The English register of Oseney abbey / by Oxford, written about 1460. Ed., with an introduction and indexes, by Andrew Clark.

[92.] An Inquisicion i-maade in þ^e hundrede of Wotton of þ^e ffredoms or liberteys of þ^e same.

1259, Nov. 26. On inquisi|tion, whether Oseney and its tenants (in Worton and Hens|ington) owed suit to Wootton hundred, Oseney pro|duced nos. 13 and 31 establish|ing exemp|tion.

HIT is to be remembrid that, when þer was i-maade an In|quisicion In þe full hundrede of Wotton by þe commaundement of owr lorde Kyng Henry þe soone of Kyng John þe ȝere of his reyne xliiij., in þ^e full hundred of Wotton, Weþer þabbot of Oseney and his men of Worton and Hensynton oftid or were i-wonyd to do sute to þ^e forsaide hundred, ffrere William Sutton, procuratour of Oseney, schewed charters of lordis Kynges of Inglonde of liberteis or ffredoms, that is to say, a charter of Kyng Henry þe j., and A charter of Kyng Henry þe Sone of Kyng John, In þ^e which openly was i-conteyned that thabbot of Oseney and his men of Worton and of Hensynton be quite of Schires, Hundredis, Danyȝeldes, all maner Sutes, commune pleys, (with Sock sack [folio 22a] tol and theam and Infangenthefe), and of all maner exaccions and Demaundis, outetake murthur i|preued. The which also i-rede and i-vndurstande, þe hundrede with oone assent and consent Juggid þe saide Abbot and all his men of Worton and of Hensynton of all maner of Sutes of þ^e hundrede of Wotton to be quite for Euer. And in-to witnesse of this thyng Robert Kyngton, þen Baylyfe of þ^e hundrede of Wotton, and Sir Gilbert of Hide, Knyȝght, and Robert Romely, and Aleyne Romely þe yongur, and Robert of Worton [Wotton, in the Latin.] , and

William of litull Barton, clerke, and Petur of þ^e same, and Roger of Wodestoke, and John of Barton, clerke, and John labanc, and Thomas of ffule ['Fulewelle': no 'and Will.' occurs in the Latin. Possibly the translator meant 'Fullandwell,' for 'Fulwell.'] and Will., þe which at þe hun|dred were present whenne þe fore thynges were Inquired or axid and Juggid, to this writyng put to þere seeles þ^e day that is to say of Wodenysday afore þ^e fest of Seynte Andrew þ^e ȝere of þ^e reyne of Kyng Henry þe soone of Kyng John xliij[j] [Marginal note: 'Henry 3.' The year is xliv in the Latin, and above.]