[192.]
About 1275. Grant to Oseney, by Robert of Brock, of a messu|age and croft, and a yard|land with its meadow, along with its bond|widow tenant and her children.
KNOWE þoo that Be present and to Be that I, Robert sone and heyre of Robert Brocke, ȝafe, grauntid, and with this my present charter confermed, to god and to þe church of Saynte marie of Oseney and to William, Abbot, and to þe chanons þere seruyng god, that mese, with þe Crofte and oþer pertinences, that Alice relicte of William pateshull sumtyme of me helde In litull Tywe, And j. ȝerde of londe Euery ȝere to Be sowe, with medys, and oþer pertinences, þe which þe saide Alice of me helde In the feldys of litull Tywe, And to þe þynges, I ȝafe and haue i-grauntid to þe forsaide Abbot and Couent þe saide Aliȝ sumtyme my Natife, And Roger and Robert and Aliȝ childron of þe saide Aliȝ, with catall and sequelis of þem, and all thyng that In þe foresaide tenementes, natyfs, sequelis, or þere catall, I had or myȝght haue, withoute oony withhol [folio 42a] dyng agayne to me or to myne heyres or assynes: to Be holde and to be had, to þe foresaide church and to þe chanons, of me and of myne heyres or myne assynes, In-to pure and perpetuell almes. And I Robert and myne heyres or Assynes all Above-saide thynges to þe foresaide church and chanons agaynste all cristen men and Juys schall warantiȝe aquite & Defende as owr pure & perpetuell almes. And that this my ȝifte, et cetera.