Llyfr y Psalmau,: wedi eu cyfieithu, a'u cyfansoddi ar fefur cerdd, yn gymraeg. / Drwy waith Edmund Prys archdiacon Merionydd.

PSALM. CXLV.

MI a'th fawrygaf di, fy Nuw, can's tydi yw fy llywŷdd, Bendithio dy enw bŷth a wnâf, mi a'i molaf yn dragywŷdd. [verse 2] Dy enw a folaf fi bôb dŷdd, a'th glôd â fŷdd heb orphen, [verse 3] Yr Arglwydd sŷdd glôd fawr heb wêdd, a'i fowredd sŷdd heb ddiben.

[verse 4] Cenedl wrth genedl a rônt fawl i'th ogoneddawl wrthiau; Gan danu dy nerth rhyd y bŷd, a dwedyd dy gynneddfau, [verse 5] Am dy ogonedd mawr, fy Nâf, mynegaf, a'th gadernyd. [verse 6] Sôn am dy bethau ofnadwy, gwnânt hwy a minnau hefyd.

[verse 7] Llwyr goffadwriaeth honot ti, a'th fawr ddaioni a draethant: Ac o'th gyfiownder fy Nuw Iôn, a llafar dôn y canant: [verse 8] Sef graslawn yw ein Arglwydd ni, ac o dosturi rhyfedd: Hŵyr ac anniben yw i ddîg: llawn frydig i drugaredd.

[verse 9] Da yw yr A••glwydd i bôb dyn, a'i nodded y'n dycciannol: Ac ar ei holl ••eithredoedd êf daw nawdd o'r nêf yn rasol, [verse 10] Dy holl we••rhredoedd di i'th lwydd, ô Arglwydd i'th glodforant: Dy wyrth pan ••elo dy Sainct di, y rheini a'th rendithiant:

[verse 11] Gan sôn am drugaredd a grâs dy dyrnas, a'i chadernyd: Fel dyna'r gerdd sydd yn parhâu, yn eu geneuau hyfryd. [verse 12] Fel y parent trwy hyfryd glôd, gydnabod â'th dyrnassiad, A'th nerth ym mysg holl ddynol blant, a'th lawn ogoniant gwastad.

[verse 13] Brenhiniaeth dy dyrnas di frŷ, a berrŷ yn wastadol,

A'th lywodraeth o oed i oed, hon a roed yn dragwyddol. [verse 14] Yr Arglwydd cynnal êf yn llonn, y rhai sy 'mron eu cwympod. Ac êf a gyfyd bawb yn wîr, ar a ostyngir isod.

[verse 15] Wele, mae llygad yr holl fŷd yn disgwyl wrthyd Arglwydd, Dithau a'i porthi hwynt i gŷd, bawb yn ei brŷd yn ebrwydd. [verse 16] A phan agorech di dy law, o honi daw diwall-faeth? D'ewyllys da yw ymborth bŷw, a hynny yw eu llŷniaeth.

[verse 17] Holl ffyrdd yr Arglwydd cyfion ŷnt a'i wrthiau ydynt sanctaidd: [verse 18] Agos iawn i bawb ydyw fo, a eilw arno'n buraidd. [verse 19] Sêf ar y gwŷr a'i hofnant êf, fe glŷw eu llêf iw gwared, Fe rŷdd eu hwyllys hwynt a'i harch, o'i wîr barch, Iôn gogoned.

[verse 20] Pôb dŷn a garo'r Arglwydd nêf, caiff gantho êf ei 'mddiffyn: A chan ddifetha rhŷdd oes ferr, i bôb ysceler cyndyn. [verse 21] Fy enaid traethed fendith rhwydd, a mawl yr Arglwydd nefol: A phôb cnawd rhoed iw enw, y Sanct, ogoniant yn dragwyddol.