The English register of Oseney abbey / by Oxford, written about 1460. Ed., with an introduction and indexes, by Andrew Clark.

[109.] A charter of Adam ffiȝt Thomas of Cudelynton of londes In þ^e Same and In Shipton.

About 1280. Grant to Oseney, by Adam, son of Thomas, in Kidling|ton, of 2 acres, subject to ½ d. quit|rent; 1 acre, sub|ject to quit|rent of a root of ginger; ½ acre arable and ½ acre meadow, subject to ½d. quit|rent; and in Shipton of a mes|suage, 6 acres arable, ½ acre meadow, subject to ¼d. quit|rent.

KNOWE þey that be present and to Be that I, Adam ffiȝt Thomas of Cudelynton, ȝafe, grauntid, and with my present charter confermed, to god and to þe church of Seynte Marie of Oseney and to ffrere William [Probably William of Sutton, abbot 1268-84.] Abbot and to þe chanons þere seruyng god, ij. acres of Arable londe In þe territorye or grownde of Cudelynton, þe which I had of þe ȝifte and graunte of William of Wotton, for j. ob. to þe same and to his heyres for all thynges at þe ffest of Seynte Myghell ȝerely to be i-paide. Item, I ȝafe and grauntid j. acre of Arable londe, þe which I had of þe yifte and graunte of William of Cutlynton, for j. roote of gooyng [Read 'ginger': 'pro una radice gingi|beri.'] to þe same and to his heyres for all thynges at Estur ȝerely to be i-paide; And j. dj. acre of Arable londe and dj. an acre of mede, þe which I had of þe ȝifte and graunte of William ffiȝt petur of Dunynton, [folio 26b] for j. ob. to þe same and to his heyris for all thynges at þe ffest of Seynte Miȝghell ȝerely to be i-paide. Item, I ȝafe and grauntid to þe saide church

abbot and chanons j. mese, vj. acris of Arable londe, and dj. one acre of mede with þe pertinences in þ^e towne and ffelde of Shipton [Name noted in margin.] , þe which I had of þe yifte and grauntyng of William Toky, for j. ferthyng to þ^e same and to his heyres at þ^e fest of Seynte Miȝghell ȝerely to be i-payde, for all seculer seruices, Sutes, wardis, relefs, heriettes, and for all other thynges þ^e which of þ^e londe or for þ^e londe may be axid for euer: to be holde and to be had, to þ^e saide church abbot and chanons and to þere successours, in-to ffree pure and perpetuell almes, al so much as to me and my heyres perteyneth, payng þerof to þ^e chefe lordis seruices afore-i-write. And þat þis my ȝifte, graunte, and confirmacion be sure and stable for Euer, to this writyng my seele I haue put to, and to more Surete of þ^e þyng, all Instrumentes and munimentes to þe saide londis and tenementes þat I haue, afore worþy men I have deliuered [to [Inserted from the Latin.] the said abbot and conuent]. These witnesses.