Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Dominus illuminatio. Psal. xxvij.

Ffydd Dafydd tuag at Dduw, tra orfu arno fod allan o'r orsedd: a'i gysur i bawb yn eu blinder.

YR Arglwydd yw fy ngolau'gyd, a'm iechyd: rhag pwy'r ofnaf? Yr Arglwydd yw nerth fo'es: am hyn, rhag pwy doe ddychryn arnaf? [verse 2] Pan ddaeth rhai anfad, sef fy nghas, o'm cwmpas er fy llyngcu, Llithrasant a chwympasant hwy, ni ddaethant mwy i fynu.

[verse 3] Niddoe ofn ar fy nghalon gu, pe cyrchai llu i'm herbyn: Neu pe codai gâd y modd hwn, mi ni wanffyddiwn ronyn. [verse 4] Vn arch a erchais ar Dduw nâf, a hynny a archaf etto: Cael dyfod i dy 'r Arglwydd glân, a bod a'm trigfan yntho:

I gael ymweled a'i Deml deg, a hyfryd osteg ynthi Holl ddyddiau f' einioes: sef wyf gaeth o fawr hiraeth am dani.

[verse 5] Cans y dydd drwg fo'm cudd efe iw Babell neu ddirgelfa: Iw breswylfod, fel mewn craig gref, caf gantho ef orphwysfa.

[verse 6] Bellach fo'm codir vwch fy nghâs, sydd mewn galanas ymy; Aberthaf, caraf, mola'r Ion yn ffyddlon byth am hynny. [verse 7] Gwrando arnaf fy Arglwydd byw, bryssia a chlyw fy oernad: Trugarhâ wrthif, gwyl fy nghlwyf, y pryd y galwyf arnad.

[verse 8] Fel hyn mae 'nghalon o'm mewn i yn holi ac yn atteb, Ceisiwch fy wyneb ar bob tro: fy Nuw rwy 'n ceifio d'wyneb. [verse 9] Na chudd d'wyneb, na lys dy wâs, fy mhorth a'm vrddas fuost: Duw fy iechyd na wrthod fi, o paid a sorri'n rhydost.

[verse 10] O gwrthyd fi fy nhâd a'm mam a'm dinam gyfneseifiaid: Gweddia'r Arglwydd, ef er hyn o'i râs a dderbyn fenaid. [verse 11] Duw dysg i mi dy ffordd yn rhwydd, o herwydd fy ngelynion, Ac arwain fi o'th nawddol râd yn wastad ar yr vnion.

[verse 12] Ac na ddyro fi, er dy râs, wrth fodd yr atcas elyn, Cans ceisiodd fy'nhaseion mau dystion gau yn fy erbyn. [verse 13] Oni bai gredu honof fi, bum wrth fron torri 'nghalon, Y cawn i weled da Duw 'n rhâd o fewn gwlâd y rhai bywion.

[verse 14] Disgwyl di ar yr Arglwydd da, ymwrola dy galon: Efa rydd nerth i'th galon di, os iddo credi'n ffyddlon.