Eripe Domine, Psal. 140.
Dafydd yn achwyn wrth Dduw rhag dichellion ei elynion: a chan ei sic∣crhau ei hun o gymorth Duw, mae efe yn annog y cyfion i foli Duw eu helpwr.
RHag y gwr drwg gwared fi (Ner,)
rhag gwr y trowsder efrydd,
[verse 2] Rhai sy'n bradychu yn ddirgel,
a chasglu rhyfel beunydd.
[verse 3] Fel colyn sarph yn llithrig wau,
yw eu tafodau llymion:
Gwenwyn yr Asp sydd yn parhau
dan eu gwefusau creulon.
[verse 4] Rhag y dyn drwg, rhag y gwr traws,
sy'n myfyr lliaws faglau,
Duw gwared fi, rhag gosod brâd,
ynghylch fy ngwastad lwybrau.
[verse 5] Y beilch cuddiasant fagl a rhwyd,
wrth hon gosodwyd tannau;
Ar draws fy ffyrdd i ddal fy'nrhoed,
ynghudd, y rhoed llinynnau.
[verse 6] Dwedais wrth f'Arglwydd fy Nuw wyd,
tyn fi o'i rhwyd a'i maglau:
O gwrando'n fuan f'Arglwydd nef,
ar brudd lef fy ngweddiau.
[verse 7] Fy Arglwydd yw fy nerth i gyd,
a'm coel a'm iechyd calon;
Ti a roist gudd tros fy mhen mau,
yn nydd yr arfau gloywon.
[verse 8] I'r dyn annuwiol, Duw, na âd
ddymuniad drwg ei'wllys;
Rhag ei wneuthur efo yn gry,
a'i fynd yn rhy drahâus.
[verse 9] A'i holl ddymuniad drwg i mi,
a'i rhegen weddi greulon,
Y rhai'n yn llwyr a ddont ymmhe••
y capten o'm caseion.
[verse 10] Syrthied arnynt y marwor tân,
ac felly llosgan ymaith,
Bwrier hwynt mewn cau ffosydd nant,
fel na chyfodant eilwaith.
[verse 11] Dyn llawn siarad fydd anwastad,
ni eistedd ef yn gryno:
A drwg a ymlid y gwr traws,
o hyn mae'n haws ei gwympo.
[verse 12] Da y gwn y rhydd yr Arglwydd dâi
i ddial cam y truan;
Ac yr iawn farna y dyn tlawd
sy'n byw ar gerdawd fechan.
[verse 13] Y rhai cyffawn drwy yr holl syd,
dy enw a gyd-foliannant,
A'r holl rai vnion, heb ofn neb,
o flaen dy wyneb trigant.