[XXIII. Of Westcot Barton]
About 1260. Grant to Oseney, by Thomas of Hide, of 25 acres in Westcote Barton, viz. 12 in North field, 12 in South field, 1 in Moyles Breche, with their pasture-rights, free of all manorial burdens.
KNOWE þoo that Be now and to Be that I, thomas of Hide, ȝafe grauntid and confermed, to god and to þe church of seynte Marye of Oseney, and to sir Richard*. [Richard of Apletre, abbot 1254-68.] Abbot of Oseney and to þe chanons þere seruyng god, xxv. acris of arable londe, with all þere pertinences, in the ffeldes of Westcote Barton, In-to pure and perpetuell almes, whereof xij. acris of londe lien in the North felde at Radawelle, that is to say, in þe telth þe which is i-called Brerefurlonge; And in the sowthfelde, Page 134 (þe*. [Omit 'þe which.'] which) vppon Ramme dune, iij. telthis, þe which conteynen xij. acris; And j. acre in Moyles Breche, By the londe of petur of Barton: to be holde and to Be had, to the saide church and chanons and to þere successours, well and in pece, frely and quietly, in fedyng and pasturis, with ffree Entre and goyng owte þorogh all þe felde of Westcote Barton for Euer. I have i-grauntyd Also, for me and myne heyres and myne assynes, þat þe saide Abbot and chanons and there successours ben quite for Euer of all maner sutes of courtes, helpys, tallages, scutages, and of all exaccions and Demaundes for Euer. And I thomas and myne heyres or myne assynes þe forsaide xxv. acris, with all þere pertinences, to þe saide Abbot and chanons and to þere successours, agaynste all cristen men and Jues schall warantiȝe, Aquite, and defende, as pure and perpetuell almes. And that þis my ȝifte, et cetera.
About 1260. Confirma|tion to Oseney, by Peter of Westcote Barton, of no. 160.
KNOWE all men that I, petur of Westcote Barton, haue i-grauntid, for me and my heyres and myne assynes, and with this present charter have i-confermed, to god and to þe church of Seynte Marye of Oseney and to þe chanons in hit ser|uyng god, þe ȝevyng the which to theme maade Thomas of Hide of londis and tenementes the which Ben of my ffee in Westcote Barton: to Be holde [and] to be had to þe saide church and chanons, in-to pure and perpetuell almes, as þe charters þe which they have of ffeffement fully witnessen. In-to wit|nesse, et cetera.
About 1270. Grant to Oseney, by John le free, of an acre, with its pasture|rights.
KNOWE ȝe that Be present and to Be that I, John lee ffree of Westcote Barton, ȝafe, grauntid, and with this present charter confermed, to god and to þe church of saynte marye of Oseneye and to þe chanons in hit seruyng god, j. acre of Arable londe in the ffelde of Westcoote Barton, with all his pertinences, þe which acre lieth in the telth the which is i-callid Doddendenes Holde: to Be holde and to Be had, to þe saide church and chanons, in-to pure and perpetuell almes, with ffre Entre and gooyng-owte þorowgh all the felde of Westcote Bar|ton. And I, John, and my heyres or myne Assynes, þe [folio 36b] said Page 135 acre, with the pertinences, to þe saide church and chanons schall warantiȝe, aquite, and Defende, agaynste all cristen men And Juys. And that this my ȝifte, et cetera.
About 1270. Grant to Oseney, by John le free, of half-an|acre, and half|an-acre.
HIT is to Be i-knowe that we haue:—To all cristen men to þe which this present writyng schall come John lee ffre of litull Barton helth in owre lorde. Know ȝe all me to haue i-ȝeve, grauntid, and with this present charter confermed, to god and to seynte Marie and to ffrere William Sutton*. [Abbot 1268-84.] By þe suffryng of god Abbot of Oseneye and to þe chanons of the same place þere seruyng god, j. acre of my arable londe, with all his pertinences, In the ffelde of litull Barton, for the helth of my sowle and of the helth of my aunceturs, of þe which j. dj.|acre lieth of þe Est parte of Sondeway towarde Dunstue By the londe of William Geffray, And a-nother dj.-acre in the same ffelde, that is to say, In Wolkelonde*. [Wowelonde.], By the londe of the same William Geffray: to Be had and to Be holde that Acre, with his pertinences, In-to pure and perpetuell almes, for my sowle and þe sowle of my aunceturs for Euer. And [I] John, and my heyres, þe saide acre of londe, with his pertinences, to god and to saynte Mary and to the saide William, Abbot, and to þe saide chanons, schall warantiȝe, defende, & aquite, agaynste all mor|tall men for Euer. And that this my ȝifte, et cetera.