The English register of Oseney abbey / by Oxford, written about 1460. Ed., with an introduction and indexes, by Andrew Clark.

[187.]

About 1260. Grant to Oseney, by Robert Brock of a messu|age and curtilage, subject to 4d. quit|rent, and of 3½ acres in North field, and 3½ in South field, with rights of pasture.

KNOWE þoo that Be present and to be þat I, Robert Brock, ȝafe, grauntid, and with my present charter confermed, to god and to þe church of Seynte Marye of Oseney and to Richard [Richard of Apletre, abbot 1254-68.] Abbot and to þe chanons þere seruyng god, A mese with þe Curtilage In litull Tywe, with all his pertinences, þat is Vndur my gardyn of þe Northe parte: to be holde and to Be had, to þe saide church and chanons and to here successours, in|to

free and perpetuell almes, ȝeldyng þerof ȝerely to me & to my heyres iiij. d. at Estur for all thynges þe which of þe londe or for þe londe may or schall mowe to be axid for Euer. Also I have i-ȝevyd to þe saide church and chanons & to þere succes|sours, In-to pure and perpetuell almes, seven acris of my Arable londe In þ^e feldes of litull Tywe, with ffre Commune, and ffre Entryng & goyng owt, þorowgh [folio 41a] all my londes of litull Tywe: of þe which j. acre lieth In the Northefelde At White Otehulle by þe londe þe which was of William Tackle, And j. acre lieth At depecathalle [Depe Kathole.] By the londe of þe prior of Cogges, And j. lieth At litull slade, And j. dj.-acre lieth at Ha[n]gyndelonde by þe londe of þe prior of Coges; And In þe sowthfelde, j. acre lieth In Brode slade by þe londe of þabbot of Oseney, And j. acre lieth In Coppede More By the londe of Roger Belamy, And j. acre lieth at Shendegifte stamdelf [Shendegiste Stanidelf.] , & dj. acre lieth in shorte londe.

And I, Robert, and my heyres or myne assynes, þ^e saide mese, with þe Curtilage, and with all liberteis and ffree customs, by the foresaide seruice of iiij. d. ȝerely, & [Omit '&.' It occurs also in the Latin.] þ^e foresaide vij. acris, with þere pertinences, and ffre commune and ffre Entre and goyng-owte, as hit is i-saide afore, to þe foresaide church & chanons and to þere successours, agaynste all cristen men and Juys schall warantiȝe, and of all maner Sutes of Courte, helpis, tallages, scutages, exaccions, & demaundys, schall Aquite and Defende for Euer. And þat this my ȝifte, graunte, and con|firmacion, et cetera.