Ane godlie tractate or mirrour. Quhairintill may be easilie perceauit quho thay be that are ingraftit in to Christ, a[n]d quho are nocht. Declaring also the rewaird of the godlie and punyschement of the wekit. ... Compyld in meter, be William Lauder, minister of the wourd of God ...

¶Followis the Thrid Proffit of thame that abydis in to Christ. ¶The Text. ¶And be maid my Discyplis.

THe thrid, and Finall last Commoditie, The trew Discyplis of Christ we sall all be, That bydis in Christ, & Christs wourd in to thame My Text, this Sentence plainlie dois declame, ¶Be the quhilk wourd{is}, merking y^e circumstance Heir is requyrit? ane ferme contynewance, In to Gods wourd, compleitlie to our end, Gyf we his trew Discyplis wald be kend.

¶Inconstant men, my Text heir plane declaris, Naue for to be, of Christ{is} trew Scolaris, Bot tha ar Christ Discyplis to conclude, That will conferme, his Doctrine w^t thair blude, As quhen it cūmis to that Extremite, For to Renunce, Christ{is} Uangell or to de, And chusis than, to suffer fyre and swourd, Rather nor to renunce his Heauinly wourd. ¶As did the Prophet{is}, and Mertyris mony one With the Appostill{is}, in to the dayis bygone, And in our dayis, rycht mony we did se, For Christ{is} wourd, do suffer pacientlie. Maist cruell death, and mycht haue had thair lyues With ʒeirlie rent{is} to thame, thair barnis & wyues, Gyf tha the wourd of God, wald haue refusit, Tha did nocht swa, bot bitter death tha chusit. ¶All thir Discyplis, hes this rewaird heirfore, Tha sall haue pairt with Christ in Heauinnis glore, As dois the promeis of Christ till ws propone, In the Euangell, of the Apostill Ihone. Quhair to the father Christ, speykand speciallie Sayād thir wourds, quhom thow hes geuin to me I will that tha, thair be with me also, And se my glore in Heauin, quhair I sall go, So this last proffit the rest dois fer transcend That is Eternall, and neuer sall haue end. ¶Suld lose of guds, lyfe, or feir of pyne, Mak ws this Heauinlie Thesaure for to tyne Quhat is it wourth, to man to win but more, The haill warld, wanting the Heauinnis glore. ¶All earthlie things, tha ar bot transitorie, Except this Heauinlie, and Celestiall glorie,

Quhilk be no vther meanis can be possest, Except Gods wourd, in to our hart{is} tak rest. ¶That death to man, it is grit consolatioun, The quhilk dois lead, the Saule vnto saluatioun. Bot verray feirfull, and dolent is that dead, That dois the Saule, vnto Damnatioun lead. ¶With Deligence, now lat ws all heirfore, Imbrace Christ Iesus, that we may cum to glore, And in tymes cūming, lat none so ernistlie pance On earthlie glore, that lest{is} bot ane glance. Bot lat our laubour, studie and Meditatioun, Be euer bent, to seik for our Saluatioun, And deiplie in our hart{is}, lat ws considder, None can serue God, & Māmone boith togidder. ☞Wo worth y^e land{is}, y^e gud{is}, gear, and flesche, That dois man frome, this heuinlie glore depesche, To the quhilk glore, now breiflie to conclude, Mot bring ws Christ, that bocht ws w^t his blude.

So be it.

¶Glore, Honour, Prayse, and Laude, Eternallie,
To God, for this Pure Werk, and none to me.

¶Quod Lauder.

Notes

• Ioan. xv
• Ioan. xv
• Cor. i.
• ••oan. xvii
• Math. x.
• ••at. xvi.