Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Confitemini Domino. Psal. cvi.

Y bobl (wedi i tanu dan Antiochus) yn datcan daioni Duw i'r edifeiriol, ac yn dymuno ar Dduw eu casglu yng∣hyd, er mwyn ei enw.

MOlwch yr Arglwydd, cans da yw, moliennwch Dduw y llywydd: O blegyd ei drugaredd fry a bery yn dragywydd. [verse 2] Yr Arglwydd pwy all draethu ei nerth a'i holl dirionferth foliant? [verse 3] A wnel gyfiownder gwyn eu byd, ei farn i gyd a gadwant.

[verse 4] O Arglwydd, cofia fi dy wâs, yn ol dy râs i'r eiddod: Ymwel â mi i'm cystudd caeth, â'th iechydwriaeth barod. [verse 5] Fel y gwelwyf, ac y chwarddwyf, wych vrddas d'etifeddaeth. Ac y cydganwyf fawl vn don, a'th ddewisolion odiaeth.

[verse 6] Pechod, camwedd, ac annoethedd, gwnaethom gyda'n tadau: Efa gaed arnom ormod gwall, heb ddeall dy fawr wyrthiau. [verse 7] Yngwlâd yr Aipht wrth y mor coch, yn gyndyn groch anufydd: Heb gofio amled su dy râs haeddasom atgas gerydd.

[verse 8] Etto er mwyn ei enw ei hun, Duw cun a ddaeth i'n gwared: I ber•• i'r byd gydnabod hyn, ei sod ef cyn gadarned. [verse 9] Y ••yfnfor coch a'i ddyfrllyd wlych, a wnaeth e'n sych â'i gerydd: Trwy ddyfnder eigion aent ar frys, fel mynd rhyd ystlys mynydd.

[verse 10] Fel hyn y dug hwynt trwodd draw, o ddwylaw eu caseion: Ac y tywysodd ef ei blant o feddiant eu gelynion. [verse 11] Y deifr a guddiodd yr Aipht ryw, nid oedd vn byw heb foddi: [verse 12] Yna y credent iw air ef, a'i gerdd hyd nef ai 'n wisgi.

[verse 13] Er hyn, tros gof mewn amser byrr, y rhoent ei bybyr wrthiau: Heb sefyll wrth air vn Duw Ior, na'i gyngor, na'i ammodau. [verse 14] Ond cododd arnynt chwant a blys, yn nyrys yr anialwch: Gan demptio Duw â rheibus fol, ynghanol y diffeithwch.

[verse 15] Rhoes iddynt lenwi ei holl flys, rhoes an-nhycciannys aflwydd. [verse 16] Lle digient Foses wrth eu chwant, ac Aron Sant yr Arglwydd: [verse 17] Egorai 'r ddayar yn y man, a llyngcai Ddathan ddybryd; Ac a gynhullodd i'r vn llam, holl lu Abiram hefyd.

[verse 18] Ac yn ei ddig enynnodd tân, yn fuan yn eu canol: Llosgi y rhai'n, eu terfyn fu, yn vlw, y llu annulwion.

[verse 19] Yn Horeb gwnaethant dawdd-lun llo ac iddo ymgrymmasant: [verse 20] I lun llo a borai wellt mân, y troesan eu gogoniant.

[verse 21] Anghofient wrthiau Duw ar hynt, (a fuasai gynt achubwr. Yngwlâd yr Aipht. 22. Mor coch, tir Ham, heb feddwl am eu cyflwr. [verse 23] Dwedodd mai eu difetha wnai oni bai iw was Moesen Drwy sefyll o'i blaen iw lid maith droi ymaith eu drwg ddilen.

[verse 24] Dirmygent hwy y prydferth dir, ac iw air gwir ni chredent: [verse 25] Ond yn eu pebyll grwgnach tro, ac arno ni wrandawent. [verse 26] Yno y derchafodd Duw ei law, iw cwympiaw dwy'r anialwch: [verse 27] Rhyd tiroedd a phobloedd anghu, iw tanu mewn distyrwch.

[verse 28] A Baal Peor aent ynghyd, ymgredu i gyd ag efo: Ebyrth y meirwon a fwytent, a Duw a roddent heibio. [verse 29] Fal hyn digiasant f'Arglwydd Dduw â chyfryw goeg ddychmygion: Yntau anfonodd bla'n eu mysg, fal dynaderfysg greulon.

[verse 30] Yna cyfododd Phinehes, mewn cyfiawn wres i ddial: A phan roes hwn ei farn yn dda, Duw ar y pla rhoes attal. [verse 31] A chyfrifwyd y weithred hon, yn weithred gyfion yntho, O oes, i oes (drwy air Duw Ion) pan ddelai son am dano.

[verse 32] Ac wrth lan dwfr M••••ib••ah gynt, yno 'y cyffroynt 〈…〉〈…〉 Lle'y digient Dduw â'r 〈◊〉〈◊〉 ffraeth, am hyn bu'n waeth i Foesen. [verse 33] Wrth gythruddo yspryd y Sanct, hwy a barasant hefyd Iw enau draethu gair ar fai, ar na pherthynai'i ddwedyd.

[verse 34] Ni laddent chwaith bobloedd y wlâd wrth archiad Duw y lluoedd, [verse 35] Ond ymgymyscu â hwynt yn gu, a dysgu eu gweithredoedd. [verse 36] Gwasanaethu eu duwiau gau, y rhai fu faglau iddyn. [verse 37] Aberthu eu plant, yn fâb, yn ferch, o serch i'r cythraul eulyn.

[verse 38] A thywall tasant wirion waed, dan draed gau-dduwiau Canaan. Y tir (wrth aberthu eu plant) â gwaed llygrasant weithian. [verse 39] Felly o'i gweithredoedd eu hun, yn vn ymhalogasant. Put teinio wrth ei cwrs a'i bryd, ac felly cyd-lygrasant.

[verse 40] Wrthynt enynnodd Duw mewn dig am hyn â ffyrnig gyffro. Câs a ffiaidd felly yr aeth ei etifeddiaeth gantho. [verse 41] O'r achos hyn eu rhoddi a wnaeth dan bob cenhedlaeth gyndyn, Mewn cyflwr câs dan estron blaid, a'i câs yn feistraid arnyn.

[verse 42] Eu gelynion aethant yn ffrom, a'i llaw fu droma ffyrnig, Felly y darostyng wyd hwy, a mwyfwy fu eu dirmig.

[verse 43] Mynych-waredodd Duw ei blant, hwy a'i digiasant yntau A'i cwrs eu hun: daeth cystudd hir am waith eu henwir feiau.

[verse 44] Pan welai arnyn ing na thrais, fo glywai lais eu gweddi, [verse 45] Gan gofio'i air troi nawdd a wnaeth o'i helaeth fawr ddaioni. [verse 46] A throi yn drugarog a wnaeth, y gwyr yn gaeth a'i cludynt, Y rhai y buasai 'n fawr eu câs: cael mwy cymwynas ganthynt.

[verse 47] Achub ninnau o blith y rhai'n, i arwain d'enw hyglod, O Arglwydd Dduw, cymell ni'n gu i orfoleddu ynod. [verse 48] Duw Israel bendigaid fydd, yn dragywydd Iehoua: A dweded yr holl bobl Amen, molwch Dduw llen gorucha'.