Dialogve entre vn pere, et son fils M.DC.LVIII.

Autre Obseruation.

Le P.

CEux-cy aussi auoient re∣ceu quelque rayon de lu∣miere, qui les esclairoit parmy les ombres & figures de la Loy sous la∣quelle ils viuoient: Mais ce n'estoit pas l'esprit de Christ, c'estoit vn es∣prit de seruitude; comme S. Paul nous l'apprend au chap. 8. de l'Epistre aux Romains vers. 15. quand il dit aux fi∣deles d'entre les Iuifs, qui auoient embrassé la profession de l'Euangile, pour leur faire voir la difference qu'il y auoit entre leur condition presente & celle en laquelle ils estoient aupa∣rauant; Vous n'auez pas receu vn es∣prit de seruitude, pour estre derechef en crainte; Mais vous auez receu l'Es∣prit d'adoption, par lequel nous crions abba Pere. Or l'Apostre nom∣me ainsi l'esprit de la Loy; parce que comme la Loy estoit foible, elle ne pouuoit conferer à ceux qui viuoient

sous sa pedagogie la grace d'accom∣plir ses preceptes? & ainsi elle les te∣noit en crainte sous la rigueur de ses menaces; Au lieu que l'Esprit de Christ asseure les fideles, & les fait crier abba Pere. Continuez.

Le F.

Pour ce qui est des Prophetes que Dieu enuoyoit extraordinaire∣ment afin de reformer l'Eglise, & les conducteurs d'icelle, & corriger les abus & les vices que le Diable & les faux Docteurs y auoient introduits; Ie ne fais pas difficulté de dire qu'ils auoient aussi receu de grandes lumie∣res: puis que S. Pierre nous apprend en sa premiere chap. 1. vers. 11. qu'ils estoient conduits par l'Esprit Prophe∣tique de Christ qui estoit en eux: Et de vray, comment eussent-ils peu predire les choses à venir, & en par∣ler auec autant de certitude que si elles leur eussent esté presentes, sans la lumiere du S. Esprit? Et comment eussent-ils peu parler de l'excellence

de la personne du Seigneur, du temps de sa venuë en chair, de sa conception miraculeuse de la substance d'vne Vierge par l'operation du S. Esprit, de ses Souffrances, de sa Mort, de sa Sepulture auec le riche, de sa Resur∣rection, de son Ascension au Ciel, & des gloires qui deuoient s'en ensui∣ure, si celuy qui est l'autheur de tou∣tes ces merueilles ne les leur eust re∣uelées, & si Iesus Christ luy-mesme ne leur eust fait voir sa gloire: Car j'estime que ce qu'il dit du Prophete Esaye au chap. 12. de l'Euangile selon saint Iean vers. 41. qu'il auoit veu sa gloire quand il parla de ces choses, peut estre rapporté & adapté aux autres Prophetes qui ont parlé de luy. Et de fait nostre Seigneur Iesus Christ tesmoigne luy mesme au chap. 8. du mesme Euangile vers. 56. qu'A∣braham auoit veu sa journée, qu'il auoit tressailly de joye, & s'en estoit éjouy: tant y a que quelques-vns d'en∣tr'eux,

& particulierement Dauid & Esaye l'ont si bien veu & connu, qu'ils nous en ont laissé vn pourtrait au vif, & l'ont si bien representé qu il n'est pas difficile de le reconnoistre lors que nous le voyons naissant, viuant, mourant, ressuscitant & triomphant de ses ennemis & des nostres.

Neantmoins la lumiere qui a éclai∣ré ces Saints personnages a esté en quelque sorte semblable à celle d'vne chandelle qui nous éclaire en vn lieu obscur: Mais celle qui a éclairé les Apostres, & Euangelistes a esté belle, claire & éclatante, comme le Soleil en plein midy: parce que Iesus Christ luy-mesme le Soleil de Iustice s'est manifesté à eux, leur a fait con∣noistre l'excellence de sa personne, & leur a appris & fait voir, qu'il estoit la fin & l'accomplissement des Pro∣pheties, & de toutes les figures an∣tiennes, leur a reuelé les secrets de son Royaume & leur a donné fon S.

Esprit, qui les a toûjours accompa∣gnez & conduits pendant le cours de leur vie: Eux de leur part nous les ont enseignez de viue voix & par écrit. Ce qui estoit dés le commencement, ont ils dit, ce que nous auons ouy, ce que nous auons veu de nos propres yeux, ce que nos propres mains ont touché de la Parole de vie, nous le vous an∣nonçons; sçauoir, que Dieu est sour∣ce de vie & de lumiere, qu'en luy n'y a tenebres quelconques, que si nous cheminons en sa lumiere, nous auons communion auec luy, & le sang de son Fils Iesus Christ nous purifie de tout peché, 1. Iean chap. 1. que Iesus Christ est aussi vray Dieu & la vie eternelle, chap. 5. vers. 20. Et encore que Dieu est charité, & qu'il a ma∣nifesté sa charité enuers nous, en ce qu'il a enuoyé son Fils vnique au monde afin que nous viuions par luy, chap. 4. vers. 8. & 9. que le Fils de Dieu est venu asin qu'il defit les oeu∣ures

du Diable, & pour oster nos pechez, qu'à cet effect il a mis sa vie pour nous, chap. 3. vers. 5.8. &. 16. Et S. Paul ajouste en sa 2. à Tim. chap. 1. vers. 10. qu'il a mis en lumiere la vie & l'immortalité par l'Euangile. Et de∣rechef S. Iean en la mesme Epistre chap. 2. vers. 1. & 2. que Iesus Christ est nostre Aduocat, la propitiation pour nos pechez, lequel par conse∣quent plaide nostre cause, & de mau∣uaise qu'elle estoit, l'a renduë bonne, ce qui luy est bien facile, quis qu'il a payé pour nous: Et pour confir∣mer cette verité, l'Apostre ajoûte au chap. 5. vers. 11. & 12. que Dieu nous a donné la vie eternelle, que cette vie est en son Fils, que celuy qui a le Fils de Dieu a la vie, qui n'a point le Fils, n'a point la vie. Et pour d'au∣tant plus éclairer nostre esprit, & nous faire connoistre, si nous sommes en la vie, & si nous auons le Fils, il nous donne des marques par lesquelles

nous pouuons le juger, sçauoir la confiance, l'obeïssance, la charité & l'inuocation: Car aux quatre derniers versets du Chapitre 3. de la mesme Epistre, il parle en cette sorte. Bien aymez si nostre coeur ne nous con∣damne point nous auons asseurance enuers Dieu, & quoy que nous de∣mandions nous le receuons de luy: car nous gardons ses Commande∣mens, & faisons les choses qui luy sont agreables; Et c'est icy son com∣mandement que nous croyons en Ie∣sus Christ, & que nous nous aymions l'vn l'autre, comme il nous en a don∣né le commandement, & celuy qui garde ses commandemens demeure en Dieu, & Dieu en luy: Et par cecy connoissons nous que Dieu demeure en nous, à sçauoir par l'esprit qu'il nous a donné; De sorte que si nous croyons en Iesus Christ, si nous luy obeïssons, si nous aymons nos pro∣chains, si nous l'inuoquons en nos

necessitez nous pouuons cheminer en asseurance: Car celuy qui fait la vo∣lonté de Dieu, dit le mesme Apostre au chap. 2. de la mesme Epistre vers. 17. demeure eternellement: Et Iesus Christ mesme du Palais de sa gloire engraue & seelle cette doctrine en nos coeurs par son saint Esprit; Car c'est le saint Esprit qui rend témoi∣gnage auec nostre esprit que nous sommes enfans de Dieu, & qui nous fait crier abba Pere, Rom. 8. vers. 15. & 16.

Vous voyez donc, mon pere, que ces Saints personnages qui ont vescu sous la Loy de nature, & sous la Loy de Moyse, auoient receu des rayons de cette lumiere celeste, dont nous parlons; les vns plus, les autres moins, suiuant la dispensation & sage con∣duite de celuy qui gouuerne toutes choses à son plaisir; par lesquels ils ont veu, mais de loin l'accomplisse∣ment des promesses de Dieu, &

que par sa grace nous sommes plus auancez en la connoissance des my∣steres de nostre salut; puis que nous voyons des yeux de la foy, Iesus Christ mort pour nos pechez, ressu∣scité pour nostre justification, inter∣cedant pour nous, nous tendant les bras du Palais de sa gloire, & que par le merite de son Sacrifice nous allons auec asseurance au trône de Grace.

Le P.

Loüé soit Dieu qui nous a fait naistre sous la lumiere de l'Euangile. Me direz-vous, pourquoy est ce que Dieu a vsé de cette dispensation en∣uers son Eglise, qu'il l'a conduite au commencement par des figures & re∣presentations obscures, qui cou∣uroient le mystere de son salut; & nous, il nous conduit par Vrim & Tummim, lumieres & veritez.

L'Enfant répond que c'est à cause de son bas aage d'autant qu'elle n'estoit pas capable d'vn raisonnement solide: Mais lors qu'elle est venuē à vn aage parfait, il luy a reuelé le

secret de l'Euangile, & luy a donné son S. Esprit.

Le F.

Ie crois que c'est à cause de ses diuers âges; car l'Eglise (comme vn chacun de nous) a eu son enfance & son âge parfait: pendant son enfance Dieu a vsé enuers elle, à peu prés d'v∣ne pareille & semblable conduite, dont les hommes vsent enuers leurs enfans: Car tout ainsi que pendant leur enfance, les peres & les meres les nourrissent de lait, & begayent auec eux, à cause que leur foiblesse les rend incapables de viande fer∣me, & d'vn raisonnement solide: pen∣dant l'enfance de l'Eglise, Dieu a comme beguayé auec elle, luy a don∣né du lait à boire, l'a conduite par des choses temporelles & charnelles qui luy representoient, à la verité les biens celestes. Pour exemple la Ca∣naan terrestre luy representoit le Pa∣radis; l'Agneau Paschal & tous les autres sacrifices luy representoient

Iesus Christ, l'Agneau sans tâche & sans macule déja ordonné deuant la fondation du monde, les lauemens exterieurs, l'onction des Sacrifica∣teurs, le feu du Ciel, & le sel de l'Al∣liance, luy representoient les dons & les graces du S. Esprit. Mais lors qu'el∣le est paruenuë à vn âge parfait, Dieu a fait leuer sur elle le Soleil de justice qui a dissipé ces nuages, a mis en eui∣dence l'Euangile, qui auoit esté ca∣ché sous ces ombres & figures, a fait le grand & parfait sacrifice de son Corps sur la Croix, par la vertu & me∣rite duquel, il a racheté son Eglise de la mort eternelle, & luy a acquis & merité le Paradis, comme j'ay dit cy-deuant; luy a enseigné cette belle & excellente leçon, que Dieu est Esprit, & qu'il faut que ceux qui l'adorent, l'adorent en esprit & verité; & que par consequent elle luy doit presen∣ter des coeurs contrits & humiliez, des sacrifices de loüanges & d'actions de

graces, & apres son Ascension au Ciel, il luy a donné son saint Esprit pour la sanctifier, & pour la conduire aux voyes de Dieu.

Le P.

Cette dispensation du Pere des esprits est admirable, & nous auons grand sujet de luy rendre graces de ses dons inenarrables, & de le prier qu'il nous donne son saint Esprit, afin qu'il nous cōduise en toute bōne oeu∣ure, & c'est ce à quoy je vous exhorte.

Le F.

Ie le feray, mon pere, & dés maintenant je prie Dieu qu'il luy plai∣se me donner son saint Esprit suiuant sa promesse. Et toy diuin Consolateur vien demeurer auec moy, embrase mon coeur du feu de ton amour, & y engraue les promesses de grace.