Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 31. Dafydd gwedi diangc o beryglon, yn dangos beth oedd ei fyfyrdod ef a'i ffydd pan oedd gaethaf arno: parod ddaioni Duw i'r fawl a'i hofnant. Cyngo•• i'r ffyddloni∣aid i ymddiried yn Nuw eu hymwaedydd.

MI a'mddiriedais ynod Ner, fel na'm gwradwydder bythoed▪ Dvw o'th gyfiownder gwared fi, a chlyw fy'nghri hyd nefoedd. [verse 2] Gogwydd dy glust attaf ar frys, o'th nefol lys i wared, [verse 3] A bydd ym' yn graig gadarn fiwr, yn dy a thwr i'm gwared.

[verse 4] Sef fy'nghraig wyd, a'm castell cryf, wyf finau hyf o'th fowredd. Er mwyn dy enw tywys fi, ac arwain i drugaredd. [verse 5] A thynn fy fi o'r rhwyd i'r lann, a roesan er fy maglu: Cans fy holl nerth fydd ynot ti, da gelli fy'ngwaredu.

[verse 6] Dodaf fy yspryd yn dy law, ac âf gar llaw i orwedd, Da y gwaredaist fi yn fyw i (Arglwydd Dduw'r gwirionedd) [verse 7] Llwyr y caseis y neb a sâg, iw galon orwag aflwydd,

Ac mi a osodais yn llwyr faith fy'ngobaith yn yr Arglwydd.

[verse 8] Mi a'mhyfrydaf ynot ti, canfuost fi mewn amser, Ac adnabuost, wrth fy rhaid, fy enaid mewn cyfyngder. [verse 9] Llawen fyddaf finnau am hyn, i'm gelyn ni'm gwarcheaist; Eithr fy'nrhaed i yn eang rydd da beunydd y sefydlaist.

[verse 10] O dangos dy drugaredd Dduw, cans cyfyng ydyw arnaf, Fy llygaid, f'enaid, a'm bol sydd yn dioddef cyst ydd gwaelaf. [verse 11] Fy mywyd ym' gwir ofid oedd, sy holl flynyddoedd, blinion, [verse 12] Fy nerth a ballodd o'm drwg cynt, a'm esgrn ydynt bydron.

[verse 13] A gwatuwor im' gelynion wyf, fy'nghydblwyf a'm gwatworent: Fy holl gym'dogon, a phob dyn, gan ddychryn a'm gochelent. [verse 14] Fe a'm gollyngwyd 'i dros gof, fal marw a fo esgeulus: A hawdd yw hepgor y llestr twn, o byddai hwn drwgflasus.

[verse 15] Cans clywais ogan llawer dyn o'm dautu, dychryn oerloes; Hwy a'mgynghorent a'r bob twyn, bwriadent ddwyn fy einioes. [verse 16] Ond yn fy'ngobaith (Arglwydd byw) y dwedais fy N••w ydwyd, I mae f'amseroedd a'r dy law, nid oes na braw nac arswyd,

[verse 17] Dyred a gwared fi dy wâs, oddiwrth fy'nghâs a'm herlid: [verse 18] A dangos d'wyneb ym'oth râ••l, rhag brâd y rhai sy'm hymlid. [verse 19] O Arglwydd, na wradwydder fi a rois fy'ngweddi arnad: Ond i'r annuwiol gwarth a wedd, yn fud i'r bedd o lygriad.

[verse 20] Cae gelwyddog wefusau y rhai'n y sydd yn darffain crasder, O ddiystyrwch, a thor tynn, yn erbyn y cyfiawnder, [verse 21] O mor faw•• yw dy râd di-drai, a roist i'r rhai a'th ofnant! Cai o flaen meibion dynion glod, ac y nod ymddiriedant.

[verse 22] Oddiwrth syth-feilchion (o'th flaen di) y cuddi hwynt yn ddirgel: Cuddi yn dda i'r babell dau rhag senn tafodau uchel. [verse 23] Mi a fendigaf Dduw yn hawdd: dangosawdd y'm ei gariad, A gwnaeth ryfeddod dros ei was, mewn cadarn ddinas gaead.

[verse 24] Ofnais i gynt o'm gobaith drwg fy'nrhoi o'th olwg allan; [verse 25] Eithyr pan lefais arnat ti y clywaist fi yn fuan. [verse 26] O cerwch Dduw ei hol sainct ef, da y clyw lef ffyddloniaid: Ac ef a dâl yn helaeth iawn, i'r beilch anghyfiawn tanbaid.

[verse 27] Cymerwych gy sur yn Nuw Ion, ef a rydd galon ynoch:

Ac os gobeithiwch ynddo ef, ei law yn gref bydd drosoch.