Llyfr y Psalmau,: wedi eu cyfieithu, a'u cyfansoddi ar fefur cerdd, yn gymraeg. / Drwy waith Edmund Prys archdiacon Merionydd.

PSALM. LXV.

ITi (O Dduw) y gweddai mawl yn y sancteiddiawl Sion, [verse 1] ti y telir drwy holl grêd, bôb gwîr adduned calon. [verse 2] Pawb sŷdd yn pwyso attad ti, a wrendy weddi dostur, Ac attad ti y daw pôb cnawd, er mwyn gollyngdawd llafur.

[verse 3] Pethau trowsion, a geiriau mawr, myfi i'r llawr bwriasant, Ond tydi Dduw rhoi am gamwedd drugaredd a maddeuant. [verse 4] Dy etholedig dedwydd yw, caiff nesnes fyw i'th babell, Trîg i'th gynteddau, ac i'th lŷs, a'th sanctaidd weddus gangell.

[verse 5] Duw'n ceidwad attebi i ni o'th ofni i'th gyfiownedd, Hôll obaith ŵyd drwy'r ddaiar hon, a'r môr cynhyrfdon rhyfedd. [verse 6] Hwn a fiecrhâ bôb vchel fryn â'i wregys yn gadernyd, [verse 7] Hwn a ostega'r môr, a'r don, a rhuad eigion enbyd.

[verse 8] A holl bresŵylwyr eithaf bŷd sy'n ofni' gŷd d'arwyddion, Iti gan forau, a chan hŵyr, y canant laswyr ffyddion. [verse 9] Dyfrhâu y ddaiar sêch yr ŵyd, afon Duw llanwyd drosti, Darperaist lifddyfr rhyd ei l'awr iw thramawr gyfoethogi.

[verse 10] Pôb rhŷch yr wyd yn ei ddyfrhâu. a'i chwysau'r wyd iw gostwng: A'i rhoi ym mwyd mewn cafod wlîth, iw chnŵd rhoi fendith deilwng. [verse 11] Coroni 'r ydwyd ti fal hyn y flwyddyn a'th ddaioni, Y ffordd hyn a'r môdd (Duw fy nêr) diferaist frasder arni.

[verse 12] Ef a ddifera ffrwyth dy serch ar bôb rhyw lannerch ddyrys, Pôb mynydd sŷch yn vchder gwlâd o ffrwyth dy râd y dengys. [verse 13] Drwy dy fendith y gwastad dir a guddir ôll â defaid, Crechwennant, canant bawb ynghŷd, a'r wlâd ag ŷd ei llonaid.