Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

THE .LV. CHAPITER.

ARuiragus the yongest sonne of Kymbelyne, and brother

to Guyderius before slayn, was or∣deyned kyng of Brytons, in the yere of our lorde .xliiii. This in the en∣glyshe boke is named Armager / the whyche as there is shewed, well and knyghtly maynteyned the warre a∣gayne the Romayns, and after slew the forenamed Hamo nere vnto an hauen or porte of the see. And hym so slayne, threwe gobet meale into the same see. And for this skyll, was this hauē longe tyme after called Hamōs hauen / whych at this daye is called Southampton.

Then yt foloweth in the .viii. cha∣pyter of the .iiii. boke of Policroni∣con, that Claudius after dyuers hap¦pes of batayll, toke Aruirag{us} to his grace / & brought his doughter Gen¦nissa by name from Rome, and ma∣ried her vnto Aruiragus. And for he wolde make the place of y^e maryage more solemne, he therfore called the towne of mariage Claudiocestria af¦ter his name, the whych before was called in bretyshe tunge Caerleon, & after Glouernia after a duke of De∣mecia that hyght Glorio / but nowe this towne is named Glouceter.

All otherwyse telleth the englyshe cronycle / & sayth that Armager scom¦fyted Claudius, and compelled hym to gyue his doughter Gēnissa or Gē¦nen to the sayde Armager to wyfe / wyth condycyon that the Romayns shulde neuer after that daye clayme any trybute of Brytayne, excepte al∣onely feawte / whyche sayenge appe∣reth doutefull for dyuers causes. wherof one is, that the sayde Ar∣mager shulde not constrayne Clau∣dius to gyue his doughter to hym / for so myche as the sayde Armager hadde neuer seen the sayde Gennen before tyme, nor knewe not of her cō¦uersacyon. Then meruayle yt were, that he shulde force her father to gyue hym a wyfe, that he hadde cast no loue vnto before tyme. One other reason is, that the sayde cronycle te∣styfyeth / that after he hadde maryed the sayd Gennen, he was at London crowned kynge of Englande. For I wold thinke if he had ouercomē Clau¦dius, as there is surmytted, he wold fyrste haue crowned hym selfe kyng, and then haue maried his doughter. But by the same reason yt certifyeth more strenger the former sayenge of Policronica. For by all lykelyhode Claudius wold not suffer hym to be crowned kyng, tyll he hadde full per¦fourmed his promyse in maryage of his doughter.

And all be yt that myne authoure Gaufryde varyeth not myche from the englyshe cronicle: I thynke in y^e doynge he toke example of Homer{us}, that wrote the dedis and actes of the Grekes / the whyche shewed and put in memory all the noble actes by thē done, and specyally in the recuyll or boke made by hym of the syege of Troye. But the other dedys con∣cernynge theyr dyshonoure / he hyd yt as mych as he myght. And in lyke maner do many other writers, which I passe ouer. And so Gaufride for he was a Bryton, he shewed the beste for Brytons.

Then yt foloweth, after the solem∣nysacyon of this maryage, whyche was with all honour finyshed: Clau¦dius sente certayne legyons of his knyghtes into Irlande to rule that countre, and retourned hym selfe to Rome.