Llyfr y Psalmau,: wedi eu cyfieithu, a'u cyfansoddi ar fefur cerdd, yn gymraeg. / Drwy waith Edmund Prys archdiacon Merionydd.

PSAL, L.

DVw y duwiau, yr Arglwydd cû, gan lefaru â alwodd, O godiad haul hyd fachlud hwn, yr hollfyd crwn cyffrôodd. [verse 2] O fryn Sion y daeth Duw nâf, hon sydd berffeithiaf ddinas, Mewn tegwch a goleuni mawr, a llewyrch gwawr o'i gwmpas.

[verse 3] Doed rhagddo'n Duw, na fid fel mud, o'i flaen fflam danllud yssed, A mawr dymestloedd iw gylch êf, pan ddêl o nêf i wared. [verse 4] Geilw êf am y nefoedd frŷ, a'r ddaiar obry isom, I gael barnu ei bobloedd êf, fal hyn rhydd lêf am danom.

[verse 5] O cesglwch attaf fi fy Saint, y rhai drwy ryddfraint brydferth, A wnaethan ammod a myfi, a'i rhwymo hi drwy aberth. [verse 6] A phan ddangoso mintai nêf ei farnau êf yn union, Sef Duw fydd yn barnu ei hûn, yr vnic gûn sydd gyfion.

[verse 7] Clyw di fy mhobl; traethaf yn ffraeth dystiolaeth yn dy erbyn, Dithau Israel: ac iawn yw, Duw, sef dy Dduw a'th ofyn. [verse 8] Ni chei di am yr ebyrth tau, na'th boeth offrymau gerydd; Nac am na baent hwy gar fy mron, y cyfryw roddion beunyd.

[verse 9] Ni chymeraf o'th dŷ vn llô! na hyfr a fô'n dy gorlan, [verse 10] Mi biau'r da'n y maes sy'n gwau ar fil o frynniau allan, [verse 11] Pob aderyn erbyn ei ben. a adwen ar y mynydd, Pob dâ maesydd, y lle y maen, y maent o'm blaen i beunŷdd.

[verse 12] Nid rhaid ym ddangos i ti hyn, pe delai newyn arnaf, Ac yn eiddo fi yr holl fyd, a'i dda i gyd yn llownaf. [verse 13] A'i cîg teirw fydd fy mwyd? na thŷb: nid wŷd ond angall: Ai gwaed hyfrod y niod fŷdd? dysg ô newydd ddeall.

[verse 14] Dod dy oglud ar Dduw yn drwm, a thâl yr offrwm pennaf; Cân ei fawl ef: a dôd ar lêd d'adduned i'r Goruchaf: [verse 15] Galw arnaf yn dy ddŷdd blin, yno cai fi'n waredydd: Yna y ceni i mi glôd am droi y rhôd mor ddedwydd.

[verse 16] Duw wrth yr enwir dywaid hyn: ai 'ti perthyn fy neddfau? Paham y cym'ri di, na'm clôd, na'm hamod yn dy enau? [verse 17] Sef, câs fu gennyt ti iawn ddysg, ac addysg ni chymeraist, A'm geriau i (fel araith ffôl) i gyd o'th ôl a deflaist.

[verse 18] A phan welaist leidr rhedaist a rhwydaist ran oddiwrtho: Ac os gordderchwr brwnt aflân, mynnaist ti gyfran gantho. [verse 19] Gollyngaist di dy safn yn rhŷdd yn efrydd ar ddrygioni, A'th dafod a lithrai ym mhell at ddichell a phôb gwegi.

[verse 20] Eisteddaist di, dwedaist ar gam ar fab dy fam er enllib. [verse 21] Pan wnaethost hyn, ni'th gosbais di, a thybiaist fi'n gyffelyb. [verse 22] Ond hwy na hyn tewi ni wnaf, mi a'th geryddaf bellach, Mi a ddangosaf dy holl ddrwg o flaen dy olwg hayach.

[verse 23] Gwrandewch: a pheidiwch tra fo'ch byw a gollwng Duw yn angof; Pan ni bô nêb i'ch gwared chwi, rhag ofn i mi eich rhwygo. [verse 24] Yr hwn abertho i mi fawl yw'r sawl a'm gogonedda. I'r neb a drefno'i ffordd yn wiw gwîr iechyd Duw a ddysgaf.