[96.] Charter of Henry Doylly þe secunde of þe tithis of Cudelynton and of oþer thynges.
About 1220. Grant to Oseney, by Henry Doyly II, of tithe of hay of his demesne|land and tenants' lands in four manors, for the infirmary of Oseney.
[folio 23a] TO all þe soones of owr holy modur þe church to see or to hyre this present letters, Henry Doyly, owre lorde þe Kynges constable, helth. Knowe ȝe me willefully ['gratis.'] , for þe oonly loue of goddis goodenes, for my helth and of my aunceturs, to haue i|ȝeve and to haue i-grauntid and to haue i-confermed to my most dere chanons of Oseney all þe tithis of heye bothe of my demaynys and of my men tenauntes of my ffee in my maners of Hokenorton, of Cudelynton, of Weston, of Cleydon, to þe susteynyng [Marginal note: 'Nota: for pitaunces for seke men and for medicines.'] of þoo thynges þe which ben necessarye In pitaunces and medicynys of brethren i-leyde in the infirmarye. and, þat this ȝifte of this my almes be sure and hoole to þe saide howse for Euer, this present writyng with my seele I-made hit to be strengthd. These witnesses, et cetera.