Everyman :

Scene 8

Goodes.

Who calleth me? Eueryman? / What, hast thou haste? Line 393 I lye here in corners, trussed and pyled so hye, Line 394 And in chestes I am locked so fast, Line 395 Also sacked in bagges. Thou mayst se with thyn eye Line 396 I can not styre; in packes, lowe I lye. Line 397 What wolde ye haue? Lyghtly me saye. Line 398

Eueryman.

Come hyder, Good, in al the hast thou may, Line 399 For of counseyll I must desyre the. Line 400

Goodes.

Syre, & ye in the worlde haue sorowe or aduersyte, Line 401 That can I helpe you to remedy shortly. Line 402

Eueryman.

It is another dysease that greueth me; Line 403 In this worlde it is not, I tell the so. Line 404 I am sent for, an other way to go, Line 405 To gyue a strayte counte generall Line 406 Before the hyest Iupyter of all. Line 407 And all my lyfe I haue had ioye & pleasure in the, Line 408 Therfore, I pray the, go with me; Line 409 For parauenture, thou mayst before God Almyghty Line 410 My rekenynge helpe to clene and puryfye, [signature B.iiii] Line 411 For it is sayd euer amonge Line 412

That 'money maketh all ryght that is wronge.' Line 413

Goodes.

Nay, Eueryman, I synge an other songe. Line 414 I folowe no man in suche vyages; Line 415 For, and I wente with the, Line 416 Thou sholdest fare moche the worse for me. Line 417 For bycause on me thou dyd set thy mynde, Line 418 Thy rekenynge I haue made blotted and blynde, Line 419 That thyne accounte thou can not make truly — Line 420 And that hast thou for the loue of me! Line 421

Eueryman.

That wolde greue me full sore, Line 422 Whan I sholde come to that ferefull answere. Line 423 Vp, let vs go thyder to-gyder. Line 424

Goodes.

Nay, not so! I am to brytell, I may not endure. Line 425 I wyll folowe no man one fote, be ye sure. Line 426

Eueryman.

Alas, I haue the loued, and had grete pleasure Line 427 All my lyfe-dayes on good and treasure. Line 428

Goodes.

That is to thy dampnacyon, without lesynge, Line 429 For my loue is contrary to the loue euerlastynge. Line 430 But yf thou had me loued moderately durynge, Line 431 As to the poore gyue parte of me, Line 432 Than sholdest thou not in this dolour be, Line 433 Nor in this grete sorowe and care. Line 434

Eueryman.

Lo, now was I deceyued or I was ware; Line 435 And all I may wyte my spendynge of tyme. Line 436

Goodes.

What, wenest thou that I am thyne? Line 437

Eueryman.

I had went so. Line 438

Goodes.

Naye, Eueryman, I saye no. Line 439 As for a whyle I was lente the; Line 440 A season thou hast had me in prosperyte. Line 441 My condycyon is mannes soule to kyll; Line 442 If I saue one, a thousande I do spyll. Line 443 Wenest thou that I wyll folowe the? Line 444 Nay, fro this worlde not, veryle. Line 445

Eueryman.

I had wende otherwyse. Line 446

Goodes.

Therfore to thy soule Good is a thefe; Line 447 For whan thou arte deed, this is my gyse — Line 448 Another to deceyue in this same wyse Line 449 As I haue done the, and all to his soules reprefe. Line 450

Eueryman.

O false Good, cursed thou be, Line 451 Thou traytour to God, that hast deceyued me Line 452 And caught me in thy snare! Line 453

Goodes.

Mary, thou brought thy selfe in care, Line 454 Wherof I am gladde. Line 455 I must nedes laugh; I can not be sadde. Line 456

Eueryman.

A, Good, thou hast had longe my hertely loue; Line 457 I gaue the that whiche sholde be the Lordes aboue. Line 458 But wylte thou not go with me in dede? Line 459 I praye the trouth to saye. Line 460

Goodes.

No, so God me spede! Line 461 Therfore fare well, and haue good daye. Line 462