Llyfr y Psalmau,: wedi eu cyfieithu, a'u cyfansoddi ar fefur cerdd, yn gymraeg. / Drwy waith Edmund Prys archdiacon Merionydd.

PSALM. LXXVIII.

FY mhobl i gŷd gwrandewch fy neddf, a boed fy ngreddf i'ch calon, Clust ymostyngwch a'm genau, i ystyr geiriau ffyddlon. [verse 2] Mewn diharebion, i barhâu, fy ngenau a egoraf: A hên ddamhegion oedd ar hŷd y cynfyd a ddangosaf.

[verse 3] Y rhai a glywsom gynt eu bôd, ac ŷm yn gwybod hefyd, Ac a fynegodd yn ddiau ein tadau er y cynfyd. [verse 4] Heb gêl mynegwn ninnau'n ffraeth, hyn iw hiliogaeth hwythau: Canmolwn Dduw i'r oes a ddêl, ei nerth a'i vchel wrthiau.

[verse 5] Felly gorchmynnodd ef fôd côf, yn Iagof: ac i'r hynaf Yn Israel ddysgu iw blant, ogoniant y Gorvchaf. [verse 6] Fel y gwypid ô oes i eos, y rhoes ef ei dystiolaeth: O Dâd i fâb, o fâb i ŵyr, i gadw llŵyr wybodaeth.

[verse 7] Gobeithio 'n Nuw, cofio ei waith, y sŷdd mal rhaith eneidiol: I gael cadw ei orchymmyn, rhoes Duw'r wers hyn yn rheidiol. [verse 8] Rhag ofn mynd o'r genhedlaeth hyn yn gyndyn ac anyfydd: A chalon wan ac yspryd gwael heb afael gyda 'i llywydd.

[verse 9] Eu tadau, fel plant Ephraim, yn arfog lym er saethu.

Troesant eu cefnau yn y gâd, ymroi a dadynylu. [verse 10] Cyfammod Duw a wrthodent. ni rodient yn ei Gyfraith, [verse 11] Anghofio'i wyrth a welsent gynt. a'i ddeddfau oeddynt berffaith.

[verse 12] Yn nhîr yr Aipht, ym maes Zoan, gwnaeth Duw gyflafan fwyfwy: [verse 13] Rhoi dwfr y môr yn ddau dwrr crŷch a'r llawr yn sŷch i drammwy. [verse 14] Y dŷdd mewn niwl, y nôs a thân, tywysai'n lân ei bobloe id: [verse 15] Holldi'r creigiau a'i troi'n llynniau, a llenwi ei lu a dyfroedd.

[verse 16] Er tynnu dwfr o'r garreg Iâs, er llithro'n loywlad-ffrydau: [verse 17] Yn yr anialwch digient Dduw, chwanegent amryw feiau. [verse 18] Yn y diffaethwch profent Dduw, oes fŵyd i fŷw? meddylient: [verse 19] A all Duw gael i'n ymma fŵyd mewn cyfryw lochwyd? dwedont.

[verse 20] Er taro'r graig a rhedeg dŵr yn ffrydau cyflwr diball: All ef roi i'n fara a chîg, i'n cadw yn ddiddig ddiwall? [verse 21] Pan glybu Duw yr araith hon, fel tân yn wreichion nynnodd, Yn lago ac yn Israel, gan lìd yn vchel digiodd.

[verse 22] A'i ddig oedd am na chredent hwy, i Dduw a'i fywiol fowredd, Ac na welent pa iechyd oedd yn ei weith edoedd rhyfedd. [verse 23] Gorchymmyn wybren, a'i gwarhâu, egoryd drysau'r nefoedd: [verse 24] A Manna 'n fŵyd, fel gwenith nêf, a lawiodd êfiw luoedd.

[verse 25] Rhoi i ddŷn gael rhŷw luniaeth dâ sêf bara yr Angylion: [verse 26] Gyrrurhyd wybron ddwyrain-wynt, gyda'r deheuwynt nerthlon. [verse 27] Fel y llŵch y rhoes gîg iw hel, ac adar fel y tywod: [verse 28] Ynghylch eu gwersyll a'i trigfŷdd, y glawiai beunydd gawod.

[verse 29] Bwyta digon o wlêdd ddiwael, a chael eu bwyd dymunol: [verse 30] Ac heb ommedd dym ar eu blŷs, nac mo'•• hewyllys cnawdol. [verse 31] A'i tameidiau hwy iw safnau, (••s ofnwn y Goruchaf:) Yn ••srael lladdodd iw ddig wyr etholedig brasaf.

[verse 32] Er hyn pechent, ac ni chredent, iw iâch radau rhyfedd: [verse 33] Treuliodd Duw eu hoes hwy am hyn, mewn dychryn ac oferedd. [verse 34] Tra fyddai Duw yn eu llâdd hwy, os ceisient dramwy atto: Os doent drwy hiraeth at ei râs, yn forau glâs iw geisio.

[verse 35] Os cofient fôd Duw iw holl hynt, graig iddynt a gwaredydd: [verse 36] (Er ceisio siommi Duw 'n y daith, â'u gweiniaith. ac â'u celwydd: [verse 37] Er nad oedd eu calon yn iawn, na ffyddlawn iw gyfammod:) [verse 38] Er hyn trugarhaei Duw o'r nêf, a'i nodded ef oedd barod.

Rhag eu difa, o'i lîd y troes, ac ni chyffroes iw hartaith: [verse 39] Cofiodd ddŷn, os marw a wnai, nâs gallai ddychwel eilwaith. [verse 40] Pa sawl gwaith y cyffroesant hwy wrth fyned trwy'r anialwch? Gan ddigio Duw a'i lwyr dristhâu, ynghreigiau y diffeithwch.

[verse 41] Troesant, profasant Dduw â'u chwant, gan demptio Sanct yr Israel? [verse 42] Anghofio eu cadw hwynt fal hyn, rhag cael o'i casddŷn afael. [verse 43] Rhoesai'n yr Aipht arwydd o'i râs, a'i wyrth yn ninas Zoan. [verse 44] Y môdd y troes eu dwfr yn waed, ni chaed dim glan-ddwfr allan.

[verse 45] Rhoes Duw yngwlâd y r Aipht iw plau, waed, gwybed, llau, a llyffaint: [verse 46] Lindys, locust, i ddifa'u ffrwyth, a chenllysg lwyth, a mall-haint. [verse 47] Distrywiodd Dûw eu hŷd, gwellt, gwŷdd [verse 48] Eu coedydd, a'i han'feiliaid: A chenllysg cossair, mêllt a roes, bu wrth eu heinioes danbaid.

[verse 49] Rhoes arnynt bŵys ei lîd, a'i fâr, ac ing anghreugar digllon: Ffrwyth ei lidiowgrwydd ef, a'i ŵg, anfonodd ddrŵg angylion. [verse 50] Rhŷw ffordd a hon iw lîd a droes heb ludd iw heinioes angau, Ond dwyn eu bywyd hwy drwy haint, yn ei ddigofaint yntau.

[verse 51] Yna tarawodd vn Duw Nâf y plant cyntaf anedig: Yn nhîr yr Aipht, a phebyll Cam, sef am ei fôd yn llawnddig. [verse 52] Ond (gan droi at ei bobl yn hawdd,) foi twysawdd drwy'r anialfan,

Fel arwain defaid, lwybrau pell, yn wael ddiadell fechan.

[verse 53] Arweiniodd hwyntwy yn ddiofn, drwy'r môr (ffordd ddofu) heb wlychu, A'i holl elynion heb fwy stôr, fe wnaeth i'r môr eu llyngcu. [verse 54] Rhoes hwy i etifeddu'n rhŷdd, ym mynydd ei sancteiddrwydd: Yr hwn a ddarfu ei warhâu, â llaw ddeau yr Arglwydd.

[verse 55] Rhoes êf y wlâd i ddwyn pôb ffrwyth rhoes i bôb llwyth ei gyfran O Israel, ac yn eu Plaid, rhoi'r hên drigoliaid allan. [verse 56] Er hyn temptient, a digient Dduw hwn vnig yw sancteiddiol: Ac ni fynnent mo'r vfyddhâu, iw dystiolaethau nefol.

[verse 57] Ond mynd ar gîl ac ymlaccâu, fal eu holl dadau twyll-naws: Megis bwa a fai mewn câd, ac yntho dafliad gŵyrdraws, [verse 58] Hwyntwy yn fynych a'i cyffroent, mewn camwedd troent oddiwrtho At ŵylfa nôs, a delw o bren, fal hyn y digien êfo.

[verse 59] Ond y Gorucha'n gweled hyn, a ddigiodd wrthyn hwythau: Felly dirmygodd Israel, a gadel ei ammodau. [verse 60] Yna'r ymadawodd efo, â chysegr Shilo dirion: Ei bebyll a'i brif ysgol ddŷsg, lle'buasai' mŷsg ei ddynion.

[verse 61] Ei nerth a roes i garchar caeth, dan elyn daeth eu mowredd: [verse 62] Ei bobl eî hûn i'r cleddau llym, (fal dyna rym ei 'ddigedd: [verse 63] Ei wŷr ieuaingc fo'i rhoes i'r tân, gweryfon glân rhoes heibio: [verse 64] Ei offeiriaid i'r cleddyf glâs, a'r weddw ni chafas ŵylo.

[verse 65] Yr Arglwydd gwedi hyn deffroe, fal vn a ddoe o gysgu: Neu fal gŵr cadarn wedi gwîn, yn erwin yw dychrynu. [verse 66] Taflodd y gelyn yn ei ôl, rhoes mewn tragwyddol wradwydd. [verse 67] Rhoes ŵyrion Ioseph dan vn pwyth ac Ephraim lwyth i dramgwydd.

[verse 68] Gwedi cwlio y rhai'n i gŷd, fo roes ei frŷd ar Iuda: Ar fynydd Sion (ei dretâd) o gariad iw breswylfa. [verse 69] Yna yr ad••iladodd êf: adeilad grêf a howddgar, Yn gysegr lŷs bŷch i barnâu, fel hên seiliadau 'r ddaiar.

[verse 70] Etholodd ef Ddafydd eî wâs, yr hwn oedd ddisas fugail: Ac a'i dug êf ir maes yn lân, o'i gorlan a'i ddefeid-gail: [verse 71] O borthi defaid mammau ŵyn, iw ddwyn i borthi dynion: Iagof, ac Israel, a'i plant, dyna ei feddiant ffyddlon.

[verse 72] Yntau a'i porthodd hwynt yn ôl ei berffaith reiol galon: Ac a'i trinodd hwy yn brydferth, O nerth ei ddwylaw cyfion.