Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Attendite populi. Psal. lxxviij.

Dangos ddarfod i Dduw ddethol ei egl∣wys o hâd Abraham annog y plant i gyd∣nabod trugaredd Dduw, ac i gywilyddio dros amlddrygau eu tadau; dangos gwei∣thredoedd Duw.

FY mhobl i gyd gwrandewch fy neddf, a boed fy ngreddf i'ch calon, Clust ymostyngwch a'm genau, i ystyr geiriau ffyddlon. [verse 2] Mewn diharebion, i barhau, fy ngenau a eg oraf: A hen ddamhegion oedd ar hyd y cynfyd a ddangosaf.

[verse 3] Y rhai a glywsom gynt eu bod, ac ym yn gwybod hefyd, Ac a fynegodd yn ddiau, ein tadau er y cynfyd. [verse 4] Heb gel mynegwn ninnau'n ffraeth, hyn iw hiliogaeth hwythau: Camnolwn Dduw i'r oes a ddel, ei nerth a'i vchel wrthiau.

[verse 5] Felly gorchmynnodd ef fod cof, yn Iagof: ac i'r hynaf Yn Israel ddysgu iw blant, ogoniant y Goruchaf. [verse 6] Fel y gwypid o oes i oes, y rhoes ef ei dystiolaeth: O Dâd i fâd, o fâb i wyr, i gadw llwyr wybodaeth.

[verse 7] Gobeithio 'n Nuw, cofio ei waith, y sydd mal rhaith eneidiol: I gael cadw ei orchymmyn, rhoes Duw'r wers hyn yn rheidiol, [verse 8] Rhag ofn mynd o'r genhedlaeth hyn yn gyndyn ac anufydd: A chalon wan, ac yspryd gwael. heb afael gyda 'i llywydd.

[verse 9] Eu tadau, fel plant Ephraim, yn arfog lym er saethu, Troesant eu cefnau yn y gâd, ymroi a dadynylu. [verse 10] Cyfammod Duw a wrthodent, ni rodient yn ei Gyfraith, [verse 11] Anghofio'i wyrth a welsent gynt, a'i ddeddfau oeddynt berffaith.

[verse 12] Yn nhir yr Aipht: ym maes Zoan, gwnaeth Duw gyflafan fwyfwy. [verse 13] Rhoi dwfr y mor yn ddau dwrr crych, a'r llawr yn sych i drammwy. [verse 14] Y dydd mewn niwl y nos a thân, tywysai'n lân ei bobloedd: [verse 15] Holldi'r ereigiau a'i troi'n llynniau, a llenwi ei lu a dyfroedd.

[verse 16] Er tynnu dwfr o'r garreg lâs, er llithro'n loyw frâs ffrydau: [verse 17] Yn yr anialwch digient Dduw, chwanegent amryw feiau. [verse 18] Yn y diffaethwch profent Dduw, oes fwyd i fyw? meddylient: [verse 19] A all Duw gael i'n ymma fwyd, mewn cyfryw lochwyd? dwedent.

[verse 20] Er taro'r graig a rhedeg dwr, yn ffrydau, cyflwr d••ball: A eill efe roi i'n fara'a chig, in cadw yn ddiddig ddiwall? [verse 21] Pan glybu Duw yr ar••ith hon, fel tân yn wreichion nynnodd, Yn Iago ac yn Israel, gan lid yn vchel digiodd.

[verse 22] A'i ddig oedd am na chredent hwy i Dduw a'i fwyfwy fawredd,

Ac na welent pa iechyd oedd yn ei weithredoedd rhyfedd. [verse 23] Gorchymmyn wybren, a'i gwarhau, egoryd drysau'r nefoedd: [verse 24] A Manna'n fwyd, fel gwenith nef, a lawiodd ef iw luoedd.

[verse 25] Rhoi i ddyn gael rhyw luniaeth da, sef bara yr Angylion: [verse 26] Gyrru rhyd wybren ddwyrain-wynt, gydâ'r deheu wynt nerthlon. [verse 27] Fel y llwch y rhoes gig iw hel, ac adar fel y tywod: [verse 28] Ynghylch eu gwersyll a'i trigfydd, y glawiai beunydd gawod.

[verse 29] Bwyta digon o wledd ddiwael, a chael eu bwyd dymunol: [verse 30] Ac heb ommedd dim ar eu blys, nac mo'i hewyllys cnawdol. [verse 31] A'i tameidiau hwy iw safnau, (ys ofnwn y Goruchaf:) Yn Israel lladdodd iw ddig wyr etholedig brasaf.

[verse 32] Er hyn pechent, ac ni chredent, iw iach radau rhyfedd: [verse 33] Treuliodd Duw eu hoes hwy am hyn, mewn dychryn ac oferedd. [verse 34] Tra fyddai Duw yn eu lladd hwy, os ceisient dramwy atto: Os doent drwy hiraeth at ei râs, yn forau glâs iw geisio.

[verse 35] Os cofient fod Duw iw holl hynt, graig iddynt a gwaredydd: [verse 36] (Er ceisio siommi D••w'n y daith, â'i gweiniaith, ac â'i celwydd: [verse 37] Er nad oedd eu calon yn iawn, na ffyddlawn iw gyfammod:) [verse 38] Er hyn trugarhaei Duw a'r nef, a'i nodded ef oedd barod.

Rhag eu difa, o'i lid y troes, ac ni chyffroes iw hartaith: [verse 39] Cofiedd ddyn, os marw a wnai, nas gallai ddycl wyl eilwaith. [verse 40] Pa sawl gwaith y cyffroesant hwy, wrth fyned trwy'r anialwch? Gan ddigio Duw a'ilwyr dristhau, ynghreigiau y diffeithwch.

[verse 41] Troesant, profasant Dduw â'i chwant, gan demptio Sanct yr Israel: [verse 42] Anghofio eu cadw hwynt fal hyn, rhag cael o'i casddyn afael. [verse 43] Rhoesai'n yr Aipht arwydd o'i râs, a'i wyrth yn ninas Zoan: [verse 44] Y modd y troes eu dwfr yn waed, ni chaed dim glan-ddwfr allan.

[verse 45] Rhoes Duw yngwlâd yr Aipht iw plau, waed, gwybed, llau, allyffaint: [verse 46] Lindys, locust, i ddifa'i ffrwyth, a chenllysg lwyth, a mallhaint. [verse 47] Distrywiodd Duw eu hyd, gwellt, [verse 48] Eu coedydd, a'i han'feiliaid: (gwydd) A chenllysg cessair, mellt a roes, bu wrth eu heinioes danbaid.

[verse 49] Rhoes arnynt bwys ei lid, a'i fâr, ac ing anghreugar digllon: Ffrwyth ei lidiowgrwydd ef, a'iwg, anfonodd ddrwg angylion. [verse 50] Rhyw ffordd a hon iw lid a droes, heb ludd iw heinioes angau, Ond dwyn eu bywyd hwy drwy haint, yn ei ddigofaint yntau.

[verse 51] Yna y tarawodd vn Duw Naf y plant cyntaf-anedig:

Yn nhir yr Aipht, a phebyll Cam, sef am ei tod yn llawnddig. [verse 52] Ond (gan droi at ei bobl yn hawdd,) foi twysawdd drwy'r anialfan, Fel arwain defaid, lwybrau pell, yn wael ddiadell fechan.

[verse 53] Arweiniodd hwyntwy yn ddiofn, drwy'r mor (ffordd ddofn) heb wlychu, A'i holl elynion heb fwy stor, fe wnaeth i'r mor eu llyngeu. [verse 54] Rhoes hwy i etifeddu'n rhydd, ym mynydd ei sancteiddrwydd: Yr hwn a ddarfu ei warhau, â llaw ddeau yr Arglwydd.

[verse 55] Rhoes ef y wlad i ddwyn pob ffrwyth rhoes i bob llwyth ei gyfran O Israel, ac yn eu plaid, rhoi'r hen drigoliaid allan. [verse 56] Er hyn temptient, a digient Dduw, hwn vnic yw sancteiddiol: Ac ni fynnent mo'r vfyddhau, iw dystiolaethau nefol.

[verse 57] Ond mynd ar gil, ac ymlaccau, fel eu holl dadau twyll-naws: Megis bwa a fai mewn câd, ac yntho dafliad gwyrdraws. [verse 58] Hwyntwy yn fynych a'i cyffroent, mewn camwedd troent oddiwrtho At wylfa nos, a delw o bren, fal hyn y digien efo.

[verse 59] Ond y Gorucha'n gweled hyn, a ddigiodd wrthyn hwythau: Felly dirmygodd Israel, a gadel ei ammodau. [verse 60] Yna'r ymadawodd efo, â chysegr Shilo dirion: Ei bebyll a'i brif ysgol ddysg, lle' buasai' mysg ei ddynion.

[verse 61] Ei nerth a roes i garchar caeth, dan elyn daeth eu mowredd: [verse 62] Ei bobl ei hun i'r cleddau llym', (fal dyna rym' ei 'ddigedd:) [verse 63] Ei wyr ieuainc fo'i rhoes i'r tân, gweryfon glân rhoes heibio: [verse 64] Ei offeiriaid i'r cleddyf glâs, a'i weddw ni chafas wylo.

[verse 65] Yr Arglwydd gwedi hyn deffroe, fal vn a ddoe o gysgu: Neu fal gwr cadarn wedi gwin, yn erwin iw dychrynu. [verse 66] Taflodd y gelyn yn ei ol, rhoes mewn tragwyddol wradwydd, [verse 67] Rhoes wyrion Ioseph dan vn pwyth, ac Ephraim lwyth i dramgwydd.

[verse 68] Gwedi cwlio y rhai'n i gyd, fo roes ei fryd ar Iuda: Ar fynydd Seion (ei dretâd) o gariad iw breswylfa, [verse 69] Yna yr adeiladodd ef adei lad grefa howddgar, Yn gysegr-lys byth i barhau, fel hen seiliadau'r ddaiar.

[verse 70] Etholodd ef Ddafydd ei was, yr hwn oedd ddisas sugai: Ac a'i dug ef i maes yn lân, o'i gorlan a'i ddefeid-gail. [verse 71] O borthi defaid mammau wyn, iw ddwyn i borthi dynion: Iagof, ac Israel, a'i plant. dyna ei feddiant ffyddlon.

[verse 72] Yntau a'i porthodd hwynt yn ol ei berffaith reiol galon:

Ac a'i trinodd hwy yn brydferth, o nerth ei ddwylaw cyfion.