The English register of Oseney abbey / by Oxford, written about 1460. Ed., with an introduction and indexes, by Andrew Clark.

[XXII. Of Barton Odonis]

[143.]

Descent of Barton mill (as in no. 145), as con|firmed in no. 147.

HIT is to be noted that Odo of Barton feffid sumtyme Willyam of Saynte John, person of the church of more Barton, of owr Mille of Barton, that Robert of Arsich confermyd to hym. The saide Willyam, person aforesaide, feffid John of Saynte John, clerke, ys soon, of the saide Mille with londes and his pertinences; and the same Iohn in his laste wille Bequathe[d] saide mylle with londes and other pertinences to the Howse of Oseney, as hit is open By his testament seelyd with his seale and of his executours, the which ȝe schall fynde i-write with-in þe title of 'the Borowgh of oxonforde,' and confirmacion vppon the same Mille folowen in this title of 'Barton Odo.'

[144.]

Unfinished draft of no. 145.

[folio 32b] KNOWE thoo that Be present and to be that I, William of Saynte John, ȝafe, grauntyd, and confermed and Deliuered, to John my norysch, the Mille of Barton, with all his pertinences, that I held and had of Odo, Knyȝght of Barton, and of his heyres, the which is of the fee of Sir Robert Arsic and Dame lorette of ffontaynes and of Robert ffolioth, for hom|age and his seruice, with the mese and crofte and all the felde.

[145.]

About 1200. Grant to John of St. John, clerk, by his father William, of a mill, messuage, and viz. in one field,8 acres of old land and 6 of increase; and, in the other field, the same amount.

KNOWE thoo that be present and to be that [I], William of Saynte John, ȝafe, grauntid, and deliueryd, to John my norisch, the mylle of Barton, with all his pertinences, that I held and had of Odo, Knyȝght of Barton, and of his Eyres, that is of the ffe of Sir Robert Arsic and of Dame lorette of ffontaynes and of Robert ffolioth, for his homage and seruice, with a mese and crofte and all the felde londe the which longeth to the same Mille,

that is to say, in j. felde, ij. acris in Dennessewey, and ij. acris Bi the mede, and ij. acris in Willanesdene, and ij. vndur the langehale, and ij. By schuckelawe, and ij. By-ȝonde the way of Bamforde, and halfe j. By foxwell, and halfe j. By Caldewell, and j. By langlaslade; and in the oþer felde, ij. acris in the northe of the crosse By the wey, and halfe j. in Raggeweyfurlong, and iij. half-acris in Crotlande, and iij. halfe-acris in myddulfurlong, and ij. at slo tre forde, and j. in the Northe of the way, and j. atte sloo tre forde, and j. halfe in Etefurlonge, and ij. in langefurlong, and ij. at sloo tre forde By the way, whereof vj. acris ben of newe feffement of myne Demayne, and viij. aforenamed of olde feffement of iij. feys, Euenlike and the other felde: to be had & to holde, to hym and to hys Eyres, of me, or [to] whome-so-Euer (or all other) to ȝeve, to selle, or assyne he willeth, frely quietly and pesibly, and quite fro all seruice and exaccion al so much as longeth to me or to myne, as charters and confirmacions the which of the foresaide Mille I had, By seruyce of the chefe lordes, witnesse. Thes witnesses, et cetera

[146.]

About 1240? Grant to Oseney, by Henry of Saundon, of lands in Barton and Rousham, with man|orial rights, Oseney to pay the king's de|mands, and quit-rents of 3s. to the chief lords, and 13s. 4d. to the mesne lord, and scutage when scu|tage is asked.

KNOWE thay that be now and to Be that I, Henry of Saunder, clerck, ȝafe grauntid toke & deliuered, and with this present charter confermed, for me and myne heyres for Euer, to god & to þe church of Saynte mary of Oseney and to þe chanons þere seruyng god, all my londe that I had in þe towne of Barton and in the towne of Rolesham, with all seruices and seruages, men, rentys, medis, fedynges and pastures, with all my courte, and with all the pertinences of the same londe, and what-so-Euer thyng in the foresaide towne of Barton and Rolesham, or withoute, I had or myȝght haue, withoute oony withholdyng to me and to my heyres: to be holde and to be had for Euer to a ffree ferme, of me and my heyres, well and in pece, frely and holy and quietly fro all seculer seruice exaccion and Demaunde to me or to my heyres longyng, and the same chanons schall Bere all Burdons of the foresaide londe

in all thynges towarde the Kyng and the chefe lordes, ȝeldyng þerof ȝerely to me and to my heyres j. marke of Siluer at ij. termes, that is to say, at þe ffest of Saynte Marke [half a mark] and at the ffest of Saynte Myȝghell dj. a marke, at Barton, for all seruice, saue the seruice of iij s. that þe saide chanons schall aquite towarde the Chefe lordes, [folio 33a] that is to say, <at þ^e ffest of Saynte Marye> towarde Richard ffitȝ Odo, xvi. d. (that is to say, at Estur, viij. d. [and at the feast of Saint Myȝghell, viii. d.); and to Richard Foliot, iiii. d. (that is to say, at Easter, ii. d.,] and at þe ffest of Saynte Myȝghell ij. d.); Also to John De la Vessell vj. d. at þe ffest of Saynt Myȝghell; Also to Richard of morton x. d. at þe ffest of Seynte Myȝghell; and saue scutage, whenne hit goth thorowgh the londe, that þe foresaide [canons] schall aquite towarde Richard ffiȝt Odone and his heyres (þat is to say, ij. s. iiij. d., how that euer þe scutage goo, weþer it be more or lasse), and saue to Richard ffolioth and to his heyres for scutage [xviii d. in the same manner, and save to Richard of Morton and his heirs scutage] as hit longeth to j. ȝerde londe and j. dj., the which is of his ffee. And I, Henry, and my heyres, all þe foresaide thynges to þe saide chanons schall warantiȝe agaynste all men and women: and if oony case happe, þoo thynges that ben aforesaide that we may not warantiȝe the foresaide chanons in all or in parte, for so moch porcion as I and my heyres may not warantiȝe to them, we schall ȝeve to them sufficient Eschaunge, by the vewe of lawfull men, in my othir londes to a conuenient valewe [and we shall satisfy them for losses and expenses, if they have in|curred any towards any persons,] for the Defaute of warantiȝing [of me or of my heirs. And that this my grant] Be sure and stedefast for Euer, hit with this present wrytyng and By the puttyng to of my seale I have i-strengthid. These witnesse.

[147.]

About 1240? Confirma|tion to Oseney, by Richard son of Odo, as feudal superior, of (a) that part of no. 146 which is of his fee, subject to 1s. 4d. quit|rent to his manor, and a fixed charge of 2s. 4d. when scutage is asked; (b) the be|quest of John of St. John, clerk, as in no. 143, and in no. 145, subject to quit-rent of 1s. to his manor; with re|nunciation of all other feudal claims, Oseney paying £1 6s. 8d. to the con|firmer, and 6s. 8d. to his wife.

TO all cristen men to þe wich this present writyng schall come, Richard ffiȝt Odone helth. Knowe ȝe all me to have i-grawntid, and with this present charter to haue i-con|fermed,

for me and my heyres for Euer, to god and to þe church of Saynte mary of Oseney & to þe chanons in hit seruyng god, þe ȝifte and Graunte þe which Henry of Saunder, clerke, made to them by his charter of his londe, with þe pertinences, þe which hee helde of my ffee in the towne of Barton, and all that he held of me in þe foresaide towne of þe foresaide fee, within the towne or with-owte, and all that he helde or myȝght holde: to be holde and to be had, to þe saide chanons for Euer, of the foresaide Henry and his heyres to fee ferme, well and in pece, frely hooly and worschipfully, in Medys fedynges pasturis, In waters wayes and patthis and Esementes, with fre Entryng and gooynge owte, with fredoms and customs to þe foresaide londe perteynyng, quietly fro all seculer seruice exaccion or demaunde to me or to my heyres perteynyng, ȝeldyng to me þerof ȝerely to me and to my heyres xvj. d. (that is to say, at Estur viij. d. and at þe ffest of Saynte Mighell viij. d.), saue to me and to my heyres ij. s. iiij. d. of scutage [when] that renneth þorowgh þe londe, how-so-euer þe scutage renneth, whe|þer at more or at lasse. ffurþermore, I, Richard, for the helth of my sowle and of myne aunceturs, grauntid and with this present charter confermed to þe foresaide chanons, and for me and myne heyres for euer, al so [much] as longeth to me and myne heyres, the mylle of Barton, with þe mese, and Crofte, and all þe felde londe to þe same Mille perteynyng, and with all his pertinences in the towne and withowte þe towne, the which Mille, with all his pertinences, John of Saynte John, Clerke, to the Howse of Oseney ȝafe, be-quethid, and assined: to be holde and to be had, to the saide chanons for Euer, in-to free and perpetuell almes, well and in pece, with all the integrite or hoolenysse in the which William of Saynte John, the fadur of the saide John clerke, all þe foresaide thynges had and holde, ȝeldyng to me and to my heyres ȝerely at Estur xij. d. for all seculer seruice exaccion and Demawnde to me or to my heyres lengyng. And I, Richard, and my heyres, to þ^e foresaide chanons for Euer quite have i-clay [folio 33b] med of wardes, relefs, Eschetes, and of Sutes of my cowrte and of my heyres, and of all exaccions, quarels, and Demaundes, seruices, Bondages, and all

maner Burdons, so that nother I, nother noone of my heyres or successours, oony thyng of all the same Demaundes, Burdons, seruices, or Bondages, of þe foresaide chanons, noþer of none oþer, may axe for Euer, as to all þe foresaide tenementes with all there pertinences, saue to me and to myne heyres allonly the foresaide rentys, Also and the foresaide scutage. And for [this] graunte, quite-clayme, and confirmacion þe saide chanons ȝafe to me ij. marke, and to Aliȝ my wife j. marke. And that my graunte, et cetera.

[148.]

About 1240? Confirma|tion to Oseney, by Richard Foliot, as feudal superior, of that part of no. 146 which is of his fee, subject to quit-rents of (a) 4d., with 1s. 6d. for scutage, and (b) a lb. of cummin, with 1s. 6d. for scutage; with re|nunciation of all other feudal claims, Oseney pay|ing £3 for this con|firmation.

TO all cristen [men] to whome this presente writyng schall come Richard ffolioth of Rolesham helth. Knowe ȝe all me to have grauntid, and with my present charter to have confermed, for me and my heyres for Euer, to god and to the church of Saynte Marye of Oseney and to the chanons þere seruyng god, the ȝifte and Graunte the which to them made by his charter Henry of Saunder, clerke, of all his londe, with his pertinences, the which he helde of my ffee in Barton and Role|sham, that they [may] have and holde, hooly, frely, and pesibly, ȝeldyng ȝerely to me and to my heyres for the foresaide londe of Barton iiij. d. (that is to say, at Estur ij. d. and at þe feste of Saynte Mighell ij. d.) and for scutage xviij. d. when and who so Euer it renne þorowgh all þe londe. Also for the foresaide londe of Rolesham, j. li. of Comyn at cristemasse, and xviij. d. for scutage whenne and whoo so euer it renne þorowgh alle þe londe, for all seculer seruice exaccion and Demaunde. ffurþermore, I, Richard, for me and myne heyres, quite-clayme the foresaide chanons and þere men and the londes aforenamed, with þe pertinences oft hem, for euer, of relefs, all wardes, [and escheats] and sutes of my courte and of myne heyres, and of all other sutes, claymes, and Demaundes, and Burdons or charges, the which may be axid of that londe, al so moche as to me and myne heyres longeth, sauyng þe fornamed rentes and scutages. And for this graunte, confermyng, and quite-claymyng, the foresaide chanons ȝafe to me iiij. marke of siluer and dj. And that this graunte and quite-clayme, et cetera.

[149.]

About 1240? Confirma|tion to Oseney, by Roger son of Richard of Morton, of that part of no. 146 which is of his fee, subject to 10d. quit|rent to his manor, and 1s. 8d. when scutage is asked.

TO all cristen men to the which this present writyng schall come Roger ffiȝt Richard of Morton helth in owre lorde. Knowe ȝe that I, Roger, graunte, and conferme with this present charter, ffor me and myne heyres and myne assynes for Euer, to god and to þe church of Saynte Marye of Oseneye and to þe chanons þere seruyng god, all londes, medys, fedynges, pastures, and tenementes, the which they have of the ȝifte of Henry of Saundon and By the confirmacion of my ffadur, in the towne of Barton and withowte, of my ffee: to be holde and to be had, to þe saide chanons and to þere successours, in-to per|petuell almes, sauyng to me and to my heyres the rent of x. d. ȝerely at þe ffest of saynte Miȝghell, and sauyng to me and to my heyres for scutage xx. d. allonely, whenne scutage renneth generally thorowgh all Inglonde, for all thyng the which of the londe or of the londe may or schall mowe to be axid for Euer. And I, Roger, and myne heyres or my assynes, all the foresaide thynges with the pertinences, for [folio 34a] the foresaide ȝerely rent and for þ^e forsaide scutage, agaynste all men for Euer schall warantiȝe, aquite, and Defende: and that this my graunte, et cetera.

[150.]

1247, June. Surrender to Oseney, by Henry of Barton, of two yard|lands in Barton and Rousham, subject to 13s. 4d. quit-rent to his manor, Oseney con|ceding him commemo|ration in the con|ventual prayers.

THIS is a finall concorde i-made In the Cowrte of owr lorde the Kyng at oxonford, fro the Daye of þe Holy trinite in-to the xv. Daies, In the ȝere of the Reyne of Kynge Henry the soone of Kyng John xxxj^o, afore Roger of Turkelby, Gilbert of preston, Master Symonde of Bampton, and John of Cobbe|ham, Justices Journeyng, and other true men of owre lorde the Kyng þenne þere Beyng present, Bitwene John, Abbot of Ose|neye, playner, and Henry of Barton, letter, of two plow-londes with the pertinences in Barton and Rolesham, Whereof plee of 'warantiȝe of the charter' whas i-summoned Bitwene them in the same cowrte, that is to say, that þ^e same Henry knowlegid to þe foresaide londe to be the Ryȝght of the same Abbot and of is church of Oseney, þat that þe which þe same Abbot and the foresaide church hauen þey haue hit of the ȝifte of the saide Henry: to be had and to be holde to þ^e same Abbot and

to his successours and to his church aforesaide, in-to ffre and perpetuell almes for Euer, ȝeldyng þerof ȝerely j. marke of Siluer at ij. termes At Barton, videlicet medietatem, þat is to say, halfe, at þe ffest of Seynte Miȝghell, & the other halfe at þe ffeste of Saynte Miȝghell In marche, And Doyng þerof to þe chefe lordes of that ffee all other seruices þe which to þe foresaide londe perteynen. And the same Henry and his heyres schall warantiȝe to þe forsaide Abbot and his successours and to the church a-foresaide þe foresaide londe, with his pertinences, as ffre and his perpetuell almes, By the foresaide seruices, agaynste all men for Euer. And the saide Abbot receyued þe foresaide Henry and his heyres in alle Benefettes and prayers þe which hereafter schall Be Doone In his church aforesaide for Euer.

[151.]

About 1240. Confirma|tion to Oseney, by Richard Foliot, as feudal superior, of the legacy in no. 143, as in no. 145, subject to 2s. quit|rent to his manor.

KNOWE þoo that Be present and to come that I, Richard ffolioth of Rolesham, for þe helth of my sowle and of þe sowles of my aunceturs and successours, haue i-grauntid and with my present Charter confermed, to me and my heyres for Euer, as muche as to me and my heyres perteyneth, to god and to þ^e church of Saynte Marye of Oseney and to þe chanons þere seruyng god, the Mille of Barton, with þe mese, and Crofte, and all þe felde londe to þe same Mille perteynyng, and with all his pertinences in the towne and withowte þe towne, þe which Mille, with all his pertinences, John of Saynte John, clerke, to þ^e same Howse of Osenaye ȝafe, Bequethid, and assined: to Be holde & to Be had, to þe saide chanons for Euer, in-to ffree and perpetuell almes, well and in pece, with all integrite or þ^e holenesse In the which William of Saynte John, the ffadur of þe saide John clerke, all þe foresaide thynges had and helde, ȝeldyng to me and to myne heyres ȝerely ij. s. off sterlynges at iiij. termes (that is to say, at cristmasse vj. d., and at Estur vj. d., and at þe ffest of saynte John þe Baptiste vj. d., and at þe ffest of Saynte Miȝghell vj. d.) for all seruice, secular exaccion, and Demaunde, to me or to my heyres per|teynyng. And that this My graunte, et cetera.

[152.]

About 1240. Grant to Oseney, by Hugh de la Vescele, of a quit|rent of 6d. held as feudal superiority over land and meadow, part of no. 146, reserving 1d. quit|rent.

A quite-clayme of Hugh De la Vesselle of A Rent of vj. d. ȝerely.

[folio 34b] To alle cristen men these present letters to see or hire, Hugh de la Vesselle, soone and heyre of John de la Vesselle, helth in owre lorde. Knowe ȝe all me, for the helth of my sowle, to haue relesid, and to haue quite-claymed, for me and myne heyres for Euer, to god and to þe church of saynte marye of Oseneye and to þe chanons þere seruyng god, a ȝerely rente of vj. d. the which I was i-wooned to receyue, of the saide chanons of Saynte marye of Oseneye, By the reson of xxxij. acris [of land] with mede and his pertinences, þe which all þe same chanons hauen in the feldes of the more Barton and of the ȝifte of Henry Saundon (to þe which my ffadur all þese thynges sumtyme ȝafe By his charter, for his homage and seruice) vnto þente of j. d. ȝerely to be i-ȝelded to me and to my heyres, at Oseneye, At þ^e ffest off Saynte Miȝghell ȝerely. In-to witnesse, et cetera.

[153.]

About 1245. Grant to Oseney, by Hugh, clerk, of 4s. rent|charge in Barton Odonis (to be a pittance at Oseney), with all manorial rights re|presented by it.

KNOWE ȝe that Be present and to come that I, Hugh Clerke of Barton, for the helth of my sowle and of þe Sowles of my ffadur and modur and of my Benefeturs, haue i-ȝeve, grauntid, and with my present charter confermed, for me and my heyres for Euer, to god and to þe church of Saynte Marye of Oseneye and to þe chanons þer seruyng god, a Rente of iiij. s. ȝerely in Barton Odonis, the which to me was i-woned to pay John ffiȝt Warner of the same Barton, my kynnesmanne, for dj. an hide of londe with þe pertinences in the same Barton, to which to hym I ȝafe for his homage and seruice: to be holde and to be had, to þe saide church and chanons for Euer, in-to ffre and perpetuell almes, to pietaunce of þe Couent, with all the ryȝght that in the same Rent I had or myȝght haue, to be take By the handes of the saide John and of his Eyres ȝerely in the ffurst Day of the mone of lente, well and in pece, ffrely and quietly fro all secular seruice, exaccions, customes, sutes, and Demaundis. And I, Hugh Clerke, and my heyres, the saide Rente to the saide chanons and church ffor Euer schall warantiȝe agaynste all men & women, and schalle Defende;

and of all thynges the which of suche ffeffement, or [for] suche, may be i-axid, we schall aquite. And that this my ȝifte, et cetera.

[154.]

1245, June 3. Acknow|ledgement to Oseney, by Johnson of Warner, of obliga|tion to pay the rent|charge, as in no. 153, Oseney promising him com|memora|tion in the conventual prayers.

TO all cristen men to þe which this present wrytyng schall come, John ffiȝt Warnere of Barton helth. To all ȝour knowlege I will hit to come, me, of þe assynyng of Hugh clerke my ffadur in lawe, to be holde and to Be Bownde to John, Abbot, and to þe couent of the church of Seynte mary of Oseney, and to þere successours for Euer, to a payment of a ȝerely rente of iiij. s., to A petaunce of the same couente, þe which rente to pay I whas i-woned to þe saide Hugh for dj. an hide of londe with þe pertinences in Barton Odonis, þ^e which to me ȝafe þe same Hugh for my homage and seruice: þerfore this rente I, John, and my heyres, to þe saide church and chanons for Euer withoute hardenysse schall pay, to þe forsaide petaunce, þe moneday nexte of lente Euery ȝere at Oseney, of þ^e which rente soo i-paide they have þe charter of þe saide Hugh, and of þe which rente so [to be] i-paide I made sewte with an othe, for me and myne heyres, In the chapiter of Oseneye, vppon the texte of the same church, the which me in A-nothir time toke me in-to here prayers and Benefetes of there Bretherhede, [and] In counsells to me and to [folio 35a] myne heyres or my children [is] not to fayle. This writyng was i-made At Oseney In the Vigile of Witsonday, þat is to say, in the Day of saynt Osith Virgine, In the ȝere of þe Rayne of Kyng Henry þe soone of Kyng John xxix. In-to þe strengh, et cetera.

[155.]

About 1245. Grant to Oseney, by Odo, son of Warner, of 5 acres in North field, in strips; and 5 acres in the South field, in strips.

KNOW þoo that Be present and þoo that Be to come that I, Odo ffiȝt Warnere of Barton, ffor my helth and of myne, ȝafe and grauntid, and with my present charter confermed, for me and myne heyres for Euer, to god and to þe church of Saynte marye of Oseney and to þe chanons þere seruyng god, In-to ffree pure and perpetuell almes, x. acris of londe, with þe pertinences, in the feldes of Barton,

of þe which v. acris lien in the Northfelde In-to this maner: þat is to say, j. acre lieth in Halfurlonge, and ij halfe-acris In

Vtfurlonge, and ij. halfe-acris In longefurlonge, and j. halfe-acre stretcheth In-to Senewellyslade and j. dj.-acre In-to Hurstane|furlong þe which is towarde þe North, and j. hede for j. dj.-acre at Crotteslondes Ende, and dj. be-ȝonde þe slade;

And In the sowthfelde lyen v. acris In this maner: that is to say, j. acre in the Ende of þe towne, and j. acre at stanelawe, and j. acre in Middulforlonge, and ij. [half]-acris in Huntfur|longe, and j. acre in longefurlonge:

to be holde and to be had, to þe saide chanons for Euer, well and in pece, ffrely [and] quietly fro all seculer seruice exaccion and Demaunde, In-to ffre pure and perpetuell almes. And I and myne heyres all þe fornamed thynges to þe saide chanons schall warantiȝe agaynste all pepull and schall defende and aquite agaynste the chefe lordes and all men ffor Euer of all seruices and seruages and Demaundes and of all thynges that may be axid. In-to witnesse, et cetera.

[156.]

About 1245. Confirma|tion to Oseney, by John son of Warner, of his brother's gift, as in no. 155.

KNOW þo that Be present and to Be that [I], John ffiȝt Warnere off Barton, for myne helth and of myne, grauntid and with my charter confermed, for me and myne heyres ffor Euer, to god and to þe church of Saynte Marie off Oseneye and to þe chanons þere seruyng god, þe ȝifte þ^e which to þem made Odo fiȝt Warnere my Broþer of x. acris of londe with þe per|tinences in Barton of þ^e which v. acris lien in the Northfelde et cetera, and hit is in the charter afore-writen.

[157.]

About 1245. Grant to Oseney, by John, clerk, son of Warner, of a meadow|patch, Oseney promising commemo|ration in the con|ventual prayers.

KNOW þoo þat Bene now and to Be that I, John Clerke ffiȝt Warnere is sone of Barton Odonis, ȝafe and grauntid, with þe assent and wille of Richard my ffurst sone and heyre, and with my present charter confermed, for the helth of my sowle and of margerye my wyfe and of myne aunceturs and successours, j. litull parte of my mede In Medham Bitwene ij. poles, in-to pure perpetuell and ffree almes, to god and to saynte Marye of Oseneye and to þe chanons þere seruyng god and owr lady saynte Marye, that for Euer my sowle and the sowles of my aunceturs and of my successours in þere prayers

þay haue i-commendid. And I John and myne heyres the for|saide litull parte of mede to þe same chanons schall warantiȝe and Defende for Euer agaynste all pepull, et cetera.

[158.]

1220. Suit between Oseney and Fécamp abbey in Normandy, about tithes, decided by papal com|missioners, appointed Dec. 2, 1219, Oseney claiming ⅔rds of the tithe of the de|mesne land of Little Barton; but accept|ing the offer by Fécamp abbey of a perpetual lease of the tithes at a quit-rent of 10s. to be paid to Cogges priory. Penalty of £1 on the breaker of this agree|ment.

TO all cristen men this present writyng to see thabbot of Enysham and the Dene of Oxonforde Euerlastyng helth in owr lorde. Know ȝe all vs þ^e Maundement of owr lorde the pope to haue i-take in these wordes—

Honorye, Bisshop, seruaunte of the seruauntes of god, to his Beloued soones, thabbot of Enysham, Prior of saynte [folio 35b] ffrides|withe, and the Deene of oxonforde of lincoln Diocesy, helth and the popes Blesshyng. Þat þe Beloued ssones, thabbot and couent of Oseney, of the ordre of saynte Austen, to vs playnyng, have i-schewed that where thabbot and Couent of lyre of þe ordre of Saynte Benedicte and summe oþer of Hereford and Wyrcetur diocese and of lincoln Diocese vppon tithis and other thynges doo wronge to þem. Therefore truly to ȝour discrecion, By the popes writyng, we charge that, þe parties i-called, ȝe hyre þe cause and (apelyng removed) with Dew Ende ȝe endid, doyng þat ȝe Decree By censure of þe church to be i-kepid. And þe witnesses that Be i-called, if they þem-selfe for grace, hate, or drede, withdrawe them, By þ^e same censure (appelyng cesyng) ȝe constrayne to Bare witnesse: And if that ȝe all to þese thynges to Be executid may not Be att, tweyne of ȝow þoo thynges, not-witstandyng, do execute. The Date at la|teranys, iiij^o none of December, of owr Bisshopehoode þ^e iiij. ȝere.

Þerfore By the auctorite of these letters, thabbot and Couent of Oseney, By there procuratour in owre presence i-sette, ij. parties of þe tithis of þe Demayne of Robert Arsic In litull Barton saide, of þe commune lawe, to þere church of grete Barton to perteyne, þe which of thabbot of ffescampe vtterly they axid, The which By his procuratour, that is to say, Roger thenne or that tyme prior of Cogges, afore vs thenne com|peryd. Thenne when þe same procuratour, at all þe cawse

i-meved vppon þ^e saide tithis Bitwene þe forsaide Abbotes and Couentes [i-sett], letters of procuresyis i-ȝeve afore vs in Jugge|ment he schewed, in the which was i-conteyned that Abbot and Couent of ffescampe woolde and willed to be ferme what that Euer þe saide prior in that cawse did. At þe last, after many altercacions Bitwene parties, þe strife ffrendely in this restid, þat is to say, that þe foresaide procuratour of thabbot and Couent off ffescampe to thabbot and Couent of Oseney the forsaide tithis to A perpetuell fferme grauntid, and the same in|to Bodely possession ledde in, for x. s. of sterlinges Euery ȝere, at Oseneye, to þ^e prior of Cogges, at þe ffest of Seynte Miȝghell or within þe vtas of þe same, to Be paide; and if oony of þe saide parties agaynste þ^e saide composicion come, to þe oþer partie xx. s. he schall paye. For this cawse we, hauyng this composicion ferme, By the Auctorite of owr lorde pope hit haue i-Juggid to conferme. In-to witnesse of the which and perpetuell mynde, et cetera.

[159.]

1350, Oct. 13. Exchange between Oseney and Sir William of Shares|hull, Oseney giv|ing messu|ages, a mill, land, and meadow in Barton and Rousham, and taking messuages, a mill, land, and meadow in Little Tew, Sandford, and Oxford, under licence in mortmain, with re|servation to Oseney of certain lands in Barton, and of rights of common pasture.

KNOW thoo þat Be nowe and to Be that we, thomas, By the suffryng of god Abbot of Oseney, and of þe same place Couente, have i-ȝeve, grauntid, and with this present charter confermed, to be-loued to vs in criste, Sir William Scharehull, Knyȝght, vj. meses, j. water mylle, xvj. ȝerdes of londe and vj. acris of mede, with þe pertinences, in Barton Odonis and Rowlesham (that is to say, all þe tenementes þe which in Bar|ton Odonis And Rowlesham we had, excepte j. gardeyne, j. crofe, and x. acris of londe, with þe pertinences, in the towne of Barton Odonis aforesaide) In-to an Eschaunge for viij. mesis, iij. cogates, j. water mylle, xiiij. ȝerdes of londe, xx^ti acris of mede, and j. schoppe, with þe pertinences, in litull tywe, Sanforde, and oxonford, þe which sothely tenementes in litull tywe, Sanforde, and oxonford we had of þe ȝifte and feffement of þe foresaide Sir William in-to þe Above-saide Eschaunge, as in the charter of the licence of þe Kynge of Inglonde and of ffraunce Bothe to vs and to þ^e forsaide Sir William þer-of i-grauntid fully is conteyned: to be had and to holde to the

forsaide vj. mesis, mylle, xvj. ȝerdes of londe, and vj. Acris [of mead], with the pertinences, in Barton Odonis and Rowle|sham, to þe forsaide William, his Eyres, and his assynes, of þ^e chefe lordes of that ffee By seruices þerof Dewe and wonyd for Euer, that is to say, all the tenementes [folio 36a] the which we had in the forsaide townes of Barton Odonis and Rowlesham,

except the forsaide gardeyne, crofte, and x. acris of londe, with ther pertinences, in the towne of Barton Odonis aforesaide, the which we reserue and reteyne to vs and to owr successours to A-Bide, with there pertinences in Euery place, as ffree comune of pasture to owre Bestes all maner of kynde to Be fedde in feldes and pasturis of þe towne of Barton Odonis aforesaide, also with ffree Entre and Goyng owte in Euery place, as we and owre predecessours to have be i-wooned in tymes a-passid, þe which also gardeyne and crofte in the towne of Barton Odonis Been i-ioyned to þe gardeyne of owre dwellyng in grete Barton, as forthe By the hegges and walles to-gedur they ben i-closed inne, And the forsaide x. acris By places lien in the Northefelde of the foresaide towne with owre syne woonyd i-seeled. In-to witnesse of þe which thyng we haue i-put to owr commune seale. Date at Oseney, In owr chapiter Howse, the Wodenysday nexte after þ^e xv. day of seynte Miȝghell Archangell, In the ȝere of the Rayne of Kynge Edwarde of Inglonde and of ffraunce, that is to say, of Inglonde xxiiij. of ffraunce xj^o.

Notes

• 'clericum suum.'
• Printed in Engl. Hist. Review, April 1905.
• The word 'norisch' = 'alumnus' was perhaps chosen because of the disrepute attaching to the marriage of clerics. In nos. 143, 147, William is said to be father, and John, son. The Latin is: 'Iohanni nutrito meo.'
• The word 'norisch' = 'alumnus' was perhaps chosen because of the disrepute attaching to the marriage of clerics. In nos. 143, 147, William is said to be father, and John, son. The Latin is: 'Iohanni nutrito meo.'
• 'et cum tota terra campestri, que pertinet.'
• Demnesweye.
• Wylauesdene.
• Langlaweslade.
• Rugweyesfurlung.
• For 'and' read 'in': 'Similiter in alio campo.'
• Omit the bracketed words, inserted in error.
• 'de Saundone.'
• 'seruiciis et seruagiis.'
• Read 'fee-ferme': 'ad feodifirmam.'
• Added from the Latin.
• Omit the bracketed words, which are brought in in error.
• 'xvi. d.,' correctly, in the Latin. The English in error has 'xv. d.'
• Added from the Latin.
• Added from the Latin.
• 'secundum quod pertinet.'
• MS. repeats 'dj.' in error.
• i.e. 'and if anything occur to prevent our warantizing the aforesaid things to the said canons.'
• Added from the Latin.
• Added from the Latin.
• Saundone,
• Omit 'and.'
• 'Canonicos. . .quietos clamavimus de wardis.'
• 'servitutibus.'
• 'quantum ad.'
• 'simul et.'
• Sandone.
• i.e. 'how-so-ever': 'qualitercunque.'
• MS. reads 'þorowgh all þorow.'
• i.e. 'how-so-ever': 'qualitercunque.'
• MS. reads 'þorowgh alle þorow.'
• Read 'for.'
• 'de Bautone': read 'Wauton.'
• 'impedientem.'
• 'placitum warantie carte.'
• Omit 'to.'
• In the Latin, 'ut illam quam.' The translator, having taken 'ut' as 'that' (instead of 'as'), had to insert 'þey haue hit' (not in the Latin) to make sense.
• Read 'Mary in March,' i.e. Ladyday.
• Read 'for': 'pro me.'
• 'Nota' in the margin.
• 'quae omnia iidem Canonici.'
• Omit 'and.'
• 'to þ^e which' = to whom.
• sic, for 'unto þe rente': 'usque ad redditum.'
• 'clericus.'
• 'gener meus.'
• Read 'the.'
• i.e. on the first Monday in Lent: 'prima die lune.'
• 'sine difficultate.'
• 'de quo redditu sic solvendo, fidelita|tem feci.'
• 'qu[a]e me alias suscepit.'
• This second date is a difficulty. In 1245 Whitsun-Eve was June 3, i.e. Pega Virgo. Osith, Regina et Martyr, is Oct. 7.
• Read 'in.'
• Croftes londes.
• MS. repeats 'for Euer.'
• 'clericus.'
• 'is sone' is superfluous. The Latin is 'filius Warneri de Barthona.'
• Omit 'that.'
• 'de Lyra.'
• Read 'end it.'
• 'facientes quod decreveritis. . .obser|vari.'
• 'interesse.'
• 'tunc temporis prior.'
• 'procurator, ad totam causam motam . . . datus.'
• Read 'had.'
• 'quicquid.'
• 'induxit.'
• In error. Latin is 'tribus cotagiis.'
• Omit 'to.'
• Omit 'to.'
• 'prout per.'