The english register of Godstow nunnery, near Oxford : written about 1450 / edited with an introduction by Andrew Clark.

KING'S CLERE.

[See also under Knowle and Woolverton.]

[folio XX(31)] Chartur of william saluernille of þ^e londe of Clere preuet by þ^e name of heritage I-grauntyd.

About 1160. Sale to Godstow, by William of Salueruille, of land called 'Clere prevet,' subject to 22s. quit|rent. Purchase|money, £3 18s. 4d. and two silver cups.

THE sentence of thys chartur is, þat william of Saluernille grauntyd & gaf to edyue, of Godestowe abbas, & to her church, hys londe of clere preuet to hold & to haue, by þ^e name of herytage, of hym & of hys heyrys, frely & quietly of all customys & all thynges longynge to hys lordys & to hym & to hys, oute-take towarde þ^e kynge. And Ediue & here successours of þ^e same place sholde pay [y]erly xxij shillings at morton, & by twey termys, in þ^e myddyl of lente, xj shillings, & at Mihelmas, xj. shillings: & he made þys graunt & gyft to be gyvyn by molde hys wyfe and Gilbert hys sone & manasse hys sone & Robert hys sone. And dame Ediue gafe to hym for hys graunt & for hys gyfte v. marke of syluyr, & to hys wyfe molde vj shillings viij d., & to Gilbert hys sone ij shillings & to coppis of siluyr, & to manasse hyr sone xviij d, & to Robert her sone xviij d: & is with-oute date.

Chartur of manasse of saluernille of þ^e londe of Clere.

About 1180. Sale to Henry II, by Man|asses of Salueruille, of the land of 'Clere prevet.' Purchase money, £16 13s. 4d.

THE sentence of thys chartur is, þat manasse of Saluernille, by þ^e assent and consent of hys wyfe & of hys heyrys, solde hys londe of clere preuet þ^e whyche william serle helde, to kynge henry þ^e sone of molde the imperasse, for xxv. marke, lowse, fre, & quiete fro all seruice longynge to hym & to hys heyrys, sauynge þ^e seruice of hys lorde walter of Chauseye: & is with-out date.

Chartur of Manasse saluernille of þ^e londe of Clere.

About 1180. Sale to Godstow, by Manasses of Saluer|uille, of land, subject to £1 5s. quit|rent. Purchase|money, £1 7s.

[folio XXb(31b)] THE sentence of þys chartur is, þat manasses of saluernille & Robert hys broþer & molde hys modur gaf, & grauntid, to god & to owre lady seynt marie & to seynt Iohn baptiste of

Godestowe & to þ^e holy mynchons þere seruynge god, her londe þat william sorel helde, to be holde of hem & of her heyrys for euyr, frely & quietly fro all seruices & all customys & all thynges boþe to þ^e kynge & also to her oþer lordys & to hem sylf & to her heyrys longynge, paynge yerly xxv. shillings at Mortun, & by twey termys, þat is to sey, xij shillings vj d in myd-lente, & xij shillings vj d. at Myhelmasse: & þat þys gyft & graunt shulde be firme & sure, þ^e churche of Godestowe gaf to hem xxvij shillings: & is with-out date.

[folio XX(31)] Chartur of rualde wodecote of þ^e ryht þat he had of a yerde londe of Clere þat is callid bastarde.

About 1200? Quit-claim to Godstow, by Ruald of Woodcot, of all title in a yardland called 'of bastard' and other Godstow lands, and grant to Godstow by him of Hereward's yardland, quit-rent, two fat hens.

THE sentence of thys chartur is, þat Rualde of wodecote, by þ^e prayers of hys wyfe Aaline & of henry hys heyr & by þ^e consent of hys oþer chyldyrn, relesyd & quiete claymyd all hys quarel & all hys ryht, yf he had ony, in the yerde londe of clere þ^e whyche is callid a yerde of bastard, & in oþer londys þer|vppon þ^e londys of mynchons of Godestowe, for þ^e loue of god & of seynt Iohn baptiste & for þ^e sowlys of hys fadur & modur, to þ^e mynchons of Godestowe þ^e whiche he louyd in criste: & þat þys reles & quiete-clayme shulde be sure her-aftur, he made hyt stronge by puttynge to of hys seall. He made þys relese & quite clayme in þ^e shyre of wynchestur. Furþermore he & hys heyrys grauntid & gaf to þ^e foreseyde mynchons on londe þat herreuarde helde of hym, paynge to hym þerof yerly to fatte hennys at Martyn-masse: & is with-out date.

[folio XXIb(33b)] A Chartur of Robert Cnolle for wodys.

1219, Sept. 11. Quit-claim to Godstow, by Robert of Knowle, of all title in three woods, and quit|claim by Godstow, to Robert of Knowle, of all title in Northlye.

THE sentence of thys euydence is, þat a couenaunt was made by-twene þ^e lady of Godestowe & her couent & by-twene Robert Cnolle & hys heyrys, þat is to sey, Robert Cnoll & hys heyrys quite-claymyd to þ^e lady of Godestowe, & to þ^e couent ther Also, all hys clayme & ryht þat þey seydyn hem-selfe to haue in Williamsmore & in delthegroue & shortgroue, so þat þ^e seyd Robert Cnolle ne none of hys heyrys sholde not haue no clayme afturward in þ^e foreseyde grouys & londys toward þ^e foreseyde Abbas & couent of Godestowe, but þat þ^e Abbas & mynchons of Godestowe sholde haue & holde þ^e foreseyde

grouis & þ^e fore-seyde londis, with all þ^e pertinences, well & in peece and worshypfully, in-to pure & perpetuel almys, as well frely & surely as ony almys may be had & holde: for thys quiete-clayme & graunt, þ^e fore-seyde felice, Abbas, & mynchons of Godestowe, grauntyd & quite-claymid to þ^e fore-seyde Robert Cnolle & to hys heyrys all her clayme & ryht þat þ^e seyd Abbas & mynchons had in Northlye, Also hyt is to be knowe þat henry, than stywarde of Godestowe, suryd hys trowthe for the Abbas & couent þys couenant to be kepyd: & þ^e fore-seyde Robert of knolle Also, vppon hys party, plyht hys trowthe to holde þys couenant for hym & hys heyrys: Thys was do, þ^e wodynsday a-fore þ^e holy rode day in heruiste, in þ^e full court of þ^e Abbas at santforde, the yer of the incarnacion of our lorde M^oCCxix^o, þ^e secunde yer of kynge henry þ^e sone of kyng Iohn. And þat þys graunt & couenant, as hyt is seyde by-fore, sholde obteyne ferme & stronge surenesse, hyt was confermyd by þ^e settynge of seelys of boþe perties: & is with-out date.

[folio XIX(30)] Of a fine I-leueyid in þ^e kynges court a-geynyste Roger [In the Latin also it is 'Roger' in the rubric, 'Ralph' in the text.] mortmer.

1230, Oct. Verdict in favour of Godstow, claiming that William Nefmeynil is responsi|ble for feudal ser|vices due to Ralph of Mortimer, the over|lord, out of a freehold which said William conveyed to Godstow, Godstow remitting damages.

THYS was þ^e final a-corde made in þ^e kynges courte at westmynster fro þ^e day of seynt Myhell in-to j. monethe, þ^e xiiij. yer of þ^e reyne of kynge henry þ^e sone of kynge Iohn, a-fore Thomas Mileton, william Ralegh, Robert lexinton, william of þ^e Ile, william london, maystur Robert of sherdelawe, Raf Norwyche, & Richard Rynger, Iustices, & oþer trewe men of þ^e kynges þere þen beynge present, by-twene amyfelyse ['Amifelisa' in Latin.] , abbas of Godestowe, playnynge by reynolde porter I-sette in her stede to gete or to lese, & william Nefmeynil, deforcynge, of þ^e seruyce þat Raph Mortmer askyth of þ^e fore-seyde abbas of a fre tenement þat she hylde of hym in clere, where-of þ^e seyde abbas playnyd þat þ^e foreseyde william aquitid [In the Latin: 'non acquietavit eam versus praedictum Radulphum: desinit: idem Willelmus medius est.'] not hyr a-geynyst þ^e seyde Raph, þ^e same william cesyd, he was meene by-twene hem; & wher-of hyt was pletyd by-twene hem in þ^e fore-seyde courte, þat is to say, þat þ^e fore-seyde william made

a knowlech þ^e fore-seyde tenement with þ^e pertinences to be ryht of þat abbas & of her churche of Godestowe, to be had & holde to þ^e same abbas, & to oþer abbasys þat sholde succede to her, & to her church of Godestowe, of þ^e foreseyde william & hys heyrys, in-to fre pur & perpetuel almys for euyr, so þat þ^e foreseyd william & hys heyrys sholde acquite all the foreseyde tenement towarde the foreseyde Raf & hys heyrys of all seruices and customys & all demaundys as hys pur & perpetuel almys for euyr: & for thys recogniscion, acquietance, fine & concorde, þ^e foreseyde abbas relesyd & claymyd quite of her & oþer abbassys succedynge her & of her churche of Godestow to the foreseyde william & to hys heyrys all harmys þat she had by the distreynynge made to her fore þ^e fore-seyde seruice by defaute of þ^e seyde william.

[folio XXI(32)] Chartur of william fitȝ Robert of Cnolle of an acre londe in C[l]ere.

About 1240. Grant to Godstow, by William of Knowle, of an acre, a piece of land, and a ditch,

THE sentence of þys chartur is, þat wyllyam fitȝ Robert of Cnoll, by the assent & consent of aline hys wyfe & of wyllyam hys fyrst sone, gaf, grauntid, & confirmyd by hys wrytynge, to god & to þ^e hows of seynt Iohn baptiste of Godestowe & to þe holy mynchons there seruynge god, for þ^e helthe of hys sowle & of hys aunceturs & successours, on acre of londe in þ^e felde of Clere the whych is callid Ramisholte, the whyche lyeth by-twene þ^e londe of wolferton & þ^e londe of santforde, strecch|ynge for þ^e sowþe toward þ^e northe; Also j corner of londe in strokynges croft vppon þ^e northe syde, for þ^e whyche he was wonyd sum tyme to take yerly fowre horsshone of rent; Also on dyche, I-take & leueyd of hys londe & I-cast vppon hys londe, that depertyth vppon þ^e est syde þ^e londe of santford & vppon þ^e west syde hys londe of Cnoll, & hyt strecchyt[h] hyt-selfe fro þ^e sowþe syde of þ^e horscrofte towarde þ^e norþe vn-to an angle or a corner of Tudenhull: to be holde & to be had to hem, with|oute ony a-geynyste seynge of men or women, in-to fre quiet & perpetuel almus: & þat more certeyn truste myht be gyf & had [folio XXIb(32b)] to thys gyft graunt & confirmacion, he put to thys wiytynge hys seele: and is with-oute date.

[folio XXIIb(33b)] A finall a-corde by-twene the Abbas of Godestowe & william of clere [In the MS., no. 224 immediately preceded, and its rubric has been repeated in error.] of a yerly rent of a marke.

1258, Oct. Agreement between Godstow and Roger of Mor|timer, by which Godstow quit|claimed to him 13s. 4d. yearly out of Withy mill, as also the arrears (£10 13s. 4d.), and he quit|claimed to Godstow all title in the tenement and paid £8.

THYS was þ^e final a-corde I-made in the kynges court at westmynster fro the day of seynt Myhel in-to iij. wokys, the xlij. yere of þ^e reyne of kynge henry þ^e sone of kynge Iohn, a-fore Roger of Turkelby, Gilbert of preston, & Nicholas of hanlo, Iustices, & a-fore oþer trewe men of the kynges then þer beynge present, by-twene Emyne, Abbas of Godestowe, playner, by wakelyne of Godestowe in her stede for to gete or to lese, & Roger of Mortmer, deforcyd, by amyse of pelethorp in hys stede to gete or to lese, xvj. Marke þ^e whyche wer by-hynde to þ^e same abbas of a yerly rent of a marke þ^e whyche he owyd to hyr of a mylle in withye, where-of hyt was pleyd by-twene hem in þ^e same courte: þat is to sey, þat þ^e fore-seyde Abbas relesyd & quite-claymyd, of hyr & of hyr successours & of hyr churche of Godestowe, to þ^e fore-seyde Roger & to hys heyrys, all here ryht and clayme þat she had in þ^e fore-seyde yerly rent & Also in þ^e foreseyde arreragijs for euyr. And for thys releys, quite-clayme, fine, & a-corde, þ^e same roger relesyd & quite|claymyd of hym & of hys heyrys to the foreseyde Abbas, & to oþer abbasses þat sholde succede to hyr, & to hyr churche a-foreseyde, all hys ryht & clayme þat he hadd in all þat rent & tenement with þ^e pertinences þat þ^e same abbas & hur churche a-fore-seyde helde in fee in þ^e paryshe of kynges Clere, the day þat þis a-corde was made, for euyr: & furþermore þ^e same roger gaf to þ^e foreseyde Abbas xij. Marke of siluer.

[folio XXb(31b)] Chartur of Iohn Chapleyn of Clere in þ^e towne of kynges Clere.

About 1260? Quit-claim to Godstow, by John of mill, of a croft, to be held by quit|rents, to chief lord, a clove gilly|flower, to the mesne lord, a rose.

THE sentence of thys chartur is, that Iohn of Mylle, chapeleyn, gaf & grauntyd, & confirmyd with hys wrytynge, to god & to the churche of our lady & of seynt Iohn baptiste of Godestowe & to þ^e mynchons þere seruynge god and to serue for euyr, hys oon croft in kyngys clere, the whyche he bowht of william Cnolle, the whyche is callyd denpurcut, & lythe by-twene þ^e

londe of þ^e fore-seyde mynchons of Godestowe (þ^e whyche londe is callid Taywyerescroft) & þ^e kyngys wey (þ^e whyche ledythe fro kyngys clere toward [folio XXI(32)] weymismyll) & strecchythe hyt selfe fro þ^e northe in-to þ^e southe: þ^e seyd crofte to be had & to be holde, with all hys pertinences, to þ^e fore seyde mynchons & to her successours, frely & quietly, pesybly & holly, in-to fre & perpetual almus, of hym & of hys heyrys & to [Read 'of.'] hys assynys, paynge þerof yerly to the chyfe lorde of þ^e fee j. clowe gylofer at myhel-masse, [&] to htm & to hys heyrys or to hys assynys j. rose at mydsomur for all seruices, þat is to sey, for sewte of courtes of shyrys, hundredys, lawday, & for all seculer seruices & demaundys: & þ^e seyde Iohn & hys heyrys or hys assynys warantiȝed, acquited, & defendyd to the fore-seyd mynchons & to her successours the fore-seyde crofte, with all hys pertinences & fredoms by-fore wrete, for euyr, ageynyst all pepull; & þat hys gyft graunte & confirmacion sholde be ferme and sure & stable for euer, he strengthyd hyt with þ^e settynge of hys seele: & is with-oute date.

[folio XXIIb(33b)] A final a-corde by william of Clere of a mese & XX acris of londe.

1269, June. Sale to Godstow, by William of Clere, of a mes|suage and 20 acres. Purchase money, £5 6s. 8d.

THE sentence of þys is, þat þys was a final a-corde I-made in þ^e kyngys courte at westmynster fro trinite soneday in-to XV days, þ^e thre & fyfty yere of þ^e reyne of henry þ^e sone of kynge Iohn, afore martyn litlebury, Maystur roger sayton, & Iohn Cobham, Iustices, & a-fore oþer trewe men of þ^e kynges there þen beynge present, by-twene william of clere, asker, by Robert of hall sette in hys stede to gete or to lese, & Emyne, Abbas of Godestowe, holder, by Nicholas of Mungewelle sette in her stede to gette or to lese, of a mese & XX acris of londe with þ^e pertinences in kyngys clere, wher-of 'assise of hys auncetur' was made by-twene hem, þat is to sey, þat william relesyd & quite-claymyd, of [Read 'for.'] htm & of [Read 'for.'] hts heyrys, to þ^e fore|seyde Abbas, & to oþer Abbassys the whyche sholde succede to here, & to her churche of Godestowe, all the ryht & clayme þat he had in þ^e foreseyde tenement with the pertinences for euyr: and for þis reles, quite-clayme, fine, & concorde, the Abbas gaf to the foreseyd william viij. Marke of siluyr.

[folio XXIb(32b)] Chartur of henry of Edmundusthrope for ij acris.

About 1270. Grant to Godstow, by Henry of Edmunds|thorp, of 2 acres.

THE sentence of þys chartur is, that henry of Edmundisthrop gaf, grauntid, & confirmid with hys wrytynge, to god & to the churche of seynt Iohn baptist of Godestowe, & to the Abbas & couent brethyrn & systyrn of þ^e same place þer seruynge god, in-to pur & perpetuell almis, for þ^e saluacion of hys sowle & of Isabel hys wyfe & for þ^e saluacion of þ^e sowlis of all hys aunceturs & successours, ij. acris of londe the whyche lyen in the feeldys of kynges Clere, of þ^e whyche on acre lyeth in the west feelde at hellenestubbe, by-twene the londe þat was of henry Coke & þ^e londe þat was of william Cnoll; & an-oþer acre lythe in þ^e feelde in þ^e tilthe þat is callid burnefurlonge, in þ^e northe parte of þ^e londe þat was of Iohn scut, & strecchyth hyt-sylfe fro þ^e west towarde þ^e est vn-to woluethelynge, & þat acre is callid krockeresacre. The fore-seyde henry grauntyd þ^e seyde ij. acris of londe, with here pertinences, to be had & to be holde of hym & of hys heyrys, to þ^e seyde holy churche of seynt Iohn baptiste of Godestowe, to þ^e Abbas brethyrn & systryn of þ^e seyde holy hous, well & in peece, freely & quietly, hole & herytably for euyr; & þ^e seyde henry & hys heyrys warantiȝyd & acquited & defendyd þ^e seyde ij. acris of londe, with all here pertinences, to þ^e seyde holy church Abbas & couent brethryn and systryn of þ^e seyde holy hows & to her successours for euyr, a-geynyst all pepull: & þat hys gyft graunt & confirmacion myht be stronge & sure for euyr, [folio XXII(33)] he strengthyd hyt with þ^e puttyng to of hys seele.

Cartur of Iohn frankeleyne for preuet crofte.

About 1280. Grant to Godstow, by John franklin, of 'Prevet Croft,' quit-rent, 1d., in exchange for 6 acres in 'the Breche.'

THE sentence of thys chartur is, þat Iohn frankeleyne gaf, grauntyd, & confirmyd with hys wrytynge, to royse Abbas of Godestowe & to her couent, a crofte of hys londe of þ^e fee of frollebury, þ^e whyche is callyd preuet crofte, & buttythe in length toward þ^e west vppon þ^e londe of þ^e seyde abbas & towarde þ^e est vppon þ^e londe of þ^e person of þ^e churche of wolfrynton, & it lieth in brede by-twene the londe of þ^e seyde Abbas of þ^e sowthe partye & the londe of william at groue vppon þ^e northe syde. Alle þ^e fore-seyde crofte, with all his

pertinences, he grauntyd to be had & to be holde, to þ^e fore|seyde abbas & to her successours, & to the couent of þ^e same place, quietly, frely, pesybly, & holly, in perpetuell ryht, paynge þer-of yerly to hym & to hys heyrys j. d in þ^e feste of seynt myhel for all seculer seruice, exaccion, & demaunde: for þ^e whyche gyfte, graunt, & confirmacion, þ^e fore-seyde Abbas, with assent & consent of all þ^e couent of þ^e same place of Godestowe, gaf to hym vj acris londe in a felde þat is callid þ^e breche, lyinge by-twene þ^e londe þat thomas pykeforde helde of the foreseyde Abbas & þ^e wode þat is callid þ^e fryth, in-to an eschange of þ^e foreseyde crofte þat is callid preuet croft: & þ^e seyde Iohn franckeleyn and hys heyris warantiȝed, acquited, & defendyd for euer, þ^e seyde crofte, with alle hys pertinences, to þ^e foreseyde Abbas & her successours, a-geynyste all pepuls: & þat hys graunt, gyft, & confirmacion, sholde be sure & stable for euyr, he strengthyd hyt with þ^e preynt of hys seele: & is with-oute date.

Chartur of Nicholas of Clere ryal or kynges Clere for viij shillings of rent yerly.

1284/5, Feb. 25. Grant to Godstow, by Nicholas and William of Clere, of 8s. rent|charge over the lands of the serf John Aylmer. Powers of distraint.

THE sentence of thys euidence is, þat Nicholas & william of kynges Clere, brethyrn, & her heyrys, byn holde & bounde to þ^e religius women þ^e Abbas & couent of Godestowe in viij shillings of sterlynges, yerly to be payd to hem in þ^e feste of seynt Myhel, for Iohn I-callid Aylmer, sum-tyme her bondeman, þ^e whych þey gaf to þ^e seyde Nicholas & Iohn, with all hys goodys & catall & londis þ^e whyche he hylde a-fore of þ^e seyde Abbas & couent, as hyt is conteynyd fully in þ^e chartur of þ^e refeffement þat þ^e seyde Abbas & couente made to hem vppon these thynges: & they wyllyd & grauntyd for hem & for her heyrys, by the tenowre of þys present wrytynge, þat hyt sholde be leffull to þ^e seyde Abbas & Couent to entre & occupe as her owne þ^e seyde londys & oþer thyngys þat þey had at þat tyme & were to haue afturwarde in þ^e towne of kynges Clere, & also to reseyue all the avaylys of the same frely & with-out a-geyn seynge of ony man, & to make distreynynge as they wolde for þ^e seyde rent, as ofte as hyt cesyd to be payd. They willid also & grauntyd for hem & for her heyrys þat þ^e shreue of wynchester, þ^e whyche

is for þ^e tyme, sholde dystreyne hem & her heyrys to þ^e payment to be do in what wyse he willid, & for euyry distreynynge þat he dothe to leuey of her goodys & of here heyrys vj shillings viij. d. to hys oune nede for hys labour, & vj. shillings viij d to þ^e nede of the seyde ladyis for her expenses & harmys þat they sofred by the occasyon of þ^e seyde rent not I-payde in þ^e tyme I-sette. In-to witnes of þys thynge þey put to thys wrytynge her selis. The date at Godestowe, in þ^e morne [i.e. morrow.] of seynt Mathie apostle, þ^e yer of our lorde a thousande to hundred iiij. score & iiij.

[Exchequer-MS. folio 183] Charter of John son of Hereward.

1317, June 13. Grant by Godstow, to John Hereward, and his father, of life|interests in a yardland.

MARGERY of Dine, abbess, and the convent of Godstow, granted to John son of John [folio 183b] Hereward the yardland which his father had held of Godstow in Clere, for life-term, paying 7s. yearly by half-yearly payments. If John the father overlive John the son, then the said yardland shall revert in villeinage at the old services to the father and his wife for life-term, but on the death of them both shall fall to Godstow.

Given at Godstow, on the Monday after the Octave of Trinity, the 10th year of Edward son of King Edward.

[Exchequer-MS. folio 183b] Charter of land given to John of Northweston in the field of King's Clere.

1323, Sept. 18. Grant by Godstow, to John of North|weston, of a life-interest in 32 acres.

MARGERY de Dyne, abbess, and the convent granted to said John and his wife Cristiana, and to the longer liver of them, 32 acres in King's Clere which Richard Wychisburi once held. They were to pay 10 shillings of silver yearly for all services.

Given at Godstow, on the Sunday before the feast of St. Matthew the Evangelist, 17 Edward II.

[folio XXI(32)] Chartur of Iohn Cnolle of all hys ryht in kyngys clere.

1333/4, Jan. 7. Quit-claim to Godstow, by John of Knowle of all title in certain land.

THE sentence of thys chartur is, þat Iohn cnolle grauntyd in-to pur & perpetual almus, & vtturly quite-claymyd, to god & to þ^e churche of our lady & of seynt Iohn baptiste of Godestowe

& to þ^e holy mynchons þere seruynge god, for hym & for hys heyrys for euyr, all hys ryht & clayme þat he had or myht haue in ony maner wyse in a place of londe with hys pertinences in the parysshe of kyngys Clere, the whyche is callyd aywyepurcot, & þ^e fore-seyde place of londe lyþe by-twene hys mede þat is callyd þ^e hole mede & a crofte þat is callid hagen|hull vppon þ^e est, & a crofte of þ^e fore-seyde hows of Godestowe þ^e whyche is callid strokynges londe vppon þ^e west syde; so þat þ^e foreseyde Iohn, noþer hys heyrys, ne no man by hem or for hem or in her name, sholde mowe to aske or chalange ony thynge of ryht or of clayme heraftur in þ^e fore-seyde place with hys pertinences, but that they sholde be excludyd by þys presente wrytynges for euyr for all maner accion of ryht. In-to wytnes of þ^e same þynge he put to þys wrytynge hys seele. The date at kynges Clere, þ^e freday next aftur þ^e fest of þ^e Epiphanye of owre lorde, þ^e vij. yere of þ^e reyne of kynge Edwarde þ^e thyrde aftur þ^e conquest.