A relation of the true funerals of the Great Lord Marquesse of Montrose His Majesties Lord High Commissioner, and Captain General of the forces in Scotland: with that of the renowned knight Sir William Hay of Delgity.

Immortali verae Nobilitatis, inaequandae Magnanimitatis, incontuminati Ho∣noris, & intemeratae Fidelitatis, Magni Grami memoriae Sacrum.

SI quis hic jacet quaeris viator, Magnus hic est ille Montis rosa∣rum Marchio, generost Genii suae famillae generosus haeres; qui virescentibus adhuc (licet annosis) Majorum suorum pal∣mis, tot victrices contexuit laures, ut si omnes Illi huic Ʋni an Ʋnus hic Illis omnibus plus gloriae contulerit scire sit nefas. Hic est Nobilis Ille Montis rosarum Marchio; qui si profapin an virtute illustrior, consilio an dexterâ promptior, aulae an castris Charior, principibus suis an exteris gratior, perduellionis malleus durior, an monarchiae assertor acrior fama an fortunâ clarior, in vitâ denique insignior, an in morte constantior exstiterit dictu difficile: Hic est,

Viator, Magnus Ille Dux, ducum sui saeculi facilè princeps: Dux, qui cum paeditum manipulo (ne dicam excercitulo) penè inermi, vectus & amictus inopè, causae aequitati, ducis magnanimitati, & gladiis confiso suis, ingentes hostium acies Armatas duodecim men∣sium (plus minus) spatio septies Vidit, Vicit, Delevit. Majora haec Caesaris Oculatâ victoriâ. Sed proh instabilem lubrici fati ro∣tam! Qui arma, castra, oppida, turres, propugnacula, qui frigus, famem, sitim, inaccessa montium juga, immo omnia superate con∣sueverat tandem maligno fortunae errore victus, nequissimè hostibus traditus, quid non passus! Protomartyris regis sui martyr pedisse∣quus, plus quam barbaro inimicorum furori (nisi tam generoso san∣guine implacabili) & effraenae praeligiatorum Druidum insolentiae victima oblatus, inviciam malis exspiravit animam. Sic concidit Nobile illud diadematis fulcrum, sic occidit Resplendens ille Cale∣doniae Phosphorus, sic occubuit Magnus ille Martis Alumnus, & cum illo mascula quaeque superfaetantis Virtutis soboles, per obste∣trices indigenas, ipsis Aegiptiis crudeliores trucidata. Post unde∣cennium ossa effodi, membra recolligi, & per proceres & regni Co∣mitia à Caenobio regio S. Crucis per Metropolim summo cum splen∣dore ad Aedes D. Aegidio sacris comitata, impensis suis regiis sub hoc Monumento magnifico cum Avo suo Nobili quondam Scotiae prorege sepeliri mandavit Augustissimus Regum CAROLƲs II. imperio suo divinitus restitutus. Vale Viator, & quisquis es, im∣mensam serenissimi Principis erga suos pietatem, & Posthumum hunc Magni Grami pristinae suae gloriae redivivi Cole Triumphum.

J. E. Miles Philo-Gramus Po.