PSALM. I.
Y Sawl ni rodia, dedwydd yw
yn ôl drwg ystryw gyngor,
Ni saif ar ffordd troseddwyr, ffol,
nid eiste 'n stôl y gwatwor.
[verse 2] Ond ei holl serch ef fydd yn rhwydd,
ar ddeddf yr Arglwydd vchod:
Ac ar ei ddeddf, rhydd ddydd a nos,
yn ddiddos ei fyfyrdod.
[verse 3] Ef fydd fel pren plan ar lan dôl.
dwg ffrwyth amserol arno,
Ni chrina 'i ddalen, a'i holl waith,
a lwydda 'n berffaith iddo.
[verse 4] Nid felly bydd y drwg di-rûs.
ond fel yr ûs ar gorwynt:
Yr hwn o'r tir a'i chwŷth a'i chwâl,
anwadal fydd ei helynt.
[verse 5] Am hyn y drwg ni saif mewn barn
o flaen y cadarn vniawn:
Na'r pechaduriaid mawr eu bâr,
ynghynulleidfa 'r cyfiawn
[verse 6] Canys yr Arglwydd Dduw fel hyn,
a edwyn ffyrdd gwirioniaid:
Ar ef ni âd byth i barhau,
mo lwybrau pechaduriaid.