Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Exaltabo te. Psal. 145.

Dafydd yn dangos daioni Duw yn llywodraethu pob creadur. Mawl i Dduw am ei gyfiownder, ai ras, ai serch i bob dyn a'i hofno, ac a'i caro.

MI a'th fawrygaf di, fy Nuw, cans tydi yw fy llywydd: Bendithio dy enw byth a wnaf, mi a'i molaf yn dragywydd. [verse 2] Dy enw a folaf fi bob dydd, a'th glod a fydd heb orphen. [verse 3] Yr Arglwydd sydd glodfawr heb wedd, a'i fowredd sydd heb ddiben.

[verse 4] Cenedl wrth genedl a ront fawl i'th ogoneddawl wrthiau; Gan danu dy nerth rhyd y byd, a dwedyd dy gynneddfau. [verse 5] Am dy ogonedd mawr, fy Naf, mynegaf, a'th gadernyd. [verse 6] Son am dy bethau ofnadwy, gwnant hwy a minnau hefyd.

[verse 7] Llwyr goffadwriaeth honot ti, a'th fawr ddaioni traethant; Ac o'th gyfiownder, fy Nuw Ion, a llafar don y canant: [verse 8] Sef graflawn yw ein Arglwydd ni, ac o dosturi rhyfedd: Hwyr ac anniben yw i ddig: llawn-frydig i drugaredd.

[verse 9] Da yw yr Arglwydd i bob dyn,

a'i nodded sy'n dycciannol: Ac ar ei holl weithredoedd ef daw nawdd o'r nef yn rasol. [verse 10] Dy holl weithredoedd di i'th lwydd, o Arglwydd a'th glodforant: Dy wyrth pan welo dy Sainct di, y rhei'ni a'th fendithiant:

[verse 11] Gan son am drugaredd a grâs dy dyrnas, a'i chadernyd: Fal dyna'r gerdd sydd yn parhau, yn eu genenau hyfryd. [verse 12] Fel y parent drwy hyfryd glod, gydnabod a'th dyrnassiad, A'th nerth ym mysg holl ddynol blant, a'th lawn ogoniant gwastad.

[verse 13] Brenhmiaeth dy dyrnas di fry, a bery yn wastadol, A'th lywodraeth o oed i oed, hon a roed yn dragwyddol. [verse 14] Yr Arglwydd cynnal ef yn llonn, y rhai sy 'mron eu cwympod. Ac ef a gyfyd bawb yn wir, ar a ostyngir isod.

[verse 15] Wele, mae llygaid yr holl fyd yn disgwyl wrthyd Arglwydd, Dithau a'i porthi hwynt i gyd, bawb yn ei bryd yn ebrwydd. [verse 16] A phan agorech di dy law, o honi daw diwall-faeth: D'ewylls da yw ymborth byw, a hynny yw eu llyniaeth.

[verse 17] Holl ffyrdd yr Arglwydd cyfion ynt, a'i wrthiau ydynt sanctaidd: [verse 18] Agos iawn i bawb ydyw fo, a eilw arno'n buraidd. [verse 19] Sef ar y gwyr a'i hofnant ef, fo glyw eu llef iw gwared, Fo rydd eu wyllys hwynt a'i harch, o'i wir-barch, Ion gogoned.

[verse 20] Pob dyn a garo'r Arglwydd nef, caiff gantho ef ei 'mddiffyn: A chan ddifetha rhydd oes ferr, i bob ysceler cyndyn. [verse 21] Fy enaid traethed fendith rhwydd, a mawl yr Arglwydd nefol: A phob cnawd rhoed iw enw, y Sanct, ogoniant yn dragwyddol.