Altenglische legenden.

About this Item

Title

Author

Horstmann, Carl, ed. b. 1851.

Publication

Heilbronn,: Gebr. Henninger,

1881.

Rights/Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.

DPLA Rights Statement: No Copyright - United States

Subject terms

Saints -- Legends

English poetry

Legends

Cite this Item

"Altenglische legenden." In the digital collection Corpus of Middle English Prose and Verse. https://name.umdl.umich.edu/AFW1383.0001.001. University of Michigan Library Digital Collections. Accessed May 23, 2024.

Pages

19. De sancto Jacobo apostolo maiore historia.

                      
                        Saynt James, apostel of Jhesu Crist
                      
                        & brother of John Euangelist,
                      
                        "James þe more" named he es,
                      
                        Bi-caus a-noþer es namid "þe les".
                      
                        He prechid thurgh al þe Jury
                        Line 5 
                      
                        And thurgh þe land of Samary.
                      
                        He witnest al with wurdes bolde
                      
                        Þat þe prophetes bifore had tolde,
                      
                        And vnto þe puple he puplist
                      
                        Þat þai war fulfild in Crist:
                        Line 10 
                      
                        First of a mayden how he was born
                      
                        To saue our faders þat fell biforn,
                      
                        And sethin how he was ded on rude
                      
                        And boght vs with his blisced blude,
                      
                        And rase ogayn in flehs and fell
                        Line 15 
                      
                        And seþin fet his frendes fro hell,
                      
                        And how he stegh to heuyn ogain —
                      
                        Al prechid he with wurdes playn.
                      
                        So it bifel þore in þat land
                      
                        A wikked terand was wunand,
                        Line 20 
                      
                        A domesman for þe deuil of hell,
                      
                        To cristen folk ful fers and fell;
                      
                        Hermogines þan was his name.
                      
                        And when he herd how nobil fame
                      
                        Of saint Jams wex with al bidene,
                        Line 25 
                      
                        Þan in his hert he had grete tene.
                      
                        And when he wist what wai he went,
                      
                        One of his seruands to him he sent,

Page 97

                      
                        His steward, þat was named Philit,
                      
                        And bad him þat he suld go wit
                        Line 30 
                      
                        Whi he went so obout prechand
                      
                        And made swilk maystris in his land;
                      
                        "And bot he sese by wurd of þe,
                      
                        Bynd him and bring him to me!"
                      
                        Þan Philit toke with him cumpany
                        Line 35 
                      
                        And to James went þai hastily;
                      
                        And phariseus, ful mekil schrews,
                      
                        Went forto wit of his thews,
                      
                        Forto atteyn him in sum thing,
                      
                        Þat þai might wrye him to þe king.
                        Line 40 
                      
                        When Philit met Jams in þe way,
                      
                        Sune to him þus gun he say:
                      
                        "Of moni maistris þou þe mels,
                      
                        And fals tales to þe folk þou tels.
                      
                        For Crist, þat come in þe werld to wun,
                        Line 45 
                      
                        Was neuer god ne godes sun:
                      
                        And þou sais he es god allone,
                      
                        And þou of his men es one.
                      
                        And forþi, bot þou flit þe ferr,
                      
                        For his sake þou sal far (þe) werr;
                        Line 50 
                      
                        And tite bot if þou turn þi hert,
                      
                        With greuance grete þou sal be gert".
                      
                        Saint Jams, fulfild of þe hali gaste,
                      
                        Answerd vnto him in haste;
                      
                        With moni resouns more and les,
                        Line 55 
                      
                        And haly writ euer to witnes,
                      
                        He proued him by þe prophetis saw
                      
                        And bi lessons of þaire awyn law
                      
                        Þat Jhesus was goddes sun verrayli,
                      
                        So þat he kouth noght it deny;
                        Line 60 
                      
                        And so by clergi ouercome he
                      
                        Þe steward and all his menȝe.
                      
                        And all confusid by proces playne
                      
                        Vnto þe king þai went ogayne.
                      
                        Þe steward told þan albidene
                        Line 65 
                      
                        How þat he had herd and sene —
                      
                        And phariseus þat with him ware
                      
                        Vnto his wurdes gude witnes bare.
                      
                        And omang al þe folk in-fere
                      
                        Þe steward said in þis manere:
                        Line 70 
                      
                        "Sir, trow my tales, for þai er trew!
                      
                        James, þe seruand of Crist Jhesu,
                      
                        May þou noght cumpas to ouercum,
                      
                        For he es apostell of grete wisdom.
                      
                        In Jhesu name, whore so he wendes,
                        Line 75 
                      
                        Out of sere men he chaces fendes,
                      
                        Blind men gers he haue þaire sight
                      
                        And croked men to gang ful right,
                      
                        Of lepir lechis he man and wife
                      
                        And raises folk fro ded to life.
                        Line 80 
                      
                        All hali writ ful wele he knaws
                      
                        An(d) ful wele alegis he oure laws,
                      
                        Playnly he proues bi prophet steuyn
                      
                        Þat Jhesus was godsun of heuyn
                      
                        And oþer Criste was neuer none
                        Line 85 
                      
                        Bot anly he þat Jews has slone,
                      
                        Þat rase fro ded and to heuyn wend,
                      
                        Ay-lastand god with-outen end.
                      
                        To striue with him mai noght auail,

Page 98

                      
                        And þarfore, sir, do my counsail:
                        Line 90 
                      
                        Wend we to him þore he es,
                      
                        And mekely ask hym forgifnes.
                      
                        And þou wil for þis be wrathe,
                      
                        Þan wil I warn þe of þi skathe;
                      
                        Al þe force of þi fendes grym
                        Line 95 
                      
                        May no-thing help ogayns him.
                      
                        And þarfore rede I, þou forsake
                      
                        All þaire law and to his take.
                      
                        And, sir, if þou wil noght do so,
                      
                        I warn þe wele þat I wil go
                        Line 100 
                      
                        To him and pray par charite
                      
                        Þat I may his disciple be."
                      
                        Hermogines, when he þis herd,
                      
                        Als a wude lion þan he ferd
                      
                        And to his steward sone he sayd:
                        Line 105 
                      
                        "Ful dere þou sal haby þis braid.
                      
                        How durst þou euer be so bolde
                      
                        To tel þir tales þat þou has tolde?
                      
                        Sore sal þou rew þam al þi sithe".
                      
                        He bad his men go bind him swithe,
                        Line 110 
                      
                        Both his fete in iren bandes
                      
                        And to his bak both his handes:
                      
                        So might he nouþir stir ne braid.
                      
                        And þan vnto him þus he said:
                      
                        Videamus si Jacobus tuus soluat te.
                      
                        "Sertes, he said, now sal we se
                        Line 115 
                      
                        If þi Jams now may lese þe
                      
                        Fro þir bandes þat þou es in fest.
                      
                        Now lat se, baldly do þi best!"
                      
                        Þan þe steward cald a childe,
                      
                        His sun, þat was both meke & milde,
                        Line 120 
                      
                        And vnto saint Jams he him sent
                      
                        To tel him of his grete turment.
                      
                        Þe childe went wittily and wele
                      
                        And told to þe appostil ilk a dele,
                      
                        How his fader had ful euyl fare
                        Line 125 
                      
                        For he louid þe appostils lare.
                      
                        And when saynt James wist how al went,
                      
                        Gude socure ful sone to him he sent;
                      
                        Vnto þe child he said in hi:
                      
                        "Þi fader sal be helpid hastily",
                        Line 130 
                      
                        His sudari to him toke he
                      
                        And said: "sun, bere þis thing with þe!
                      
                        Touche him þarwith, if þou can,
                      
                        And bid him say þir wurdes þan:
                      
                        Dominus soluit compeditos e. c. —
                      
                        God lesis þam þat er in prisoune,
                        Line 135 
                      
                        God raises þam þat er casten doune".
                      
                        Þe childe þan toke þe appostels sudary,
                      
                        And vnto his fader he went in hy
                      
                        And sone he said þe appostell will
                      
                        And also þe wurdes, he told him till.
                        Line 140 
                      
                        Þe sudary on him he cast:
                      
                        And sudanly his bandes brast.
                      
                        Þe kinges faith he forsoke þan
                      
                        And to saint James ful sune he wan;
                      
                        He cursed þe king als fendes lym
                        Line 145 
                      
                        And als al þo þat war with him.
                      
                        Þan was Hermogines ful wo,
                      
                        When his steward was went him fro.
                      
                        And for he saw his grete sorceri
                      
                        Failid him þan þore so fayntly,
                        Line 150 
                      
                        Experimentes þan ordand he
                      
                        And raised deuils grete plente.
                      
                        By coniureing þai come him till

Page 99

                      
                        And bad him say to þam his will;
                      
                        Þai sayd: "we er redy to wende
                        Line 155 
                      
                        And wirk þi will als for oure frende".
                      
                        "A, frendes, he said, me es ful wo!
                      
                        My fals steward es went me fro;
                      
                        Left my law haly has he
                      
                        And now dispises both yow and me,
                        Line 160 
                      
                        And to a lurdan es he gone
                      
                        Þat serued him wham we haue slone —
                      
                        Jams þai tel þat lurdan hat.
                      
                        Mi frendes, I pray yow, fetchis him þat,
                      
                        And whore-so-euer þai mai be funden
                        Line 165 
                      
                        Bringes þam bothe vnto me bunden!
                      
                        So þat I may sune vengid be
                      
                        On þat gadling þat greuis me.
                      
                        With grete paynis I sall him greue
                      
                        Þat bringes my men in misbileue."
                        Line 170

                      
                        Þan þir fendes war wonder faine [folio 165] 
                      
                        And said itt suld be done sertaine,
                      
                        Þai suld noght leue for thin ne thik
                      
                        Till þai war broght bath ded or quik.
                      
                        And furth þai flow, als he þam bad —
                        Line 175 
                      
                        Þan was þe lurdan wonder glad.
                      
                        Þe fendes flow furth in þe ayre:
                      
                        And angels come ful bright and faire,
                      
                        Þat fra god him-self war sent,
                      
                        And (þa) fendes with fire þai brent.
                        Line 180 
                      
                        When þai kome ouer þat ilk stede
                      
                        Whare Jams was kneland in his bede,
                      
                        No ferrer might þai fendes founde,
                      
                        Bot doun þai fell unto þe grounde.
                      
                        And unto James þus gan þai cry:
                        Line 185 
                      
                        "Man, of us þou haue mercy!
                      
                        For goddes appostel we þe knaw,
                      
                        Þar-fore þis uengance fra us draw,
                      
                        Or-time þat we brin unto noght!
                      
                        For sere sorou es till us soght."
                        Line 190 
                      
                        Þan answard Jams on þis manere
                      
                        And said: "deuils, wat do ze here?
                      
                        Heyn oway I rede ze fle.
                      
                        Wharto cum ze unto me?"
                      
                        Þai sayd ogaine þan wordes slike:
                        Line 195 
                      
                        "Hermogines, þe heritike,
                      
                        Has sent us heder for þis thing:
                      
                        Þat we swld þe till him bring
                      
                        And Philet þat was his serwand,
                      
                        Bunden fast both fote and hand.
                        Line 200 
                      
                        Bot sone so we come hederward,
                      
                        Goddes angels has us bun ful hard
                      
                        With cheynes of fire obout us bent,
                      
                        So þat we swffer grete turment.
                      
                        And sen we knaw þou power has,
                        Line 205 
                      
                        We pray þe help, and lat us pas!"
                      
                        Þan Jams lift upp his hand & sayd:
                      
                        "Þe angell þat þa bandes on layd,
                      
                        He tak þam fra zow sone in hy,
                      
                        In þe name of god all-mighty,
                        Line 210 
                      
                        Fadyr and sun a(n)d haly gaste.
                      
                        So þat ze sall wende in haste
                      
                        Vnto Hermogines ogayne —
                      
                        Bot þat ze do him nokins paine!
                      
                        Bot sen he bad zow bring me þeder
                        Line 215 
                      
                        And Philet, bunden bath togeder,
                      
                        I cumand zow biliue þat ze
                      
                        Go bind him, and bringes him to me —

Page 100

                      
                        Bot hurtes him noght in lim ne lith —
                      
                        For a word wil I speke him with".
                        Line 220 
                      
                        Þan þir fendes wald neuer sese
                      
                        To þai come till Hermogines.
                      
                        And he was faine of þaire cuming
                      
                        And trowed he suld here gude tiþing.
                      
                        He said: "whare er þa lurdans twa?"
                        Line 225 
                      
                        Þai said: "nay, nay, it bese noght swa",
                      
                        Þai stirt bifor him and bihind,
                      
                        With bandes of yren him forto bind.
                      
                        Þan loud he cried and said þam to:
                      
                        "Harrow deuill! wat sal ze do?"
                        Line 230 
                      
                        Þai said: "sir, bind þe nedes us bus
                      
                        And lede þe unto Jams with us
                      
                        And to Philet þat fra þe fled.
                      
                        And warne it war us forbed
                      
                        To do þe harm or hurt þe sare,
                        Line 235 
                      
                        Þou suld far ill, or þou come þare,
                      
                        For sorow we had for þi sake,
                      
                        When þou sent us þam to take.
                      
                        Þarfore lend we no langer here!"
                      
                        Þai herled him furth with hidose bere.
                        Line 240 
                      
                        Vnto James come þai in þat tyde
                      
                        And unto him al þus þai cried:
                      
                        "Put þis man in oure pouste:
                      
                        And ful sone saltou uenged be
                      
                        Of harmes þat he has done þe till;
                        Line 245 
                      
                        And of him sall we haue oure wil
                      
                        For þe brining þat on us encrest
                      
                        Of þe angels, till þou it fest".
                      
                        Þan said Jams unto þe fendes:
                      
                        "Lo, Philit here bifor zow wendes:
                        Line 250 
                      
                        Whi bind ze noght him in zowre band,
                      
                        Als Hermogines zow cummand?"
                      
                        Þan answerd þe fendes ogaine
                      
                        And said: "þou wate þi-self sertayne
                      
                        Þat we may haue no pouste
                        Line 255 
                      
                        Of thing þat towches unto þe".
                      
                        Þan cumand James þam forto wend
                      
                        To þaire woning with-owten end,
                      
                        And þat þai suld no harm do þan
                      
                        Nowþer unto beste ne man.
                        Line 260 
                      
                        A hidose cry þan raysed þai,
                      
                        And on þis wise þai went oway.
                      
                        Hermogines þan bunden stode
                      
                        Byfor saynt James with drery mode.
                      
                        And Jams to Philet said þis saw:
                        Line 265 
                      
                        "Þe scole of god for þou sal knaw:
                      
                        Þat es ay to be milde of mode
                      
                        And ogaynes euill forto do gude:
                      
                        Þis man þat band þe lith and lim,
                      
                        I bid þe now þat þow lese him.
                        Line 270 
                      
                        He cumanded þat þou suld be bun
                      
                        With fendes, whare þou might be fun:
                      
                        And now, sen he es bunden swa,
                      
                        Lese þou him and lat him ga!"
                      
                        Þan Philet, als saint Jams cumandes,
                        Line 275 
                      
                        Leses him out of his bandes.
                      
                        When þat terrant sau in sight
                      
                        Þat in James was so mekill might,
                      
                        To lese and bind so at his will:
                      
                        He wald noght gang, bot stode ful still,
                        Line 280 
                      
                        And sone bigan to think in thoght
                      
                        Þat he wikkedly had wroght.
                      
                        Vnto saint Jams he spac gude spede
                      
                        And asked forgifnes of his dede.
                      
                        Saint Jams þan said him untill:
                        Line 285 
                      
                        "Wend furth fre, whare so þou wil!
                      
                        For it falles noght in oure techeing
                      
                        To conuert men here, for no thing,
                      
                        Ogains þaire wil we(le) forto do,
                      
                        Bot þaire entent war set þar-to.
                        Line 290 
                      
                        And þarfor on þi way þou wend,
                      
                        Vntill þi mode be better mend!"
                      
                        Þan said he: "sir, sen I sall wende —
                      
                        I knaw þe felnes of þe fende,
                      
                        I wate wele þai will do me dere,
                        Line 295 
                      
                        Bot if þou wald me wiss and were;
                      
                        Þai wil tak me, wen I ga,
                      
                        And with diuers paynes me sla".
                      
                        Þan said saint Jams: "I sal þe saue:
                      
                        My staf here with þe sal-tou haue,

                        Line 300

Page 101

                      
                        Line 300 
                      
                        Þat sal þe were, whare so þou wendes,
                      
                        For all þe felnes of þe fendes".
                      
                        Þe appostel staf þan toke he þare
                      
                        And hame ogain fast gan he fare.
                      
                        And graithly up he laites and lukes
                        Line 305 
                      
                        All his bagges and all his bokes,
                      
                        Þat his lawes war wreten in
                      
                        Of sorceri and deuils gin,
                      
                        And all his fals experimentes
                      
                        In hampers hastly he þam hentes,
                        Line 310 
                      
                        And all his gaudes of deuils gere
                      
                        Gerd he his seruandes with him bere,
                      
                        And also sum him-seluen bare,
                      
                        Vnto James. and when he come þare,
                      
                        Fire and þam to-geder he broght
                        Line 315 
                      
                        And forto brin þam was his thoght.
                      
                        And James bad, he suld noght so,
                      
                        "For-why þe smoke grete harm may do
                      
                        Vnto men þat it suld fele:
                      
                        For in þam es so mekill unsele.
                        Line 320 
                      
                        Bot fill þa sachels ful of stanes
                      
                        And kast in þe se all at anes,
                      
                        And lede also by þam ze bind,
                      
                        So þat neuer man þam efter find".
                      
                        Hermogines kest all in þe se.
                        Line 325 
                      
                        And unto James ogaine come he,
                      
                        And doun he fell unto his fete
                      
                        And praied him his bale to bete:
                      
                        "Deliuerer of saules, he said,
                      
                        Sen þat slike grace to þe es graid
                        Line 330 
                      
                        Mans mis forto amend,
                      
                        My life es halely in þi hend:
                      
                        Forgif me þat I did to þe,
                      
                        And haue mercy and rew on me,
                      
                        Sen þou sais it es godes will
                        Line 335 
                      
                        Forto do gude ogaynes ill!"
                      
                        Hermogines conuersus est ad dominum.
                      
                        Þan said saint James wit gude entent:
                      
                        "If þou will uerraily repent
                      
                        Al þi misdedes more and les,
                      
                        Þan uerraily gettes þou fo(r)gifnes".
                        Line 340 
                      
                        Þan said Hermogines to him þare:
                      
                        "Say me, what I sal do mare?
                      
                        I haue forsaken mi fals lay
                      
                        And kasten al my bokes oway".
                      
                        Saint Jams answerd unto him þen.
                        Line 345 
                      
                        "Þou sall do þus, als I þe ken:
                      
                        Vnto þaire howses wend saltou
                      
                        Wham þou turned on þi lare to trow,
                      
                        And þat þou said þou suthfast knew
                      
                        Tel þam now it es noght trew!
                        Line 350 
                      
                        And all þi maumettes more and myn
                      
                        Þat þou first affied þe in,
                      
                        Riue þam sunder, or þou rest,
                      
                        And all in-to þe se þam kest!
                      
                        And tresore falsly won to hend,
                        Line 355 
                      
                        In gude dedes þou sal despend!
                      
                        Forsake þat filth þat þe has fylde,
                      
                        And fra þe fende bicum goddes childe!"
                      
                        Hermogines þan with gude will
                      
                        Hight all hertly to fulfill.
                        Line 360 
                      
                        Baptime he toke with gude entent,
                      
                        And toke his leue and furth he went. [folio 166] 
                      
                        Baldly he did als James him bad,
                      
                        And sone in trowth he wex so sad
                      
                        And so parfite goddes lawes to lere,
                        Line 365 
                      
                        Þat god thurgh him wroght wonders sere.
                      
                        Þan þe iews persaiued sone
                      
                        Slike dedes, thurgh him was done,
                      
                        And how þat James him turned had:
                      
                        Þan in þare hertes þai war unglad.
                        Line 370 
                      
                        Þai gaderd mone grete plente
                      
                        And hired men with þam to be,
                      
                        James on al wise forto noy
                      
                        And Philet als forto destroy.
                      
                        And langer þan þai wald noght lett
                        Line 375 
                      
                        Bot toke him & in preson sett,
                      
                        And tald þis mater les and mare
                      
                        Till þaire bisschop Abiathar.
                      
                        And he gat men of his assent
                      
                        And to king Herod with him went;
                        Line 380 
                      
                        And a rape about his nec þai band
                      
                        And herled him furth so in þaire hand.
                      
                        So when þai come to Herod, þe king,
                      
                        Þai tald him all þis ill tiþing,
                      
                        Whare þat he had went and how
                        Line 385 
                      
                        He turned þe folk on him to trow:
                      
                        "Hermogines, þai said, turned he has
                      
                        And all þe men þat with him was".
                      
                        When Herod had herd all þis tale,

Page 102

                      
                        Him thoght þat he might brist for bale.
                        Line 390 
                      
                        He said: "we will noght with him striue,
                      
                        Bot go, haues of his heuid biliue!
                      
                        So þat ilk a fendes lime
                      
                        May tak bifining bi him
                      
                        For to missay oure goddes mare
                        Line 395 
                      
                        Or mak slike dray als he did are".
                      
                        Þan langer þare þai wald noght stand
                      
                        Bot led him furth fast in a band
                      
                        To þe stede whare þai suld him quel.
                      
                        And als þai went, so it bifell:
                        Line 400 
                      
                        With a man þai met in hy
                      
                        Þat had bene lang in parlesy;
                      
                        And loud he cried, fra he him knew:
                      
                        "James, þe appostell of Jhesu,
                      
                        Haue mercy on me, man of main,
                        Line 405 
                      
                        And liuer me out of my payne!"
                      
                        Þan said saint James þir wordes fre:
                      
                        "In his name I cumand þe,
                      
                        For was luf I sal suffer ded,
                      
                        Þat þou rise up hale in þis stede
                        Line 410 
                      
                        And so be saved of all þi sare".
                      
                        And so was þe man helid þare.
                      
                        Þan was þare ane, hight Josias,
                      
                        Ane of þe bisschop men he was,
                      
                        And þat was he, þe suth to wit,
                        Line 415 
                      
                        Þat þe rape bi James nec knit,
                      
                        To lede him till his ded ful right.
                      
                        And als sone when he sau þis sight,
                      
                        Þe rape he left and lete it lese,
                      
                        And doun he fell appon his knese
                        Line 420 
                      
                        And unto Jams þus gan he say:
                      
                        "Apostel of Jhesu, I þe pray
                      
                        Þat þou my trispas forgif me
                      
                        And mak me ane of þi menze!"
                      
                        Þan was þe bisschop wonder wrathe,
                        Line 425 
                      
                        And biliue gert bind þam bathe
                      
                        And said: bot he turned his entent,
                      
                        Wit James suld he suffer turment.
                      
                        Josias þan answerd ogaine
                      
                        And said: "þarfore am I ful faine.
                        Line 430 
                      
                        Þi goddes and þe both I defy,
                      
                        And weried be þat company!
                      
                        And blisced be Jhesu Crist allane,
                      
                        For he es god, and oþer nane!"
                      
                        Þe bisschop þan gert bete him sare;
                        Line 435 
                      
                        And euer his trowth was mare & mare.
                      
                        Þe bisschop þan to Herod sent
                      
                        On him forto gif iugement.
                      
                        And hastily him demed he
                      
                        With James heuedid forto be.
                        Line 440 
                      
                        And so when þat he demed was,
                      
                        Saint Jams baptist Josias
                      
                        And made him in his trowth ful trew
                      
                        Anely in his lord Jhesu.
                      
                        And so at anes in þat stede
                        Line 445 
                      
                        Bousomly þai toke þaire dede
                      
                        And marters war þai made ful euyn,
                      
                        And so went to þe bliss of heuyn
                      
                        And wons in welth with-outen ende —
                      
                        God wis us all þeder to wende!"
                        Line 450

Notes

Diese Legende folgt im Ms. Tib. hinter Peter und Paul, fol. 248 b Col. 1, wird aber erst in der 2. Col., V. 18, leserlich.

Back to content
Ms. in st. with.

Back to content
V. 18 (Al)preched he plainly . . . steuyn.

Back to content
þare.

Back to content
seruand st. domesman.

Back to content
men st. folk.

Back to content
24—5) Reinwörter zerstört.

Back to content
saint fehlt. James.

Back to content
þan fehlt.

Back to content
27—8) He spird in what waies þat he went, And his seruand to him he sent.

Back to content
cald.

Back to content
þe st.þat. ga.

Back to content
ȝode. precheand.

Back to content
maystrise.

Back to content
33—4) And bot he deny al to-geder, Bind him fast and bring him hider.

Back to content
Philete. with fehlt.

Back to content
And vnto James he went in hi.

Back to content
Ms. pharisenes.

Back to content
spir st. wit.

Back to content
And to ateine him with.

Back to content
moght.

Back to content
mete.

Back to content
Als sone bigan he forto say.

Back to content
43—52) Tib. liest: Crist þat come in werld to won, Was neuer verray goddes sun. Þou tels þe folk whare þou has gane, Þat þou ert of his menȝe ane. And þarfore bot þou flit þe ferr, For his sake may þou far þe werr. Þou cals him god sun and nane els, It es nothing trew þat þou tels.

Back to content
51—52) fehlen.

Back to content
Þan st. Saint. James.

Back to content
55—58: And proued him bi reson and skill, And toke ay haly writ þartill, And resons of þe prophet saw, And als aleged by þaire law.

Back to content
god sun verray.

Back to content
might noght say nay.

Back to content
61—2) And so ouercome he with clergy Him and all his compani.

Back to content
confused. plain.

Back to content
he turnep ogain.

Back to content
And tald vnto him alb.

Back to content
farisews.

Back to content
68 ff. fol. 249.

Back to content
on.

Back to content
Crist fehlt.

Back to content
On none wise may þou ouercom.

Back to content
man st. apostell.

Back to content
ware st. whore.

Back to content
sere fehlt.

Back to content
And blind.

Back to content
79—80) Of meselry he makes men clene And raises men fra ded bidene.

Back to content
Al. knawes.

Back to content
ful fehlt. aleges he in oure laws.

Back to content
And proues wele by.

Back to content
es.

Back to content
And oþer Crist þat þare es nane.

Back to content
Jhewes. slane.

Back to content
fro ded fehlt. vnto. gan wend.

Back to content
ende.

Back to content
availe.

Back to content
trow st. do. kounsayle.

Back to content
Gowe till. þare.

Back to content
And lat vs ask him f.

Back to content
And sir if þou for þis.

Back to content
Þat all þi craft of fendes grim.

Back to content
help þe vnto him.

Back to content
97—8) feh|len.

Back to content
Till.

Back to content
desciple.

Back to content
Als a lyon for wode he ferd.

Back to content
And vnto Philete sone.

Back to content
aby.

Back to content
bald.

Back to content
tald.

Back to content
109—10) His men þan cald he at þe last And gert þam bind his steward fast.

Back to content
bath.

Back to content
And at his bac þai band his handes.

Back to content
Þat he might nowþer stir.

Back to content
James. now fehlt.

Back to content
Of.

Back to content
117) ff. 2. Col. die Versenden sind oft nicht leserlich.

Back to content
had st. cald.

Back to content
A sun.

Back to content
And þat sun vnto James . .

Back to content
And sone when þat þe childe com . .

Back to content
And tald to James of Philete (fare?).

Back to content
125—6 fehlen.

Back to content
He wist ful wele þan how it went

Back to content
And socore sone.

Back to content
He sall be.

Back to content
sodari. to him fehlt. þan takes he.

Back to content
sais.

Back to content
Towch.

Back to content
wordes.

Back to content
leses.

Back to content
And st. god.

Back to content
Þan þe child to (!) þe sudary,

Back to content
And went to þe steward in hy.

Back to content
139—40) fehlen.

Back to content
And sone when he it on him cast,

Back to content
Al his bandes in sunder brast.

Back to content
for|soke he.

Back to content
And vnto James.

Back to content
And weried fast þa . . .

Back to content
And als al þa . . Die folg. 8 Verse sind ganz zerstört.

Back to content
And asked him what . .

Back to content
Þai sayd we er . .

Back to content
Whare so þou w . .

Back to content
frendes fehlt.

Back to content
And left.

Back to content
now fehlt. despises

Back to content
And till anoþer he has him . .

Back to content
Ane of his men þat s . .

Back to content
James he says þe lurd(an) . .

Back to content
Þarfore I pray ȝow . .

Back to content
And fehlt. Whare. he st. þai.

Back to content
And bring.

Back to content
Hier beginnt die Rückseite, deren erste Col. fast ganz zerstört ist. Die 2. Col. (215 ff.) ist deutlich. —

Während in Ms. Tib. die Hand dieselbe bleibt, tritt in Ms. Harl. mit fol. 165 eine andere Hand ein, welche den Rest der Sammlung geschrieben hat. Von hier ab stimmt Harl. buchstäblich mit Tib. überein, manche Fehler abge|rechnet, die der Schreiber hineingebracht hat. Auch in sprachlicher Beziehung verschwinden die Unterschiede der Texte; Harl. schreibt jetzt meist þa, þare, whare, fra, bath u. a. mit a, gan st. gun, slike, in den Endungen öfter e, (ed, es, er, en.) Eigenthümlich ist jedoch in graphischer Beziehung die Schreibung z st. ȝ, u st. v; häufig ist w st. wh und wh st. w; þ und y (beide sind gleich) haben ein der Abbrev. für er ähnliches Häkchen.

Back to content
(Hier beginnt andere Hand.)

Back to content
H serstaine.

Back to content
þa fehlt.

Back to content
H heyn oder heþ(i)n?

Back to content
T will.

Back to content
H bilund.

Back to content
h in with überschr.

Back to content
T lout, H lout in loud corr.

Back to content
H wat, T what.

Back to content
warne = ne war it.

Back to content
T harled H herled. H hudose.

Back to content
T cumand.

Back to content
T touches.

Back to content
T ende.

Back to content
T James.

Back to content
T þou.

Back to content
T terant, H terrant.

Back to content
in H ist d in bind v. a. Hand klein überschr.

Back to content
T will.

Back to content
T wele, H we.

Back to content
T when.

Back to content
T saltou.

Back to content
Tappostell.

Back to content
T al.

Back to content
T gert.

Back to content
H it st. if.

Back to content
d in answerd kl. überschr.

Back to content
H bifining.

Back to content
H was, T whas.

Back to content
H saved aus sawed corr., T saued. H þai, T þi.

Back to content
H appon, T opon.

Back to content
T cumpani.

Back to content
in fehlt T.

Back to content
H anely, e aus d corr., T anly.

Back to content

Altenglische legenden.

About this Item

Pages

19. De sancto Jacobo apostolo maiore historia.

description Page 97

description Page 98

description Page 99

description Page 100

description Page 101

description Page 102

Notes

Page 97

Page 98

Page 99

Page 100

Page 101

Page 102