The English register of Oseney abbey / by Oxford, written about 1460. Ed., with an introduction and indexes, by Andrew Clark.

[103.] A charter of Warine ffiȝht Helie of þe Mille of Cudelinton.

About 1238. Sale to Oseney, by Warin the miller, of all his interest in the mill (as in no. 102), with the reversion of his mother's jointure|share. Purchase money, £6.

KNOW þey that ben now and to be þat I, Waryne ffiȝt Helie myller ['molendinarii.'] of Cudelinton, have i-ȝeve and grauntid, deliuered and quyte-claymed, and confermed with my charter, for me and my heyres for Euer, to god and to þe church of Seynte Marye of Oseneye and to þe chanons In hit seruyng god, all my mylle of Cudelynton, with þe pertinences, þat I helde of þe chanons, payng to þem þerof yerely lx. s., and [Read 'saving to Moolde.'] all þat moolde þe relicte of my fadur þe thridde parte of þe same Mille for her dowry al so longe as she leueth, payng þerof ȝerely to þe same chanons þe thridde parte of þe forsaide lx. s., that is to say, xx. s., for þe forsaide thridde parte of þe forsaide mylle while she leueth, þe which also þ^e forsaide thridde parte after þe decese of þe forsaide moolde all shall abide in-to þe handes of þe forsaide chanons, and þenne þey shall haue all þe forsaide mylle, with

all his pertinences, hooly, to be holde and to be had and [Omit 'and.'] to þe same, well and In pece, frely and quietely fro all seculer seruice exaccion and demaunde, withoute reclaymyng of me and of my heyres for Euer. And I Waryne and my heyres all þe forsaide thynges to þe saide church and chanons shall warantiȝe agaynste all for Euer. And for this ȝifte, graunte, deliveryng, quite-claymyng, and confermyng, þe saide chanons for-ȝafe to me ix. marke of siluer, þe which I owyd to þem. In-to witte|nesse of þe which þyng to this present writyng my seele I haue i-put to: þese witnesses [One was John of Tew, sheriff of Oxfordshire 1236-9.] , et cetera.