wyth suche iustyce and good order, that they loued and drad hym more then any of his progenitours. This in tracte of tyme made hym welthy. And by meane of this welthynes en∣sued pryde / so yt hym thought great shame to be vnder the rule or guy∣dynge of ye Romayns / wherfore last¦ly he denyed the tribute before graū∣ted. wherof when knowlege came vn¦to ye senate of Rome: in all hast was sent a duke of Rome called Uespa∣syan, wyth a certayne of legyons to subdue Aruiragus.
ye shall vnderstand, that a legyon of knyghtes, is .vi. thousande .vi. hundred .lxvi.
when Uespasyan was landed in Brytayne, as testyfyeth Polycroni∣ca / he spedde hym so, that in shorte whyle he subdued Aruiragus to the empyre, and causyd hym to graunte payment of the foresayde trybute. which was done, as sayth Gaufride by entreatye of the quene Gennissa, and of no constraynt nor coaccyon.
when Uespasyan hadde thus reco¦ueryd the trybute, he then also made subiecte to the empyre / an yle in the see lyenge vpon the southsyde of Bri¦tayne, now called the yle of weyght, and after retourned to Rome.
when Aruiragus was thus se∣condely brought vnder the yocke of ye Romayns: he became more mylde towarde them / so that whyle he ly∣ued after he payed hys trybute wyth lesse grudge, and contynued hym in theyr fauours, in suche wyse that he was of theym well beloued. And so lastely dyed when he hadde ruled the Brytōs well and nobly by the terme of .xxx. yeres / and was buryed at Caerglon̄, Caerleon̄, Clau¦diocestria, or Glouceter / leuynge after hym a sonne named Marius ∴