Hier begynneth the book callid the myrrour of the worlde ...

Here foloweth of Affryke and of his regyons and con∣trees capitulo ¶xij^o

AFter Europe is Affryke / of whiche the regyon of lybe is the firste / This is a londe moche riche. wel peopled and strongly garnysshid / After cometh the royā∣me of Surrye. Iherusalem and the contrey aboute / This is the holy londe where our lord Ihesu Cryst receyuid our humanyte and passyon / and where he roos fro deth to lyf / After thoppynyon of somme is that this holy londe lon∣geth to Asye / After thenne cometh Grece. Cypres. Ce∣cyle. Toscane. Naples. Lombardye. Gascoyne. Spayne. Cateloyne. Galyce. Nauarre. Portyngal. and Aragon And how be it that the Auctour of this book saye that thise contrees ben in Affryke / yet as I vnderstonde all•• thise ben within the lymytes and boūdes of europe / Also ther ben somme of thise regions & contrees that take their name of somme beestes that dwelle in the same londes / &

the cytees haue taken the fourmes / as rome hath the four∣me of a lyon / And Troye the grete of an hors {etc} / All barbarye is in Affryke & Alysandre / And ethiope strat∣cheth vnto thende of Affryke / In this contre of ethiope the peple ben black for hete of the sonne / ffor it is so hoot in this contre / that it semeth that the erthe shold brenne / Beyonde ethyope is no londe but deserte / & londe withoute bryngyng forth of ony fruyt / but it is ful of serpentes / of vermyne and of wylde beestis whiche londe endeth at the grete see /