Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 97. Dafydd yn conghori pawb i lawenychu am ddyfod teyrnas Christ, yn ofnadwy i'r anwir, ac yn llawenydd i'r cyfion.

YR Arglwydd ydyw ein pen rhaith, bo perffaith y ddaiaren: Ynysoedd cedyrn yr hollfyd, bont hwy i gyd yn llawen. [verse 2] Niwl a thywyllwch sy iw gylch ef, hyfrydwch nef gyfannedd:

Iawnder a barn ydynt yn sail, ac adail maingc ei orsedd.

[verse 3] Tân â o'i flaen ef, ac a lyfg ym mysg ei holl elynion: [verse 4] A'i fellt yn fflamio trwy'r holl fyd, oedd olwg enbyd ddigon. [verse 5] O flaen Duw fel y tawdd y cwyr, y bryniau'n llwyr a doddent: O flaen hwn (sef yr Arglwydd) ar y ddaiar y diflannent.

[verse 6] Yr holl nefoedd yn dra hysbys a ddengys ei gyfiownedd, A'r holl genhedloedd a welsant ei fawr ogoniant rhyfedd. [verse 7] Gwradwydd i'r rhai a wasnaethan, y delwau mân cerfiedig: Addolwch ef (nid eulun cau) holl dduwiau darfodedig.

[verse 8] Dy farnedigaeth (o Dduw Ion) a glybu Sion ddedwydd; Merched Juda (o herwydd hyn) sy'n ynnyn o lawennydd. [verse 9] Cans ti (o Arglwydd) yw fy Naf, oruchaf dros y ddaiar: Rhagorol yw'r derchafiad tau uwchlaw'r holl dduwiau twyllgar.

[verse 10] Pob drigioni chwi a gasewch, caru a wnewch yr Arglwydd. Hwn sydd yn cadw oes i Sainct, i'w dwyn o ddrygfraint afrwydd. [verse 11] Mewn daier yr egina 'i hâd, goleuad daw i'r cyfion, Yn ol tristwch fo dry y rhod, i lân gydwybod union.

[verse 12] Yn yr Arglwydd, o'r achos hon, chwi gyfion llawcnychwch, Drwy goffa ei sancteiddrwydd ef, â llais hyd nef molicnnwch.