Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 96. Cyngor i bod cenhedlaeth i foli Dum am ei drugaredd

O Cenwch glod i'r Arglwydd mâd, a moeswch ganiad newydd: Yr holl ddaiar dadcenwch fawl, yr Arglwydd nefawl beunydd. [verse 2] Cenwch chwi glod ir Arglwydd nef, a'i enw ef bendigwch, A'i iechydwriaeth drwy grefydd, o ddydd i ddydd cyhoeddwch.

[verse 3] Datcenwch byth i glod a'i râd, yngwlad y cenhedlaethoedd, A'i ryfeddodau ef ym mhlith, pob amryw, amrith bobloedd. [verse 4] Cans ein Arglwydd ni sydd Dduw mawr a roagawr canmoladwy, Uwch yr holl dduwiau y mae ef, yn frenin nef ofnadwy.

[verse 5] Duwiau y bobl culynnod ynt, ni ellynt mwy na chysgod: A'n Duw ni a wnaeth nef a llawr' fal dyna ragawr gormod. [verse 6] Cans mawr ydyw gogoniant nef, ac o'i flaen ef mae harddwch, Yn ei gyssegr ef y mae nerth, a phrydferth yw'r hyfrydwch.

[verse 7] Chwi dylwythau y bobloedd, trowch, yn llawen rhowch i'r Arglwydd, I'r Arglwydd rhowch ogonedd fry, a nerth, a hynny'n ebrwydd. [verse 8] Rhowch ogoniant iw enw ef, yr Arglwydd nef byth bythoedd.

A bwyd offrwm iddo a rowch, a chwi dowch iw gynteddoedd.

[verse 9] Addolwch f'Arglwydd gar ei fron, iw gyssegr, digon gweddol: A'r ddaiar rhagddo, hyd, a lled, dychryned yu aruthrol. [verse 10] I'r holl genhedloedd dwedwch hyn, yr Arglwydd sy'n teyrnasu:

Nid ysgog y byd sy'n sicr iawn, ef a wyr uniawn farnu. [verse 11] O llawenhaed nefolaidd do, i'r ddaiar bo gorfoledd: Rhued y mor a'i donnau llawn, a'r pysg sy'mewn ei annedd. [verse 12] A gorfoledded y maes glâs, ei dwf, a'i addas ffyniant: A phob pren gwyrdd sydd yn y coed, i'r Arglwydd rhoed ogoniant.

[verse 13] Am ei ddyfodd, am ei ddyfod, a'i farn sydd hynod iownwedd: Barna yn gyfion yr holl fyd, a'r bobl, â'i gyd-wirionedd.