Tabula

¶How Hubba & Hungar toke the tow∣ne of Redynge.

SO whan Saynt Edmonde was martyred. Hungar & Hubba yede thens with all the Danys vnto Redyng And as they wente thytherwarde they brente townes & cytees / & slewe all cry∣sten peple that wolde not forsake: god / & cast downe chirches & came to Redynge & toke the towne & there helde them tyll that the kynge Edelf of Westsex came thyther with all his power for to take y^• townes. Tho came out the Danys for to yeue batayll to Edelf / & at that ba∣tayll was slayne an erle of the Danys that was called Sidiak. Vpon the mo∣rowe came kynge Eldred and his bro∣ther Alured with a stronge power and a grete hoste. And the kynge Edelf came agayne that had foughten the daye be∣fore to that bataylle. And the Danyo tho came out for to fyght with theym / And the bataylle was wonder stronge / for many a man was there slayne / and

the Danys that daye had the vyctorye / And the kynge Eldred & his broder Alu¦trd y^t daye were dyscomfyted. ¶But the fourth daye afterwarde / the Danys & y^• Englysshe fought togyder an other ty∣me vpon Elkedene / & there was slayne a kynge of Denmarke y^t was called Ra¦fin / & foure erles of grete power. And y^t daye had the Danys shame / for they we redryuē vnto Engilfelde. ¶And the .xv. daye after the Danys & the Englysshe men fought an other tyme at Rafynge & there were the Englysshmen dyscom∣fyted / & from thens a dane that was cal¦led Roynt wente to redynge w^t his hoste & destroyed all that he myght take. And kynge Eldred faught with hym / but he was wounded sore wherfore he deyed / And he regned but .v. yere / and lyeth at Womborn.