[verse 5] Ti Dduw y llu: Duw Israel,
o deffro gwel enwiredd,
I'r cenhedloedd na âd di'n rhâd,
lle y gwnant drwy frâd eu trawsedd.
[verse 6] Maent hwy yn arfer gydâ'r hwyr,
o'mdroi ar wyr o bobparth,
A thrwy y ddinas clywch eu swn,
vn wedd a'r cwn yn cyfarth.
[verse 7] Wele maent a thafodau rhydd,
awch cledd a fydd iw genau,
Pwy meddant hwy all glywed hyn?
ac a wna i'n herbyn ninnau.
[verse 8] Ond tydi fy Arglwydd a'm Duw,
a'i gwel, ai clyw, a'i gwatwar,
Am ben eu gwaith y chwerddi di
y cenhedlaethi twyllgar.
[verse 9] Ti a attebi ei nerth ef,
a'th law gref a'm hamddiffyn
[verse 10] Duw a'm rhagflaena innau chwip,
caf weled trip i'm gelyn.
[verse 11] Na lâdd hwynt rhag i'm pobloedd i
anghofi dy weithredoedd:
Gwasgar, gostwng hwy yn dy nerth
Duw darian prydferth lluoedd.
[verse 12] Am bechod eu tafodau hwy,
a'i geiriau, mwyfwy balchedd,
Telir iddynt ni ront air teg
ond celwydd, rheg, a choegedd.
[verse 13] Duw difa, difa hwynt i'th lid,
a byth na fid vn mwyach,
Gwybyddant mai Duw Iago sydd
drwy'r byd yn llywydd hyttrach.
[verse 14] Maent hwy yn arfer gyda'r hwyr
o'mdroi yn llwyr o bobparth,
A thrwy y ddinas clywch ei swn,
vn wedd a chwn yn cyfarth.
[verse 15] I gael ymborth crwydro a wnant,
ac oni chânt eu digon,
Nes cael byddant ar hyd y ons
yn aros dan ymryson.
[verse 16] Minnau a ganaf o'r nerth tau,
a'th nawdd yn forau molaf:
Nerth ym' a nawdd buost (o Ner)
pan fu gorthrymder arnaf.
[verse 17] I ti canaf, o Dduw fy nerth,
a'm hymadferth rymusol,
Sef tydi yw fy Nuw, fy Naf,
fy'nhwr, fy noddfa rasol.