The English register of Oseney abbey / by Oxford, written about 1460. Ed., with an introduction and indexes, by Andrew Clark.

[102.] A charter of Henry Doylly of a ȝerde londe In Cudelinton and rent of þ^e Mille and other thynges.

About 1230. Grant to Oseney, by Henry Doyly II, of rent|charges to value of £5; made up of, in Kidling|ton, £3 out of the mill (with sur|render of other feudal rights in said mill), the quit|rents out of a yardland, messuage, and croft; and, in Hooknorton, 13s. 4d. out of three yardlands, and 8s. out of half a hide, with sur|render of feudal rights over the said lands. Grant also of a meadow in Hook|norton.

KNOWE they þat be present and to be þat I, Henry Doylly, ȝafe and grauntid, and with my present charter confermed, to god and to þe church of Seynte marye of Oseney and to þe chanons þere seruyng god, for my helth and of myne, both pre|decessours [and [Added from the Latin.] successours], and specially for þe Sowle of Sibill my wiffe and of moolde my dowȝtter, a hundred shelyng|worth of Rente ȝerely, for þe which I haue ['attornavi eis.'] a-tourned to þem lx. s. þe which I was i-woned to take ȝerly of my Mille of Cudelynton, and homage and seruice of Helie myller and of his heyres, and what-so-Euer thynge in þe forsaide mylle fully ['plenius et melius.'] and better I Euer had, with his pertinences, (or [The broken order in this instance is copied from the Latin.] myȝght haue), without Eny withholdyng. I haue i-ȝeve also and haue i|grauntid in þe same my maner, in-to ffree pure and perpetuell almes, j. ȝerde of londe, þat is to say, þat ['illam scilicet quam tenuit Radulphus.'] helde Raph Reuelyng, with a mese and crofte and all his oþer pertinences, withinne þe towne and without þe towne, withoute oony withholdyng. ffurþermore I haue i-ȝeve and haue i-grauntid to þe nowe saide chanons In my maner of Hokenorton j. marke of Siluer, þ^e which was i-woned to paye to me Raph Bernarde Euery ȝere for thre ȝerdes of londe, with his pertinences, þ^e which he helde of me in þe same towne. I ȝafe also to þem viij. s. of Ster|lynges, þe which I was i-woned to [MS. 'to to take.'] take ȝerely of Roger Olicrante ['Olicrance.'] for dj. an hide of londe, þe which he had with moolde his wife þe dowȝghter of philippe clerke, and of me

helde in þe same maner, with homage and seruices of þe saide Robert Bernarde and of Roger Olicrante and of here heyres, and what-so-Euer thyng [in] nowe þe saide ['iam-dictis.'] londes I had or myȝght haue, withoute oony withholdyng. I have also [given] to þe fornamed chanons In my maner of Hokenorton oon mede that Is i-called Cuham, In-to pure and perpetuell almes, and all thyng þat I had In þ^e for [folio 25a] saide mede or myȝght have, withoute oony reteynyng. ffor this cawse, I wille ande Surely ordeyne, for me and my heyres, þat [þe [Added from the Latin.] forsaide Chanons all] þe forsaide thynges have and holde for Euer, well pesible and worschipfully, with all liberteis and his fre customs, in-to ffre and perpetuell almes, as oony almes better ['melius et liberius.' Obviously, the writer did not care to form by inflection a comparative for words like 'freely.'] and frely myȝght be i-ȝeve of oony or to be holde. I also Henry Doyly, and my heyres, all þe fornamyd thynges with here pertinences to þe saide chanons agaynste all pepull shalle warantiȝe and aquite: and that this my ȝifte, graunte, and warantiȝyng, and aquite, be sure and stabull for Euer, hit with my present seeles puttyng to have I strenghthid. These witnesses. et cetera.