Qui habitat. Psal. xci.
Dyma sicrhâd o ddedwyddwch y dyn a fo yn rhoi ei hyder ar Dduw rhag pob profedigaeth. Addewid Duw i'r rhai a'i hofnant ac a'i carant ef, o ddiogelrwydd, a gogoniant tragwyddol.
Y Sawl a drigo, doed yn nes,
yn lloches y Goruchaf,
Ef a ymerys i gael bod
ynghysgod hwn sydd bennaf.
[verse 2] Fy holl ymddiffyn wyd a'm llwydd,
wrth fy Arglwydd y dwedaf,
A'm holl ymddiried tra fwy fyw
sydd yn fy Nuw Goruchaf.
[verse 3] Cans ef a weryd yr oes dau,
oddiwrth faglau yr heliwr,
A hefyd oddiwrth bla, a haint,
echrysaint, ac anghyflwr.
[verse 4] Ei esgyll drosod ef a rydd,
dan ei adenydd byddi
Yn ddiogel: a'i wiredd gred
fydd gylch a bwccled itti.
[verse 5] Ni ddychryni er twrf y nos,
na'r dydd o achos hedsaeth,
[verse 6] Er haint, neu blâ mewn tywyll fydd,
neu hanner dydd marwolaeth.
[verse 7] Wrth dy ystlys y cwympa mil,
a dengmil o'th law ddeau:
Ac ni ddaw drwg yn dy gyfyl,
a thi a'i gwyl yn ddiau.
[verse 8] A'th lygaid y gweli didâl
i'r enwir gwammal anian.
[verse 9] Sef fy holl obaith wyd (o Dduw)
ac vchel yw dy drigfan.
[verse 10] Ni ddigwydd niwed yt', ond da,
na phla, na dim' echryslon,
I'th Eglwys a'th gynlleidfa nawdd,
[verse 11] cans archawdd iw Angylion,
I'th ffyrdd dy gadw, a'th gynllwyn,
a'th ddwyn â'i dwylaw hardd-deg,
[verse 12] Rhag digwydd yt ddrwg (hyd yn oed)
taro dy droed wrth garreg.
[verse 13] Dy sangfa fydd ar y llew dig,
a'r asp wenwynig sethri:
Ar greulon genau'r llew o'r graig,
ac ar y ddraig y sengi.
[verse 14] Mi a'i gwaredaf ef rhag brâd,
am roi ei gariad arnaf,
Am adnabod fy enw mau,
yn ddiau y derchafaf.
[verse 15] Geilw arnaf, mi' ai gwrandawaf,
mewn ing y byddaf barod,
Gwaredaf hefyd rhag ei gâs,
a chaiff drwy vrddas fowrglod.
[verse 16] Fo gaiff fyw yn ddigon o hyd,
caiff yn y byd hir ddyddiau.
Dangosaf iddo radlawn faeth,
a'm iechydwriaeth innau.