The English register of Oseney abbey / by Oxford, written about 1460. Ed., with an introduction and indexes, by Andrew Clark.

[112.] [folio 27a] A confirmacion of John philippe þ^e ffadur of þe saide John of þ^e forsaide ȝifte.

About 1280. Confirma|tion to Oseney, by John son of Philip, of his son's gift (no. 111).

KNOWE all men þat I, John þe soone of philippe of Cude|lynton, grauntid, and with my present charter confermed, to god and to þe church of seynte marie of Oseney and to þe chanons þer seruyng god, þe yifte þat John my sone made to them of vj. acres of arable londe and of a diche [and other pertinences] in þ^e feldes of Cudelynton, In-to ffre pure and perpetuell almes, as þ^e charter of þ^e same John þ^e which he made to þem of þ^e ffeffement fully witnesseth. And I John and my heyres and myne assines þ^e saide vj. acris with þe Diche and oþer pertinences to þ^e forsaide church and chanons agaynste all cristen men and Juys shall warantiȝe, aquite, and defende, as ffre pure and perpetuell almes. And þat this my graunte, et cetera.