The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
DPLA Rights Statement: No Copyright - United States
Ryght worshypfull Syr, and my specyall good master, I commaunde me to yow and where hyt ys so as I am enformyd þat on doctor Egge|combe, late resydencyare of Exeter, is decesyd, þe whyche hadde a benefyce callyd Ermynton in Devonshyre of your patronage, now beyng
voyde, þe whyche I have harde reporte ȝe entende to apropure or to have lycence to make a chauntre or ij off, to þe whyche I am enformyd þe bysshoppe woll in no wyse assent: wherfore yff ȝe kan notte opteyn your purpose, butte moste nedys gyff hytte, yff hytte wold plese yow to have me rememburyd þerunto, I were ever bounden to be your bedde|mann, and to pray for yow as God knowyth, who ever preserve yow, Amen. Wryton in hast þe xj day of Aprile. I pray yow geve credens to þe berer heroff.
Your one to hys power, Richard Salter, doctor.
To the ryght worshypfull Syr William Stonor, knyght, þis byll be delyveryd.
