Publii Terentii Carthaginiensis Afris poëtae lepidissimi comoediae sex Anglo-Latinae in usum ludi-discipulorum, quo Feliciùs venustatem linguae Latinae ad sermonem quotidianum exercendum assequantur / a Carolo Hoole ... = Six comedies of that excellent poet Publius Terentius, an African of Carthage, in English and Latine : for the use of young scholars, that they may the more readily attain the purity of the Latine tongue for common discourse / by Charles Hoole ...

Act. IV. Scen. III.

ANTIPHO. GETA. CHREMES. DEMIPHO.

A.

EXspecto quàm mox recipiat sese huc Geta. Sed patruum video cum patre astantem: hei mihi, Quàm timeo adventus hujus quo impellat patrem.

G.

A dibo hosce. O noster Chremes.

C.

Salve, Geta.

G.

[line 5] Venite salvum volupe est.

C.

Credo.

G.

Quid agitur?

C.

Multa advenienti, ut fit, nova hîc com∣pluria.

G.

Ita. de Antiphone audisti quae facta?

C.

Omnia.

G.

Tun' dixeras huic? sacinus indignum, Chreme, Sic circumiri.

D.

Id cum hoc agebam commodúm.

G.

[line 10] Nam hercle ego quoque id quidem agitans mecum sedulo, Inveni ut opinor remedium huic rei.

D.

Quid Geta? Quod remedium?

G.

Ut abii abs te, fit mihi fortè obviam Phormio.

C.

Qui Phormio?

G.

Is qui istam.

C.

Scio.

G.

Visum est mihi, ut ejus tentarem sententiam. [line 15] Prêndo hominem solum: cur non, inquam, Phormio, Vides, inter vos haec potiùs cum bonâ Ut componantur gratiâ, quàm cum ma••â? Herus liberalis est, & fugitans litium; Nam caeteri quidem hercle amici omnes modò [line 20] Uno ore anctores fuêre, ut praecipi••em hanc daret.

A.

Quid hic caeptat, aut quò evadet hodie?

G.

An legibus Daturum poenas dices, si illam ejecerit? Jam id exploratum est; eja, sudabis satis, Si cum illo inceptas homine, eâ eloquentiâ est. [line 25] Verùm pone esse victum eum: at tandem tamen Non capitis ejus res agitur, sed pecuniae. Postquam hominem his verbis sentio mollirier, Soli sumus nunc, inquam, hic; eho, dic quid velis Dari tibi in manum, ut herus his desistat litibus;

〈◊〉〈◊〉. Haec hinc facessat, tu molestus n•• sies.

〈◊〉〈◊〉.

Satin' illi Dii sunt propitii?

G.

Nam sat scio, Situ aliquam partem aequi bonique dixeris, Ut est ille bonus vir, tria non commutabitis Verba hodie inter vos.

D.

Quis te isthaec jussit loqui;

G.

[line 35] Immo non potuit melius pervenirier, Eò quo nos volumus.

A.

Occidi.

D.

Perge cloqui.

G.

At primò homo insanibat.

D.

Cedò, quid postulat?

G.

Quid; nimium, quantum libuit.

D.

Dic.

G.

Si quis daret, Talentum magnum.

D.

Immo malum hercle, ut nihil pudet.

G.

[line 40] Quod dixi adeò ei: quid si filiam suam unicam locaret? parvi rettulit, Non suscepisse; inventa est, quae dotem petat. Ut ad pauca redeam, ac omittam illius ineptias; Haec denique ejus fuit postrema oratio; Ego, inquit, jam à principio amici filiam [line 45] Ita ut aequum fuerat, volui uxorem ducere; Nam mihi veniebat in mentem ejus incommodum, In servitutem pauperem ad ditem dari: Sed mihi opus erat, ut apertè tibi nune fabuler, Aliquantulum quae afferret, quî dissolverem [line 50] Quae debeo: etiam nunc si vult Demipho Dare quantum ab hac accipio, quae sponsa est mihi, Nullam mihi malim, quàm istanc uxorem dari.

A.

Utrum stultitiâ facere ego hunc an malitiâ Dicam, scientem an imprudentem, incertus sum.

D.

[line 55] Quid si animam debet?

G.

Ager oppositus est pignori ob Decem minas, inquit.

D.

Age, age, jam ducat, dabo.

G.

Aediculae item sunt ob decem alias.

D.

Hui, Nimium est.

C.

Ne clama, petisto hasce à me decem.

G.

Uxori emunda ancillula est, tum autem plusculâ [line 60] Supellectile opus est, sumptu ad nuptias,

••is rebus pone sanè decem, inquit, minas.

D.

Sexcentas perinde potiùs scribi••o mihi jam dicas: Nihil do; impuratus me ille ut etiam irrideat?

C.

Quaeso, ego dabo, quiesce: tu modò filius [line 65] Fac ut illam ducat, nos quam volumus.

A.

H•…•… mihi, Geta, Occidisti me tuis fallaciis:

C.

Meâ causâ ejicitur. Me hoc est aequum amittere.

G.

Quantum potes, Me certiorem, inquit, face, si illam dant; Hanc ut mittam, ne incertus siem: [line 70] Nam illi mihi dotem jam constituerunt dare.

C.

Jam accipiat: illis repudium r••nunciet. Hanc ducat.

D.

Quae quidem illi res vortat malè.

C.

Opportunè adeò nunc argentum mecum attuli; Fructum, quem Lemni uxoris reddunt praedia: [line 75] Id sumam; uxori, tibi opus esse, dixero.