Llyfr y Psalmau,: wedi eu cyfieithu, a'u cyfansoddi ar fefur cerdd, yn gymraeg. / Drwy waith Edmund Prys archdiacon Merionydd.

PSAL. CXLVII.

MOlwch yr Arglwydd, can's da yw, canu i Dduw yn llafar: O herwydd hyfryd, yw ei glôd, a da yw bôd yn ddiolchgar. [verse 2] Caersalem dinas gyflawn fŷdd, yr Arglwyd sŷdd iw darpar: Gan gasglu Israel ynghŷd, a fu drwy'r bŷd ar wasgar.

[verse 3] Yr vnig Arglwydd sy'n iachâu, yn rhŷdd o friwiau'r galon; Yr Arglwydd rhwym 'eu briwiau'n iawn y rhai dolur lawn cleifion. [verse 4] Yr Arglwydd sydd yn rhifo'r sêr. a phôb rhyw nifer honynt: Ef a'u geilw hwynt oll yn glau, wrth briod enwau eiddynt.

[verse 5] Mawr yw ein Arglwydd ni o nerth, a phrydferth o rasoldeb; Ac mae'n bell iawn uwch ben pôb rhîf, sôn am ei brîf ddoethineb. [verse 6] Yr Arglwydd vnig sydd yn dal i gynnal y rhai gweiniaid, Ac êf a ostwng hyd y llawr y dorf fawr annuwioliaid.

[verse 7] Cenwch i'r Arglwydd fel y gwêdd, clodforedd iddo a berthyn: O cenwch, cenwch gerdd i'n Duw, da ydyw gydâ'r delyn: [verse 8] Hwn â chymylau toes y nen, â glaw'r ddayaren gwlychodd, I wellt gwnaeth dyfu ar y fron. a llysiau'i ddynion parodd.

[verse 9] Hwn i'r anifail ar y bryn a rŷdd yr hyn a'i portho: Fe bortha gywion y cigfrain, pan fo'n llefain arno. [verse 10] Nid oes gantho mewn grym vn march, na serch, na phârch, na phleser:

Nac mewn esgair, neu forddwyd gŵr, fel dyna gyfiwr ofer.

[verse 11] Yr Arglwydd rhoes ei serch ar ddŷn yr hwn y sŷn ei hoffi? Ac sydd yn disgwyl cael ei nawdd, caiff hwn yn hawdd ddaioni. [verse 12] O Caersalem gyflawn o lwydd molianna'r Arglwydd eiddod; O Seion sanctaidd, dôd vn wêdd i'th Dduw glodforedd barod;

[verse 13] Herwydd yr Arglwydd â'i fawr wyrth a wnaeth dy byrth yn gryfion: A rhoes i fendith, a thycciant, ymlhîth dy blant a'th wyrîon. [verse 14] Hwn a roes heddwch yn dy frô, fel y cynnyddo llwyddiant, Ac a ddiwallodd yn eich plîth, o frasder gwenith, borthiant.

[verse 15] Ei orchymmyn êf a ddenfyn, o'i ddowan-fawr air cymhesur, Hwn ar y ddaiar â ar lêd, ac yno rhêd yn brysur. [verse 16] Firch i'r eira ddisgyn fel gwlân: eirch rew, fel tân, fel lludw, [verse 17] Eirch iâ, fe ddaw yn defyll cri, pwy'erys oerni hwnnw?

[verse 18] Wrth ei air eilwaith ar ei hynt, fe bair i'r gwynt ochneidio I doddi'r rhain, ac felly bŷdd i'r holl afonydd lifo. [verse 19] Grym eî air, a'i ddeheu law grêf, a ddengys êf i Iago, A'i ffyrdd a'i farn i Israel, a'r rhai a ddêl o hono.

[verse 20] Ni wnaeth efe yn y dull hwn, â neb rhyw nassiwn arall: Ni wyddent farnau'r Arglwydd nêf, O molwch êf yn ddiball.