sawl a dery'n ferbyn: Lle'r ymrysonant â myfi, ymwana di â'r gelyn. [verse 2] Mae dy gymorth? o moes ei gael, ymafael yn y tarian: O cyfod cais dy astalch gron, a dwg dy waywffon allan.

[verse 3] Argaua ar y rhai sy ar gam, i'm herlid am fy mywyd: Wrth fy enaid, dywaid fel hyn, fy fi a fynn yt' iechyd. [verse 4] Gwarth, a gwradwydd a fo i bob gradd, a geisio ladd fy enaid: A thrwy gywilydd troed iw hol y ffals niweidiol gablaid.

[verse 5] Fel yr vs o flaen gwynt y bon', Angel yr Ion i'w chwalu:

[verse 6] A rhyd ffordd dywyll lithrig lefn, a hwn wrth gefn iw gyrru. [verse 7] Cloddio pwll, a chuddio y rhwyd, a wnaethbwyd ym heb achos: Heb achlysur, maglau a wnaid i'm henaid yn y cyfnos.

[verse 8] O deued, cwymped yn ei rwyd, yr hon a guddiwd allan: Syrthied a glyned iw delm rwyll, a'i drapp o'i dwyll ei hunan. [verse 9] Eithr am fy enaid i (Amen) bid llawen yn yr Arglwydd: Fe a fydd hyfryd gantho hyn, lle daw i'r gelyn aflwydd.

[verse 10] O Arglwydd dywaid f' esgyrn i, pwy sydd a thi vn gyflwr? Rhag ei drech yn gwared y gwan, a'r truan rhag ei 'speiliwr▪ [verse 11] Tystion gau a godent yn llym, a holent ym' beth anfad: [verse 12] Drwg ym' dros dda talent heb raid, a'm henaid braint ymddifad.

[verse 13] Ond fi, tra fyddent hwy yn glaf, rhown i'm nesaf liein-sach: Drwy hir ym ostwng ac ympryd, cymrais fy myd yn bruddach. Yr vn dosturiol weddi fau, a ddaeth o'm genau allan, A droes eilwaith (er fy lles) i'm mynwes i fy hunan.

[verse 14] Mi a ymddygais mor brudd dlawd, fel am fy mrawd neu'nghymar: Neu fel arwyl dyn dros ei fam, ni cherdda'i gam heb alar. [verse 15] Hwythau yn llawen doent ynghyd, pan bwysodd adfyd attaf; Ofer ddynion, ac echrys lu fyth yn mingammu arnaf.

[verse 16] Rhai'n rhagrithwyr, rhai'n watwor∣wyr, torrent hwy eiriau mwysaidd: Hwy a'sgyrnygent arnaf fi, bob daint, a'r rheini'n giaidd. [verse 17] Arglwydd edrych, ow pa ryw hyd yw'r pryd y dof o'i harfod? Gwared fy enaid rhag y bedd, f'oes o ewinedd llewod.

[verse 18] Minneu a ganaf i ti glod, lle bo cyfarfod lluoedd: Ac a folaf dy enw a'th ddawn, wrth lawer iawn o bobloedd. [verse 19] Na fydded lawen fy nghâs ddyn, i'm herbyn heb achossion: Ac na throed (er bwriadu 'mrâd) mo gwr ei lygad digllon.

[verse 20] Nid ymddiriedant ddim mewn hedd, dychmygant ryfedd gelwydd: Dirwyn dichell, a gosod cryw i'r rhai sy'n byw yn llonydd. [verse 21] Lledu safnau, taeru yn dyn, a dwedyd hyn yn vnblaid, Fei ffe i o honot, hwnt a thi, ni a'th welsom ni â'n llygaid.

[verse 22] Tithau (o Arglwydd) gwelaist hyn, mor daer yn f'erbyn fuon: Ac na ddos oddiwrthif ymhell, rhag dichell fy nghaseion. [verse 23] Cyfod, deffro, fy Nuw i'm barn, yn gadarn gyd â'm gofid: [verse 24] Dydi a fynni'r vniondeb, ni watwar neb o'm plegid.

[verse 25] Na âd i'r gelyn calon wael ddiweddu cael i wynfyd: Na rhodresu fy llyncu'n grwn, llyncaswn hwn yn ddybryd.

[verse 26] Gwarth a gwradwydd iddynt a ddel sy'n codi vchel chwerthin: Gwisger hwynt â mefl ac â châs, sydd ym alanas ryflin. [verse 27] Llawen fo'r llaill a llawn o glod, sy'n coelio 'mod yn gyfion. Dwedant, bid i'n Duw ni fawrhâant, am roi llwyddiant iw weision.

[verse 28] Minnau fy Arglwydd gyda'r rhai'n, myfyriaf arwain beunydd Dy gyfiownder di, a'th fawr glod, â'm tafod yn dragywydd.