[182.]
About 1250? Confirma|tion to Oseney, by Alan son of Matthew of Rumeley, as feudal superior, of nos. 181 and 183, with re|nunciation of feudal rights (ex|cept scut|age), Oseney pay|ing him £3 6s. 8d.
KNOWE þey that ben now and to Be that I, Aleyne of Eston, þe soone of mathew of Rumeley, for my helth & of myne, haue i-grauntid and with this my present charter haue i-confermed, for me and my heyres for Euer, to god and to þe church of Saynte mary of Oseneye and to þe chanons þere seruyng god, þe ȝifte that Robert ffiȝt Gaufride maade to þem of all his londe [MS. has 'bonde,' by a slip.] In litull tywe, with all his pertinences, Bothe of þe Demayne & of þe villenage (or bondage), In-to ffre and per|petuell almes, sauyng þe Kynges seruice, as the charter of þe foresaide Robert þe which þe same chanons haue witnesseth. I haue i-grauntid also for me and myne heyres for Euer to þe foresaide church & chanons þat [they] the same londe, with all his pertinences, haue and holde, well and in pece, hooly & ffrely, quite of Relefs and all exaccions and Demaundes, Sutes, & all thynges þe which may be axid of þe londe, Sauyng þe Kynges seruice. And I Aleyne and my heyres þe forsaide londe, with all his pertinences, and with all þe foresaide thynges, to þe myndyd church and chanons for Euer schall warantiȝe agaynste all pepull: and for this graunte confirmacion and warantiȝyng þe saide chanons ȝafe to me vque. marke [i.e. 'quinque marke': cp. 148/21.] of Siluer. In-to witnesse of þe which, et cetera.