¶Circa annū dm̄ .iiij.C.xlix.
LEo the fyrst was Emperour af¦ter Marcianus .xvij. yere. In his tyme were the Rogacyon dayes ordey∣ned afore the Ascensyon / of saynt Mar∣met bysshop of vyenne. ¶The pope of Rome at that tyme hyght Leo a noble clerke / and with hym had many clerkes. ¶Hellari{us} was pope after Leo .vij. yere This man ordeyned yt no bysshop shol∣de ordeyne his successary (vt pʐ .viij. lx. i. ¶Simplicius was pope after hym / whi¦che ordeyned that no clerke sholde take no garment to be clothed in after the se¦culer maner of a laye man / by the rea∣son of his offyce or of his benefyce. ¶Ze no was Emperour after Leo .xv. yere / & this man was an heretyke and cruell a∣yenst crysten men. And in this mannes dayes the bodyes of saynt Mathewe the Euangelyst & saynt Barnaby were foū¦de / & with them the gospell that saynt Mathewe wrote. ¶About this tyme the∣re was a certayne comyn woman bare vij. childern at oo byrth / of the whiche one was made after. kynge of Lomb••••¦dye. ¶Felix the thyrde was pope after Simplicius thre yere & .viij. monethes. This man ordeyned that respyte sholde be yeuen to a man that was accused that be myght auyse hym how he sholde an∣swere. And that the Iuges & the accusers sholde be suche / & yt they sholde take all suspeccyon & spotte. ¶Gelasius a Ro∣mayne was pope after Felix .v. yere / this man ordeyned the Canon of the masse. with the Preface / ympnes / tractes / ory∣sons / as saynt Ambrose made them / & that ordres sholde be yeuen foure tymes in the yere. ¶Anastasi{us} was Emperour after Zeno .xxvij. yere / & he was a cursyd man & an heretyke / and hatefull to god & man. And he was slayne with lyght∣nynge. And in his tyme deyed saynt Pa¦tryk the fyrst bysshop of Irlonde / in the L.xxij. yere of his aege. And his felowe was ye abbot of Columba & saynt Bry∣gyda whom saynt Patryk made a Nōne And they were buryed in one tombe / & at dyuers tymes / & this is the Epitaphi (Hij tres in gelido: tumulo tumulantur in vno. Brigida patricius: at{que} colum∣ba pius) ¶Anastasius a Romayne was pope after Gelasius two yere and thre monethes. The whiche ordeyned yt no preest for wrath ne hate sholde leue of to saye his dyuyne seruyce in the chirche / excepte the masse. And he cursyd them∣perour Anastasius / for he was an here∣tyke / & it is wryten of hym / that after∣warde he torned for drede to y• opynyon of the Emperour. And he is called the seconde euyll famed pope that is in (Ca¦tholico pontificū) And afore hym was Liberius famed in heresye.