Y Beibl Cyssegr-lan. Sef yr Hen Destament, a'r Newydd..

PEN. XIX.

Anaturiol bechod y Gibeaid. 29 y modd y darniodd y Lefiad ei wraig, i beri i Israel dosturio wrth ei gam ef.

AC yn y dyddiau hynny, pan nad [oedd] frenin yn Israel: yr oedd rhyw Lefiad yn aros yn ystlysau mynydd Ephraim, ac efe a gymmerodd iddo ordderch-wraig o Bethle∣hem Iuda.

2 Ai ordderchwraig ef a butteiniodd gyd ag ef, ac a aeth ymmaith oddi wrtho ef i dŷ ei thâd i Bethlehem Iuda: ac yno y bu hi bedwar mîs o ddyddiau.

3 Yna ei gŵr hi a gyfododd, ac a aeth ar ei hôl i ddywedyd yn dêg wrthi hi, [ac] iw throi adref, ei langc hefyd [oedd] gyd ag ef, a chwpl o assynnod: a hi ai dûg ef i mewn i dŷ ei thad, pan welodd tad y llangces ef, yna efe a lawenychodd am gyfarfod ag ef.

4 Ai chwegrwn ef, tâd y llangces ai daliodd ef [yno], ac efe a dariodd gyd ag ef dri-diau: bwytasant hefyd, ac yfasant, a lleteuasant yno.

5 A'r pedwerydd dydd y cyfodasant yn fo∣rau, yntef a gyfododd i fyned ymmaith: a thad y llangces a ddywedodd wrth ei ddaw, nertha dy galon a thammed o fara, ac wedi hynny dôs ymmaith.

6 Felly hwynt a eisteddasant, ac a fwyta∣sant ill dau yng-hyd, ac a yfasant: a thâd y llang∣ces a ddywedodd wrth y gŵr, bydd fodlon at∣tolwg, ac aros dros nôs fel y llawenhao dy ga∣lon.

7 Ond y gŵr a gyfododd i fyned ymmaith: ai chwegrwn ef a fu daer arno: am hynny efe a drôdd, ac a leteuodd yno.

8 Ac efe a gyfododd yn forau y pummed dydd i fyned ymmaith, a thâd y llangces a ddy∣wedodd, cyssura dy galon attolwg, ac hwy a dri∣gasant nes gostwng y dydd: ac a fwytasant ill dau.

9 Yno y gŵr a gyfododd i fyned ymmaith efe ai ordderch, ai langc: ai chwegrwn tâd y llangces a ddywedodd wrtho ef, wele yn awr y dydd a laesodd i hwyrhau, arhoswch tros nôs at∣tolwg, wele yr haul yn machludo, trig ymma fel y llawenycho dy galon, a chodwch yn forau y foru i'ch taith, fel yr elech i'th babell.

10 A'r gŵr ni fynne aros, eithr cyfododd ac aeth ymmaith, a daeth hyd ar gyfer Iebus, hon [yw] Ierusalem: a chyd ag ef gwpl o a∣ssynuod llwythoc, ai ordderch-wraig gyd ag ef.

11 [Pan oeddynt] hwy wrth Iebus, yr o∣edd y dydd ar ddarfod, yna y llangc a ddywedodd wrth ei feisir, dos attolwg fel y trôm i ddinas y Iebusiaid, ac y lleteuom ynddi.

12 Ai feistr a ddywedodd wrtho ef, ni throiwn ni i ddinas estronol, yr hon nid [yw] o feibion Israel: eithr nyni a awn hyd Gibea.

13 Ac efe a ddywedodd wrth ei langc, tyret a nessawn i vn o'r lleoedd hynny, fel y lleteuom yn Gibea, neu Ramah.

14 Felly y cerddasant, ac yr aethant: a'r haul a fachludodd iddynt wrth Gibea yr hon [oedd] eiddo Beniamin.

15 Ac hwy a droasant yno i ddyfod i mewn i Leteû i Gibea: ac efe a ddaeth i mewn, ac a eisteddodd yn heol y ddinas, canys nid [o∣edd] neb ai cymmere hwynt [iw] dŷ i leteû.

16 Ac wele ŵr hên yn dyfod oi waith o'r maes yn hwyr, a'r gŵr [oedd] o fynydd Ephra∣im, ond ei fod ef yn ymdaith yn Gibea: a gwŷr y lle hwnnw [oeddynt] feibion Iemini.

17 Ac efe a dderchafodd ei lygaid, ac a gan∣fu y gŵr yr hwn oedd yn ymdaith yn heol y ddinas: yna y gŵr hên hwnnw a ddywedodd, i ba le yr ei di, ac o ba le y daeihost؛

18 Yntef a ddywedodd wrtho, trammwyo 'r ydym ni o Bethlehem Iuda i ystlysau mynydd Ephraim o'r lle i'm [heniw,] a mi a euthum

hyd Bethlehem Iuda: a myned yr ydwyf i dŷ yr Arglwydd ac nid [oes] neb a'm derbyn i dŷ,

19 Y mae [gynnym ni] wellt, ac ebran he∣fyd i'n hassynnod, a bara hefyd, a gwin i mi, ac i'th law-forwyn, ac i'r llangc [yr hwn sydd] gyd a'th weision: heb prinder o ddim oll.

20 A'r hen-wr hwnnw a ddywedodd, tang∣neddyf i ti [cei] gyd a mi beth bynnac sydd yn ddiffig arnat, yn vnic nac aros tros nos yn yr heol.

21 Felly efe ai dûg ef i mewn iw dŷ, ac a borthodd yr assynnod: ac hwy a olchasant eu traed, ac a fwyttawsant, ac a yfasant.

22 [Pan] oeddynt hwy yn llawenhau ei ca∣lon, yna wele wŷr y ddinas, gwŷr anwir a am∣gylchynasant y tŷ [ac] oeddynt yn curo wrth y drws: ac a ddywedasant ŵrth y gŵr, perchen y tŷ [sef] yr henwr hwnnw gan ddywedyd, dŵg allan y gŵr yr hwn a ddaeth i mewn i'th dŷ di fel yr adwaenom ef.

23 A'r gŵr [sef] perchen y tŷ a aeth allan, ac a ddywedodd wrthynt, peidiwch fy mrodyr, na wnewch niwed attolwg: wedi i'r gŵr hwn ddyfod i'm tŷ i, na wnewch yr scelerder hyn.

24 Wele fy merch yr hon [sydd] forwyn, ai odderch yntef, dygaf hwynt allan yn awr, a chystuddiwch hwynt, neu gwnewch iddynt yr hyn fyddo da yn eich golwg: ond i'r gŵr hwn na wnewch ddim o'r scelerder ymma.

25 Ond ni fynne 'r gwŷr wrando arno, am hynny y gŵr a ymaflodd yn ei ordderch, ac ai dug hi allan attynt hwy: ac hwi ai hadnabuant hi, ac a ymwnaethāt a hi 'r holl nos hyd y borau, a phan gyfododd y wawr hwynt ai gollynga∣sant hi ymmaith.

26 Yna 'r wraig a ddaeth pan ymddango∣sodd y borau: ac a syrthiodd wrth ddrws tŷ 'r gŵr yr hwn [yr oedd] ei harglwydd ynddo hyd oleuni [y dydd.]

27 Ai harglwydd a gyfododd yn forau, ac a agorodd ddrŷssau 'r tŷ, ac a aeth allan i fyned iw daith: ac wele ei ordderch-wraig ef yn gorwedd wrth ddrws y tŷ, ai llaw ar y trothwy.

28 Ac efe a ddywedodd wrthi, cyfot, fel yr elom ymmaith, ond nid oedd hi yn atteb: yna efe ai cymmerth hi ar yr assyn, a'r gŵr a gyfododd, ac a aeth ymmaith iw fangre ei hun.

29 Pan ddaeth iw dŷ, yna efe a gymmerth gyllell, ac a ymaflodd yn ei ordderch, ac ai dar∣niodd hi, ai hescyrn yn ddeuddec darn: ac at hanfonodd i holl derfynau Israel.

30 A phawb a'r a welodd [hynny] a ddywed∣odd ni wnaethpwyd, ac ni welpwyd y fath beth er y dydd y daeth meibion Israel o wlâd yr Aipht hyd y dydd hwn: ystyriwch ar hynny, ymgynghorwch, a threuthwch [eich meddwl.]

Notes

• Pen. 17.6. & 18.1.
• Gen. 25.6.
• Genes. 19.8.