Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Benedic anima. Psal. ciiij.

Diolch am wneuthuriad, a llywodr∣aethiad y byd, drwy ryfedd ragluniaeth Duw.

FY enaid mola'r Arglwydd byw, o f'Arglwydd Dduw y mawredd, Mawr wyt, gogoniant a gai di, ymwisgi ag anrhydedd. [verse 2] Megis ei ddillad y gwisg fo am dano y goleuad: Rhydd yn ei gylch yr wybr ar dân, yn llydan, fel llen wastad.

[verse 3] Ar ddeifr rhoes sail ei stefyll cau, gwnaeth y cymylau iddo Yn drwn olwynog: mae ei hynt vwch esgyll gwynt yn rhodio. [verse 4] Gwnaeth bob chwythad iddo'n gennad, gogonedd y ffurfafen: A'i weinidogion o fflam dân, a wibian rhyd yr wybren.

[verse 5] Cref y rhoes sail y ddaiar gron, fel na syfl hon oddiyno: Yr hon a bery fel y rhoes, o oes i oes, heb siglo. [verse 6] Tydi (Dduw) a ddilledaist hon â'r eigion yn fantellau, Ac oni bai dy ddehau law, ai'r deifr vwchlaw y bryniau.

[verse 7] Gan dy gerydd maenthwy yn ffo, fel pan y synio taran: Drwy fraw a brys ar hyd y ddol, y deifr iw hol a lithran.

[verse 8] Weithiau y codai'r deifr yn sryn: weithiau fel glyn panhylent, Lle y ••refnaist iddynt bannwl cau, ac weithiau y gorphwysent.

[verse 9] Gosodaist derfyn lle yr arhont, ac sel nad elont drosto: Ac na ddelont hwy fyth dros lawr y ddaiar fawr, iw chuddio. [verse 10] Rhoes Duw ffynnon i bob afon, a phawb a yfant beunydd: A rhed y ff••ydau rhyd y glynu, a rhwng pob bryn a'i gilydd.

[verse 11] Yfant yno anfeiliaid maes, assynnod myng-laes gwylltion, Heb ymadael a llawr y nant, hyd onid yfant ddigon. [verse 12] Ac adar awyr dont gar llaw, i leisiaw rhwng y coedydd: Yn canu ei fawl o bren i bren, cethlyddiaeth lawen vfydd.

[verse 13] Dwfr ar fynyddoedd lle ni ddaw, fo wlych â glaw oddiarno: A'r gwastad tir efe a'i gwlych, bob grwn a rhych i ffrwytho. [verse 14] Parodd i'r gwellt dyfu wrth raid anifeiliad: a'r llysiau, Er da i ddyn: Lle rhoes o'r llawr, ymborthiant mawr rhag angau.

[verse 15] A gwin llawena calon dyn, ag olew tywyn wyneb. A bara nerthir calon gwr, mewn cyflwr digonoldeb. [verse 16] Preniau 'r Arglwydd o sugn llawn, o'i vnic ddawn y tyfan. Sef y coed cedrwydd brigog mawr, a roes e'n llawr y Liban.

[verse 17] Lle y mae nythod yr adar mân, mewn preniau glân cadeir-ir: Lle mewn ffynnidwydd glwyswydd glyn, mae ty'r aderyn trwynhir. [verse 18] Y mynydd vchel a'r bryn glâs, yw llwybr y danas fychod: Ogof y doll-graig a wna les, yn lloches i'r cwningod.

[verse 19] Fe roes i'r lleuad i chwrs clau, a'i chyfnewidiau hefyd: A'r haul o amgylch y byd crwn, fo edwyn hwn ei fachlyd. [verse 20] Tywyllwch nos a roed wrth raid, i fwyst filiaid y coedydd. [verse 21] Y llewod rhuant am gael maeth gan Dduw, ysclyfaeth beunydd.

[verse 22] A chwedi cael yr ymborth hyn, pan ddel haul attyn vnwaith, Ymgasglant hwy i fynd iw ffau, ac iw llochefau eilwaith. [verse 23] Y pryd hwn cyfyd dyn iw waith, ac iw orchwyliaith esgyd; Ac felly yr erys tan yr hwyr, lle y caiff yn llwyr ei fywyd.

[verse 24] O Dduw, mor rhyfedd yw dy waith o'th synwyr berffaith dradoeth! Gwnaethost bob peth â doethder dawn, a'r tir sy lawn o'th gyfoeth. [verse 25] A'r llydan for, y deifr ymmysg, lle aml yw pysc yn llemmain: Lle yr ymlusgant, rif yr od, bwystfilod mawr a bychain.

[verse 26] Yno yr â y llongau glân dros y Leuiathan heibio. Yr hwn a osodaist di, lle y mae yn cael ei chwrae yntho.

[verse 27] Hwynt oll disgwiliant yn ei bryd am gael oddiwrthyd horthiant: I gael dy rodd ymgasglu ynghyd, ie am ei bywyd byddant.

[verse 28] Duw, pan agorech di dy law, oddi yno daw daioni: Pob anifail a phob rhyw beth, a ddaw yn ddifeth ini. [verse 29] Pan guddiech di dy wyneb pryd, a chasglu d'yspryd allan, Crynant, trengant, ac ant iw llwch, mewn diwedd trwch a thwrstan,

[verse 30] Duw, pan ollyngech di dy râd, fel rhoddi cread newydd, Y modd hyn wyneb yr boll dir a adnewyddir beunydd. [verse 31] Yr Arglwydd gogoneddus fydd drwy fawr lawenydd bythoedd. Yr Arglwydd yn ddiau a fedd, orfoledd yn y nefoedd.

[verse 32] Ein Duw o'r nef a edrych ar y ddayar, a hi a ddychryn. Os cyffwrdd a'r mynyddoedd draw, y mwg a ddaw o honyn. [verse 33] Canaf i'r Arglwydd yn fy myw, canaf i'm Duw tra fythwyf: [verse 34] Mi a lawenhaf yn fy Ion, bydd ffyddlon hyn a wnelwyf.

[verse 35] Y trawsion oll o'r tir ânt hwy, ni bydd mwy annuwolion. Fy enaid, mola Dduw yn rhodd: mae hyn wrth fodd fy nghalon.